Home-2 - Оқу-әдістемелік кабинет

Home-2

«Қазақ тарихындағы Ұлы тұлғалар» атты облыстық сырттай байқау өтуде

2020 жылдың  26 наурыз-3 сәуір аралығында Жамбыл облысы әкімдігі білім басқармасының ұйымдастыруымен 7-9 сынып оқушылары арасында «Қазақ тарихындағы Ұлы тұлғалар» атты облыстық сырттай байқау өткізілуде.

Іс-шараның мақсаты  –  өскелең ұрапақтың санасында Қазақстан тарихындағы  тұлғалардың тарихтағы рөлін айқындау, таныту, өмірі мен қоғам, ғылым, білім, мәдениет, салаларына қосқан үлестерін насихаттау, еңбектерін зерттеу, батырлар туралы тың деректерді ұсыну.

7-9 сынып білім алушылары «Қазақ тарихындағы Ұлы тұлғалар» атты байқау барысында 3 тақырып (7-сыныптар «Атлах шайқасынан Алтын Орда мемлекетінің құрылу тарихы сыр шертеді», 8-сыныптар Әбу Насыр                        Әл-Фараби – өркениет философы, 9-сыныптар «Ұлы Отан соғысындағы Жеңісті жақындатқан батырлар») бойынша тарихи шығармаларын ұсынуда.

Бүгінгі күні облыс бойынша 90-ға жуық оқушы электронды почта, әлеуметтік желілер арқылы өздерінің жұмыстарын ұсынуда. Байқау 3 сәуірге дейін өзінің жалғасын табады. Байқау нәтижесі облыстық білім басқармасының сайтында жарияланатын болады.

Жамбыл облысы әкімдігі білім басқармасының ұйымдастыруымен жалпы білім беру ұйымдарының 5-10 сынып оқушылары арасында  «Мен талантты жанмын!», «Өмірім менің тамаша!» тақырыптарында облыстық психологиялық интернет-байқауы  қашықтықтан өткізілуде.  

Байқаудың мақсаты - оқушылардың креативті, зияткерлік, шығармашылық ойлау қабілеттерін арттыру және тұлға ретінде дамуларына ықпал ету.

 Байқаудың міндеттері:

  • Оқушылардың түрлі танымдық қиялдау, армандау белсенділігін қалыптастыру;
  • Оқушылардың мәдени деңгейін және шығармашылық ойлау қабілеттерін жетілдіру;
  • Балалар мен жасөспірімдердің жеке тұлғалық қабілеттерін дамыту.

          Байқауда оқушылардың қиялдау, армандау ойларына ерік беріп «Мен талантты жанмын!», «Өмірім менің тамаша!» тақырыптарының бірін таңдай отырып қағаз бетіне эссе, өлеңмен, жыр шумақтарымен немесе бейнелеу сурет арқылы өз ойларын жеткізуге мүмкіндік беріледі.

Байқаудың өткізілу мерзімі 2020 жылдың 19 наурыз – 6 сәуір аралығы. Бүгінгі күнге дейін оқушылар өз жұмыстарын онлайн режимінде орындап, ағымдағы жылдың 1 сәуіріне дейін аталған байқауға 93 оқушы қатысуда.

Ақпан айы – жалпы білім беру ұйымдарында психологиялық кеңес беру айлығы  өткізілді

Жамбыл облысы әкімдігі білім басқармасының оқу-әдістемелік  кабинетінің 2020 жылға арналған жоспарына сәйкес «Ақпан айы – жалпы білім беру ұйымдарында психологиялық  кеңес  беру  айлығы» атты психологиялық кеңес беру айлығы өткізілді, барлығы 79540 оқушы, 7685 педагог және 6247 ата-аналар қатысты.

Кеңес беру айлығының мақсаты – оқушылардың, педагогтар мен ата-аналардың психологиялық сауаттылығын арттыру, білім алушылардың тұлғалық, зияткерлік дамуына ықпал ету, өзін-өзі тәрбиелеу мен дамыту қабілетін қалыптастыру және психологиялық кеңес беру бағытындағы жұмыстарды жандандыру.

Айлық  барысында  оқушылардың, педагогтар мен ата-аналардың психологиялық мәдениетін көтеруге бағытталған жеке, топтық кеңес беру жұмыстары  жүргізілді және оқушылардың психологиялық  денсаулығын нығайту мақсатында ашық  есік  күндері мен  психологиялық  апталығы ұйымдастырылып, сондай-ақ, семинар-тренингтер, дөңгелек үстелдер,   акция мен байқаулар өткізілді.

Жамбыл облысы әкімдігі білім басқармасының ұйымдастыруымен бастауыш сынып оқушылардың математика пәніне қызығушылығын арттыру, ғылыми бiлiмдi насихаттау, дарынды балаларды анықтау және оларға қолдау көрсету мақсатында  3-4 сынып оқушылары арасында  «Жас математик» онлайн байқауы  жүргізілуде.

Байқау қатысушылары ағымдағы жылдың 19 наурыз – 5 сәуір аралығында тапсырмаларды онлайн режимінде орындайды.  

2020 жылдың 30 наурызына дейін аталған байқауға 70-ке жуық бала қатысуда.

«Діни канондағы тыйымдар» тақырыбында облыстық онлайн дәріс өтті

2020 жылдың 12 наурыз күні Жамбыл облысы әкімдігі білім басқармасының оқу-әдістемелік кабинеті, Жамбыл облысы дін істері басқармасының дін проблемаларын зерттеу орталығының ұйымдастыруымен «Діни канондағы тыйымдар» тақырыбында облыстық онлайн дәріс өткізілді.

Іс-шараның мақсаты  –  білім алушылардың бойында дін саласындағы өзекті мәселелер туралы білімдерін қалыптастыру. Онлайн дәріс барысында оқушыларға дін мен өнер салаларындағы канондар, тыйымдар туралы дәріс оқылып, түсініктер берілді.

Дәріске облыстағы «Зайырлылық және дінтану негіздері» факультативтік курсынан сабақ беретін мұғалімдер, 9-11 сынып оқушылары, барлығы                   347 педагог, 3957 оқушы қамтылды.

Консоль отладки Joomla!

Сессия

Результаты профилирования

Использование памяти

Запросы к базе данных