БАСТЫ БЕТ - Оқу-әдістемелік кабинет

БАСТЫ БЕТ

VII халықаралық математика, физика және информатика пәні мұғалімдерінің шығармашылық байқауында 9 ұстаз жеңімпаз атанды

 2019 жылдың 1-2 желтоқсан күндері Алматы қаласында математика, физика және информатика пәндері мұғалімдерінің VII халықаралық шығармашылық байқауы өтті.

 Шығармашылық байқаудың мақсаты – мұғалімнің мәртебесін арттыру, олардың кәсіби шеберлігінің өсуіне ықпал ету, басқа елдердің педагогтарымен өзара байланыс.

 Байқау мазмұны кәсіби білім беру аясында педагог тұлғасының шығармашылық өзін-өзі анықтау және білім беру үрдісінде кәсіби педагогикалық шеберліктерін көрсетуге мүмкіндік беретін конкурс тапсырмаларын қарастырды. Байқау екі бөлімнен тұрды. Бірінші бөлімінде теориялық, екінші бөлімінде методикалық есептер берілді.

 Шығармашылық байқаудың қорытындысы бойынша облыстан қатысқан 10 педагогтың 9-ы жүлделі орындарға ие болып, командалық есепте I орынды иеленді.

Облыстық дарынды ер балаларға арналған мамандандырылған "Білім-инновация" лицей-интернатының физика пәнінің мұғалімі Жумадилов Ержан Есетович I орынды;

 Тараз қаласы ерекше дарынды балаларға арналған мамандандырылған «Дарын» мектеп-интернатының физика пәнінің мұғалімі Досыбаев Жандос Ильясович, Тараз қаласы  №45 қазақ классикалық гимназиясының математика пәнінің мұғалімі Кеңесов Бауыржан Бақытжанұлы II  жүлделі орындарды;

Шу ауданы «Жібек жолы» мектеп-лицейінің физика пәнінің мұғалімі Джанкиева Баян Хамиджановна, Жамбыл ауданы В.Чкалов атындағы орта мектебінің информатика пәні мұғалімі Сабирова Рабия Султанбековна III жүлделі орындарды;

 Тараз қаласы ерекше дарынды балаларға арналған мамандандырылған «Дарын» мектеп-интернатының математика пәнінің мұғалімі Талқанбаев Мұхтар Дәулетұлы, Айша бибі атындағы дарынды қыз балаларға арналған мамандандырылған "Білім-Инновация" мектеп-интернатының физика пәні мұғалімі Чижевская Дарья Константиновна, Байзақ ауданы С.Сейфулллин атындағы орта мектебінің математика пәні мұғалімі Абдураимов Жайлибай, Тараз қаласы А.Бөкейханов атындағы №1 гимназиясының математика пәнінің мұғалімі Естаев Даурен Естайұлы IV жүлделі орындарды иеленді.

Педагогтарымызды жеңістерімен құттықтаймыз.

Мектепалды даярлық сынып педагогтары арасында «Бала-біздің болашағымыз!»  облыстық  фестивалі өтті

2019  жылдың  5 желтоқсан күні облыстық оқу-әдістемелік кабинетінің ұйымдастыруымен Байзақ ауданы, Н.Ақшабаев атындағы орта мектебінің базасында мектепалды даярлық сынып педагогтарының қатысуымен «Бала-біздің болашағымыз!» атты облыстық фестиваль өтті.

Фестивальдің мақсаты – әрбір жеке тұлғаның адамгершілік-рухани, ізгілік қасиеттерін және адамзаттың әлеуметтік-мәдени тәжірибесін насихаттау.

Облыстық фестивальдің жеңімпаздары арнайы дипломдармен марапатталды.

«Метатанымдық дағдыларды дамыту арқылы бастауыш сынып оқушыларының  жетістікке жету  жолдары»  тақырыбында облыстық  онлайн семинар  өтті

       Жамбыл облысы әкімдігі білім басқармасының оқу-әдістемелік кабинеті Педагогикалық шеберлік орталығымен бірлесе отырып, 2019  жылдың                    29 қараша  күні  бастауыш сынып мұғалімдері үшін  «Метатанымдық дағдыларды дамыту арқылы бастауыш сынып оқушыларының  жетістікке жету  жолдары»  тақырыптарында  облыстық  онлайн семинар  өткізді.  

      Аталған іс-шараға аудандық  (қалалық)  білім бөлімдерінің бастауыш сынып  әдіскерлері мен    мұғалімдері,  барлығы  943    педагог қызметкерлері қатысты.

      Іс-шара бағдарламасына сәйкес  семинар  қатысушыларына  оқушылардың өзін-өзі реттеу және өзін-өзі бағалау жолдарын меңгеру кезіндегі мұғалімнің негізгі міндеттері, диалогтік оқыту әдістері мен  проблемалық диалогтың  ерекшеліктері бойынша оқу процесінде қолданылатын  практикалық тапсырмалар мен панорамалық сабақтар үлгілері  ұсынылды.   

«Қысқы мектеп» жобасы аясында физика пәнінің мұғалімдеріне онлайн режимінде дәріс өтті

2019 жылдың 4 желтоқсанында zhambul_obl_metod бөлмесінде облыстық  дарынды ер балаларға арналған мамандандырылған «Білім-Инновация» лицей-интернатының физика пәнінің мұғалімдері «Физика пәнінде АКТ-ны  қолдану тиімділігі» тақырыбында онлайн режимінде дәріс өткізіп, пән бойынша АКТ-ны тиімді пайдалану жолдары,  түрлі бағдарламаларды қолданудың ерекшеліктері бойынша тәжірибе алмасты.

Аталған іс-шараға облыстың  284 педагогі қамтылды.

«Күзгі мектеп» жобасы аясында өзін-өзі тану пәнінің мұғалімдеріне онлайн режимінде семинар өтті

2019 жылдың 28 қарашасында zhambul_obl_metod бөлмесінде облыстық облыстық дарынды қыз балаларға арналған мамандандырылған    «Білім-инновация» лицей-интернатының озық тәжірибелі мұғалімдері «Өзін-өзі тану сабағында топтық жұмысты ұйымдастырудың тиімді әдіс-тәсілдері» тақырыбында өзін-өзі тану пәнінің мұғалімдеріне арналған онлайн режимінде семинар өткізді. Аталған іс-шараға облыстың 512 педагогі қамтылды.

Консоль отладки Joomla!

Сессия

Результаты профилирования

Использование памяти

Запросы к базе данных