БАСТЫ БЕТ - Оқу-әдістемелік кабинет

БАСТЫ БЕТ

 «Мектепалды даярлық сынып балаларының бойында адамгершілік құндылықтарын қалыптастыру жолдары» тақырыбында облыстық семинар-практикум өтті

2019 жылдың 22 қараша күні облыстық оқу-әдістемелік кабинетінің ұйымдастыруымен Жамбыл ауданы, Б.Бесбаев атындағы мектеп-гимназиясының базасында мектепалды даярлық тәрбиешілері үшін облыстық семинар-практикум өтті. Семинар-практикум барысында көрме ұйымдастырылып, ұйымдастырылған ашық оқу қызметтері және коучингтер жүргізілді. Мектепалды даярлық сынып балаларының дүниетанымын кеңейту және рухани-адамгершілік құндылықтарын қалыптастыру бойынша педагогтер тәжірибе алмасты.

Аталған іс-шараға Тараз, Байзақ, Жамбыл аудандары бойынша 28 педагог қамтылды.   

Шығармашыл оқушылар арасындағы VI республикалық «Ақберен»  өнер байқауының қорытындысы туралы

Қазақстан Республикасы Білім және ғылым министрлігінің «Дарын» республикалық ғылыми-практикалық орталығының ұйымдастыруымен ағымдағы жылдың 21-23 қараша күндері аралығында Ақмола облысы, Бурабай ауданы, Шуче қаласында өткен шығармашыл оқушылар арасындағы VI Республикалық «Ақберен» өнер байқауында «Шешендік өнер» номинациясы бойынша Меркі ауданы А.Қосанұлы атындағы №18 жалпы білім беретін мектептің 11 сынып оқушысы Кемелбай Жанеля, «Эссе жазу» номинациясы бойынша Т.Рысқұлов ауданы Р.Смаилов атындағы орта мектебінің 11 сынып оқушысы Саламат Дана І дәрежелі дипломдармен, «Көркемсөз оқу» номинациясы бойынша Меркі ауданы И.Трубицин атындағы жалпы білім беретін №17 мектеп-гимназиясының 11 сынып оқушысы Жексенбі Ринат ІІ дәрежелі дипломмен, «Ақындар айтысы» номинациясы бойынша  Тараз қаласы №59 орта мектебінің 11 сынып               оқушысы Қонарбаев Мұхтар ІІІ дәрежелі дипломдармен марапатталды.      «Ұлттық аспапта өнер көрсету» номинациясы бойынша Меркі ауданы Т.Қожакеев атындағы №39 мектеп-гимназиясының 9 сынып оқушысы Күмісбек Жанерке алғыс хатқа ие болды.   

Байқаудың жалпы қорытындысы бойынша Жамбыл облысының жеңімпаздары командалық ІІ орынға ие болды. Жеңімпаздарымызды жеңістерімен құттықтаймыз!

«Күзгі мектеп» жобасы аясында тарих пәнінің мұғалімдеріне онлайн режимінде семинар өтті

2019 жылдың 21 қарашасында zhambul_obl_metod бөлмесінде облыстық дарынды ұл балаларға арналған мамандандырылған    «Білім-инновация» лицей-интернатының озық тәжірибелі мұғалімдері «Оқушылардың танымдық қабілетін дамытудағы «Экспедиция клубының» рөлі» тақырыбында тарих пәнінің мұғалімдеріне арналған онлайн режимінде шеберлік сыныптарын өткізді. Аталған іс-шараға облыстың 547 педагогі қамтылды.

«Жасөспірімдер арасында зорлық-зомбылықты болдырмаудың алдын-алу жолдары»   тақырыбында  онлайн  режимінде облыстық  семинар өтті

2019 жылдың  22 қараша  күні  www.sabak.kz  сайты,  Zhambil_obl_UMC бөлмесінде директордың тәрбие ісі жөніндегі орынбасарларына,  сынып жетекшілерге,  педагог психологтар мен әлеуметтік педагогтарға арналған  «Жасөспірімдер арасында зорлық-зомбылықты болдырмаудың алдын-алу жолдары»  тақырыбында  онлайн  режимінде  облыстық   семинар өтті.  Аталған іс-шараға, барлығы 1214  педагог  қатысты.  

Семинарға қатысушылар құқықтық тәрбие бағыты бойынша  және мектептегі-психологиялық қызметті жетілдіру барысында психологиялық қызметтің негізгі жұмыс бағыттары бойынша  әдістемелік көмектер алды, тиімді әдіс-тәсілдері жайлы ой бөлісті, тәжірибе  алмасты  және таратпалы материалдармен  қамтамасыз  етілді.

Жетекші мектептердің директорлары тағылымдамадан өтті

           Назарбаев Зияткерлік мектептерінің тәжірибесін трансляциялаудың іс-шаралар жоспарына сәйкес, Тараз қаласының Назарбаев Зияткерлік мектебінің базасында 2019 жылдың 11-15 қараша аралығында жетекші мектептердің директорлары бір апталық тағылымдамадан өтіп, оқу-тәрбие процесінің жаңартылған білім беру мазмұны аясында тиімді ұйымдастырылуы және мұғалімдердің сабақтағы іс-әрекеттерін зерттеу бойынша тәжірибе алмасты.

          Тағылымдамаға Байзақ, Қордай, Сарысу аудандары мен Тараз қаласынан 5 директор қатысты.

Консоль отладки Joomla!

Сессия

Результаты профилирования

Использование памяти

Запросы к базе данных