БАСТЫ БЕТ - Оқу-әдістемелік кабинет

БАСТЫ БЕТ

«Нәтижеге бағытталған білім: білім сапасын арттырудың тиімді жолдары» тақырыбындағы облыстық онлайн семинар өтті

Облыстық оқу-әдістемелік кабинетінің ұйымдастыруымен                    2019 жылдың  21 мамырында «Zhambil_Obl_Metod» бөлмесінде бастауыш сынып оқушыларының оқу, жаратылыстану және математикалық сауаттылықтары мен мектеп бітірушілердің ҰБТ-ға дайындығын қамтамасыз ету мақсатында «Нәтижеге бағытталған білім: білім сапасын арттырудың тиімді жолдары» тақырыбында облыстық онлайн семинар өткізілді. Аталған іс-шараға (қазақ тілі мен әдебиеті, география, информатика, бастауыш сынып) 1951 мұғалім қатысты.

Онлайн семинар барысында пән мұғалімдері оқу сауаттылығының әлемдік кеңістіктегі маңызын, тест тапсырмаларын әзірлеу жолдары мен түрлерін, толық емес мәтіндерге қойылған талаптар, тест спецификациясын, оқу сауаттылығының деңгейлерін, мектептердегі оқушыларға мәтінмен жұмыс істеу тәсілдерін меңгерту барысында түрлі әдіс-тәсілдермен бөлісті.

Пән мұғалімдерінің кәсіби біліктілігін көтеру үшін әдістемелік көмек берілді.

«Нәтижеге бағытталған білім: білім сапасын арттырудың тиімді жолдары» тақырыбында облыстық онлайн семинар өтті

2019 жылдың 20 мамырында Жамбыл облысы әкімдігі білім басқармасының оқу-әдістемелік кабинетінің ұйымдастыруымен        мектеп бітірушілердің ҰБТ-ға дайындығын қамтамасыз ету мақсатында «Нәтижеге бағытталған білім: білім сапасын арттырудың тиімді жолдары» тақырыбында облыстық онлайн семинар өтті.

Облыстық онлайн семинарға 11 сыныпқа сабақ беретін пән мұғалімдері (математика, физика, тарих, химия, биология, ағылшын және орыс тілдері), барлығы 1927 педагог қатысты.

Семинар жұмыстарында педагогтарға ҰБТ бойынша білім сапасын арттыруға бағыттталған дәрістер оқылып, шеберлік сыныптары өткізілді, дидактикалық материалдар мен ұсынымдар  берілді.

«Білім беру ұйымдарында оқу жүктемесі төмендетілген үлгілік оқу жоспарымен жұмыс» тақырыбында облыстық семинар өтті

2019 жылдың 21 мамырында Тараз қаласындағы №3 мектеп-лицей базасында «Білім беру ұйымдарында оқу жүктемесі төмендетілген үлгілік оқу жоспарымен жұмыс» тақырыбында  облыстық семинар өтті.

Облыстық семинарға Қазақстан Республикасы Білім және ғылым министрлігі Ы.Алтынсарин атындағы Ұлттық білім академиясының Орта білім мазмұнын үйлестіру және ғылыми-әдістемелік қамтамасыз ету орталығының аға ғылыми қызметкері Досмұхамет Анар, облыстық білім басқармасының, облыстық оқу-әдістемелік кабинетінің  басшылары мен бөлім жетекшілері, аудандар мен Тараз қалалық білім бөлімдерінің басшылары, әдістемелік кабинет меңгерушілері, мектеп директорлары барлығы 500 адам қатысты.

          Іс-шара барысында Қазақстан Республикасы Білім және ғылым министрлігі Ы.Алтынсарин атындағы Ұлттық білім академиясының Орта білім мазмұнын үйлестіру және ғылыми-әдістемелік қамтамасыз ету орталығының аға ғылыми қызметкері Досмұхамет Анар семинарға қатысушыларға 2019-2020 оқу жылында жалпы  білім беру ұйымдары төмендетілген оқу жүктемесі бойынша жұмыстық оқу жоспарларының дидактикалық негіздерін таныстыру және жаңартылған білім беру мазмұнының негізінде жасалған типтік оқу жоспарларын талқылау, түсіндіру жұмыстары туралы толық ақпарат беріп өтті.

Сондай-ақ, білім мекемесінің басшыларына төмендетілген оқу жүктемесі бойынша жасалған үлгілік оқу жоспарлары бастауыш, негізгі, жалпы орта білім беру сатылары бойынша жүргізілуі туралы панельдік талқылау жұмысы жүргізілді.

Іс-шараға қатысушылар 2019-2020 оқу жылында оқу-тәрбие процесінін төмендетілген оқу жүктемесі бойынша жасалған үлгілік оқу жоспарының құрылымымен танысып, өзара тәжірибе алмасты.

«Үздік педагог» атағын беру конкурсының  ІІ кезеңі өтті.

        Жамбыл облысы әкімдігінің білім басқармасының ұйымдастыруымен  педагогтар мәртебесін арттыру және оны қалың жұртшылық арасында насихаттау мақсатында  2019 жылдың  16-17 мамыр күндері «Үздік педагог» атағын беру конкурсы  өткізілді.

        «Үздік педагог» атағын беру конкурсының І кезеңіне  облыс бойынша аудандық(қалалық) білім бөлімдері мен  облыстық білім басқармасына қарасты  білім мекемелерінен 169 педагог, конкурстың ІІ кезеңіне 16 педагог құжат тапсырды.

16 мамыр күні конкурсқа қатысушы 16 педагог пәндері бойынша тест тапсырмаларын орындап, 80%-дан жоғары көрсеткіш көрсеткен 9 педагог конкурстың негізгі кезеңіне өтті. Іріктеу кезеңінен (тесттен) өткен үміткерлердің оқу-әдістемелік құжаттарына, «Мен қазіргі заманның педагогімін» тақырыбында жазған эсселеріне талдау жасалып, баға берілді.                         

17 мамыр күні конкурсқа қатысушы  үміткерлер облыстық оқу-әдістемелік кабинетінің базасында шығармашылық жұмыстарын қорғап, панорамалық ашық сабақтарында өздерінің педагогикалық шеберліктерін көрсетті.

 Конкурстың іріктеу және негізгі кезеңдерінің қорытындысы бойынша                       барлық үміткерлер  конкурстың қорытынды кезеңіне, виртуалды дауыс беру кезеңіне өтеді. Виртуалды дауыс беру кезеңі 20-30 мамыр күндері аралығында өтеді. Конкурсқа қатысушылар облыстық білім басқармасының сайтына Интернет желісінде білім берудің сапалы ақпаратын және жұмыс тәжірибесін  көрсететін авторлық жұмыстарын, оқу, әдістемелік және басқа да жұмыстарын барлық пайдаланушыларға ашық түрде танысуға мүмкіндік беретіндей  орналастырылады. Кез-келген қызығушылық танытқан адам сайт арқылы қатысушының педагогикалық қызметі туралы материалдарымен таныса алады және дауыс бере алады. Интернет арқылы дауыс беру жеңімпазы қосымша                10 ұпай алады.

«Оқытудағы кедергілер және одан шығу жолдары, ҰБТ тапсырмаларының ерекшеліктері» тақырыбында облыстық  онлайн семинар өтті

Жамбыл  облысы әкімдігі білім басқарқармасы оқу-әдістемелік кабинетінің ұйымдастыруымен 2019 жылдың 20 мамырында орыс тілі пәні мұғалімдері үшін «Zhambil_Obl_Metod» бөлмесінде «Оқытудағы кедергілер және одан шығу жолдары, ҰБТ тапсырмаларының ерекшеліктері» тақырыбында онлайн режимінде  облыстық семинар өтті.

Аталған іс-шараға 397 педагог  қатысты.

Іс-шара барысында педагогтарға ақпараттық-әдістемелік көмек көрсетілді.

Консоль отладки Joomla!

Сессия

Результаты профилирования

Использование памяти

Запросы к базе данных