Home-2 - Оқу-әдістемелік кабинет

Home-2

Облыстық онлайн-жиналыс өтті

2020 жылдың 20 қазан күні Жамбыл облысы әкімдігі білім басқармасының оқу-әдістемелік  кабинетінің  ұйымдастыруымен «Қазақстан Республикасының білім беру және ғылымды дамытудың 2020-2025 жылдарға арналған мемлекеттік бағдарламасының орындалуы» бойынша  аудандар мен Тараз қаласының әдістемелік кабинеті меңгерушілерінің қатысуымен    онлайн-жиналыс өтті. Онлайн-жиналысқа 12 адам қатысты.

Онлайн-жиналыс барысында облыстық оқу-әдістемелік кабинетінің басшысы Ш.Усерова аудандар мен Тараз қаласының әдістемелік кабинет меңгерушілеріне  Қазақстан Республикасының білім беру және ғылымды дамытудың 2020-2025 жылдарға арналған мемлекеттік бағдарламасының орындалуы және білім мекемелерінің педагогтерін әдістемелік қолдау жұмыстарын инновациялық бағытта дамыту бойынша бірқатар  жұмыстардың  жүйелі жүргізілуі туралы  ұсыныстар айтты.

Сондай-ақ, Жамбыл, Меркі аудандары білім бөлімдерінің әдістемелік кабинет меңгерушілері  Қазақстан  Республикасында  білім беруді және ғылымды  дамытудың 2020-2025  жылдарға  арналған  мемлекеттік бағдарламасын  бекіту  аясында әдістемелік кабинеттердің жұмысы туралы  және алдағы уақытта мемлекеттік бағдарламалар аясында жүргізілетін жұмыстарының   орындалуы туралы баяндап, қатысушылармен өз іс-тәжірибелерімен бөлісті.

«Сабақты ұйымдастырудың бес қағидасы немесе ұстаз бен оқушы арасындағы сабақтастық» тақырыбында облыстық полилог алаңы өтті

Облыстық оқу-әдістемелік кабинетінің ұйымдастыруымен 2020 жылдың 20 қараша күні «Үздік педагог шеберханасы: Ізденіс. Тәжірбие. Нәтиже»  жобасының аясында республикалық  «Үздік педагог-2019» байқауының жеңімпазы облыстық ерекше дарынды балаларға арналған «Дарын» мектеп-интернатының қазақ тілі мен әдебиеті пәнінің мұғалімі Б.Р.Дүйсенбаевтың «Сабақты ұйымдастырудың бес қағидасы немесе ұстаз бен оқушы арасындағы сабақтастық» тақырыбында ZOOM платформасында облыстық полилог алаңы өтті.

Полилог алаңы барысында сабақты тиімді ұйымдастыруда мұғалім іс-әркетінің тиімді нәтиже берудегі халықаралық және халықтық педагогикадағы ұтымды әдіс-тәсілдерді пайдалану, ұстаз бен оқушы ынтымақтастығын ұйымдастыру, XXI ғасырдағы келешек келбетін қалыптастыратын ұстаз ұстанымындағы критерийлерді анықтау, ұстаз көшбасшылығы және ұстаз рөлін педагогикалық тұжырымдар бойынша зерделеу және озат тәжірибеде пайдалану жолдары  қарастырылды. 

Іс-шараға облыс аудандары мен Тараз қалалық білім бөлімдері мен облыстық білім басқармасына қарасты мекемелердің республикалық  «Үздік педагог» байқауының жеңімпаздары, әдістемелік кабинеттің меңгерушілері мен әдіскерлері, мектеп директорлары мен директордың ғылыми-әдістемелік, оқу ісі жөніндегі орынбасарлары, озық тәжірибелі педагогтар,  жалпы 203 педагог қатысты.

«Жаңартылған білім беру негізінде қашықтықтан оқытуды ұйымдастыру ерекшеліктері», «Особенности  организации  дистанционного  обучения  в рамках обновленного  содержания образования» тақырыбында жалпы орта білім беретін мекемелердің жаратылыстану-математикалық бағытындағы пән мұғалімдеріне арналған вебинар өтті

Жамбыл облысы әкімдігі білім басқармасының оқу-әдістемелік кабинеті Тараз  қаласындағы Назарбаев Зияткерлік мектебімен бірлесе отырып, 2020-2021 оқу  жылына  арналған  жаңартылған орта білім мазмұнын енгізу жағдайында Назарбаев Зияткерлік мектептерінің  іс-тәжірибесін орта білім беру ұйымдарына трансляциялау бойынша іс-шаралар жоспарын орындау мақсатында ағымдағы жылдың   9 қарашасы күні жалпы орта білім беретін мекемелердің жаратылыстану-математикалық бағытындағы пән мұғалімдеріне арналған «Жаңартылған білім беру негізінде қашықтан оқытуды ұйымдастыру ерекшеліктері», «Особенности  организации  дистанционного  обучения  в рамках обновленного  содержания образования» тақырыбында вебинар өткізді (қазақ және орыс тілдерінде).

Microsoft Teams  платформасы арқылы өткен вебинарға аудандық (қалалық) білім бөлімдерінің  жауапты әдіскерлері мен информатика, физика, биология, математика пәндерінің мұғалімдері, барлығы 503 педагог қатысты.

Вебинар  қатысушылары қашықтан оқыту кезінде АКТ құралдарын қолдану, физика және биология пәндері бойынша зертханалық жұмыстардың ұйымдастырылуы, бейне жазбалардың сақталуы, сонымен қатар тиімді кері байланысты  беруді ұйымдастыру жолдары бойынша тәжірибе алмасты.

«Алтын Орда мемлекетінің құрылуы: жаңа деректер мен тың зерттеулер» тақырыбында облыстық онлайн ғылыми жоба байқауы өтті

2020 жылдың  12 қараша күні облыстық оқу-әдістемелік кабинетінің ұйымдастыруымен Алтын Орданың 750 жылдығына орай «Алтын Орда мемлекетінің құрылуы: жаңа деректер мен тың зерттеулер» тақырыбында облыстық онлайн ғылыми жоба байқауы өтті.

Іс-шараның мақсаты – өскелең ұрпаққа Алтын Орда мемлекетінің құрылуы, мемлекет тарихы туралы дереккөздер, зерттеулер, қазіргі уақыттағы ғалымдардың еңбектері, пайымдары мен ойларын насихаттау, дарынды жас зерттеушілерді анықтау және оларға қолдау көрсету.

Ғылыми жоба байқауы барысында оқушылар Алтын Орда мемлекетінің құрылу тарихы, дереккөздер, қазіргі ғалымдардың пайымдары мен зерттеулері, мемлекетті басқарған хандар туралы зерттеулерін ұсынды.

Іс-шараға жалпы орта білім мекемелерінің 10-11 сынып оқушылары, барлығы 18  оқушы қатысты.

Ғылыми жоба байқауының нәтижесінде Т.Рысқұлов ауданы М.Горький атындағы орта мектебінің 10 сынып оқушысы Жексен Азиза І орынды, Шу ауданы Е.Бекмаханов атындағы мектеп-гимназиясының 10 сынып оқушысы Егізбай Аружан, Тараз қаласы №11 орта мектебінің 11 сынып оқушысы Царик Альбина ІІ орынды, Жуалы ауданы №10 Күреңбел орта мектебінің 10 сынып оқушысы Тәліп Жанель, Меркі ауданы Т.Қожакеев атындағы                                 №39 мектеп-гимназиясының 10 сынып оқушысы Айтбекова Маржан, Меркі ауданы №5 Ақарал мектеп-гимназиясының 10 сынып оқушысы Алауатдинова Анеля  ІІІ орындарды иеленді. Жамбыл ауданы Шайқорық орта мектебінің              11 сынып оқушысы Эрланқызы Дана, Мойынқұм ауданы Ә.Төлепбергенов атындағы орта мектебінің 10 сынып оқушысы Сабыралы Сырым, Т.Рысқұлов ауданы Т.Рысқұлов атындағы мектеп-лицейінің 11 сынып оқушысы Қуандық Аружан алғыс хаттармен марапатталды.

Байқау жеңімпаздарын ҚҰТТЫҚТАЙМЫЗ!!!

«Жеке тұлға бойында ұлттық құндылықтарды қалыптастыру жолдары»  тақырыбында  онлайн  режимінде облыстық семинар өтті

2020  жылдың  6  қараша  күні  директордың  тәрбие ісі жөніндегі  орынбасарларына,  сынып жетекшілерге арналған ұлттық тәрбие   бағыты  бойынша  жүргізілетін  жұмыстардың тиімді жолдарын қарастыру,  әдістемелік  көмек көрсету, өзара  тәжірибе  алмасу, тың идеялар мен озық тәжірибелерге және жаңашыл бастамаларға қолдау көрсету мақсатында  «Жеке тұлға бойында ұлттық құндылықтарды қалыптастыру  жолдары»  тақырыбында  онлайн  режимінде  облыстық   семинар zoom  платформасында өтті. Аталған іс-шараға барлығы  230 педагог  қатысты.  

Семинарға қатысушылар ұлттық тәрбие бағыты бойынша  әдістемелік көмектер алды, тиімді әдіс-тәсілдері жайлы ой бөлісті, тәжірибе алмасты.

Консоль отладки Joomla!

Сессия

Результаты профилирования

Использование памяти

Запросы к базе данных