Home-2 - Оқу-әдістемелік кабинет

Home-2

«Оқу-тәрбие үрдісінде «Өзін-өзі тану» рухани-адамгершілік білім беру бағдарламасын интеграциялаудың тиімді жолдары» тақырыбында семинар-практикум өтті

         2020 жылдың 28 ақпан күні Жамбыл облысы әкімдігі білім басқармасының оқу-әдістемелік кабинетінің ұйымдастыруымен «Оқу-тәрбие үдерісіне «Өзін-өзі тану» рухани-адамгершілік білім беру бағдарламасын интеграциялау» пилоттық жобасы аясында Тараз қаласы №39 мектеп-гимназиясының базасында «Оқу-тәрбие үрдісінде «Өзін-өзі тану» рухани-адамгершілік білім беру бағдарламасын интеграциялаудың тиімді жолдары» тақырыбында облыстық семинар-практикум өтті.

          Іс-шараның мақсаты – білім мекемелерінде «Өзін-өзі тану» пәнін интеграциялаудың тиімді жолдарымен таныстыру, тәжірибе алмасу.  Семинар-практикум барысында педагогтер ашық сабақтар мен шеберлік сыныптар көрсетіп, іс-тәжірибе алмасты.

«Қысқы мектеп» жобасы аясында биология пәнінің мұғалімдеріне онлайн шеберлік сынып өтті

2020 жылдың 28 ақпанында облыстық оқу-әдістемелік кабинетінің ұйымдастыруымен облыстық дарынды балаларға арналған мамандандырылған «Дарын» мектеп-интернатының биология пәнінің мұғалімдері «Разработка задании для суммативного оценивания в 7 классах по биологии» тақырыбында онлайн дәріс өтті. Мұғалімдер шеберлік сынып барысында 7 сынып бойынша бағалау тапсырмаларын құрастырудың тиімді жолдарымен бөлісе отырып, тапсырма түрлерімен таныстырды, таратпалы материалдар ұсынды.

Аталған іс-шараға облыстың  308 педагогі қамтылды.

 

«Қазақстан халқы Ассамблеясы – татулық пен бірліктің кепілі» тақырыбында  бірыңғай ашық сабақтар өтті

2020 жылдың 28 ақпан күні Жамбыл облысы әкімдігі білім басқармасының оқу-әдістемелік кабинетінің ұйымдастыруымен облыстың жалпы білім беру ұйымдарында Қазақстан халқы Ассамблеясының                25 жылдығына орай Қазақстан халқы Ассамблеясы өкілдерінің қатысуымен «Қазақстан халқы Ассамблеясы – татулық пен бірліктің кепілі»                          (5-11 сыныптар) тақырыбында бірыңғай ашық сабақтар өтті.

Іс-шараның мақсаты – білім алушыларға санасында Қазақстан халқы Ассамблеясының құрылу тарихын, маңызы, халықтар бірлігі мен достығы туралы мәлімет беру, өскелең ұрапақты жаңа қазақстандық патриотизм рухында тәрбиелеу.

Бірыңғай ашық сабақтарға облыс бойынша 442 орта мектептің 125457 оқушысы қамтылды.

Ашық сабақтар оқушылар бойында азаматтық және жаңа қазақстандық патриотизм құндылықтарының қалыптасуына ықпал етті.

 

Облыстық тәжірибелік семинар өтті

Жаңартылған білім беру мазмұны жағдайында мектеп директорларына мектепті басқару жүйесінің сапалы ұйымдастырылуы мен білім сапасын арттырудың тиімді жолдары бойынша әдістемелік көмектер көрсету, жаңадан тағайындалған мектеп басшыларына ақпараттық-әдістемелік көмек көрсету мақсатында 2020 жылдың                       28 ақпанында Меркі ауданы, И.Трубицын атындағы №17 мектеп-гимназиясының базасында «Жаңартылған білім беру мазмұны жағдайында мектепті дамыту жоспарын сапаға бағыттау жолдары» атты облыстық директорлар кеңесінің қатысуымен тәжірибелік семинар өтті. Аталған іс-шараға облыстық директорлар кеңесінің мүшелері, жаңадан тағайындалған мектеп директорлары, директордың оқу ісі жөніндегі орынбасарлары, барлығы 70 адам қатысты.

          Іс-шара барысында мектеп басшылары мектептің оқу-тәрбие процесін жүйелі жоспарлаy ерекшеліктері мен білімнің сапасын арттырудың тиімді әдістерінің инновациялық жолдары туралы пікір алысып, құндылықтарды дамыту бағытында мектепті тиімді басқарудың жүйесі ұсынылып, жаңартылған білім беру мазмұны аясында  нәтижеге  бағытталған сабақтар көрсетілді.

«Қысқы мектеп» жобасы аясында математика, физика, информатика пәндерінің мұғалімдеріне «Ашық есік» күні өтті

2020 жылдың 28 ақпаны күні облыстық үш тілде оқытатын дарынды балаларға арналған мамандандырылған мектептің базасында математика, физика, информатика пәндерінің мұғалімдері үшін «Жаңартылған мазмұн жағдайында білім беру процесінің тиімділігін арттыру және білім беру сапасын қамтамасыз ету» тақырыбында «Ашық есік» күні өтті. Жұмыс барысында білім сапасын арттырудың тиімді жолдары туралы пікір алмасып, озық педагогикалық тәжірибелер(ашық сабақтар, тренинг, шеберлік сынып т.б) көрсетіліп, қорытынды аттестаттауға дайындық және бағалауға арналған тапсырмаларды құрастырудың  тиімді жолдарымен бөлісіп, өзара іс-тәжірибе алмасты.

Аталған іс-шараға облыстың  52  педагогі қамтылды.

Консоль отладки Joomla!

Сессия

Результаты профилирования

Использование памяти

Запросы к базе данных