БАСТЫ БЕТ - Оқу-әдістемелік кабинет

БАСТЫ БЕТ

«Күзгі мектеп» жобасы аясында  қазақ тілі мен әдебиеті, орыс тілі мен әдебиеті, ағылшын тілі пәнінің мұғалімдеріне ашық есік күні өтті

2019 жылдың 28 қарашасында Облыстық үштілде оқытатын мамандандырылған дарынды балаларға арналған мектеп базасында ашық есік күні өтті. Аталған іс-шарада тәжірибелі қазақ тілі мен әдебиеті, орыс тілі мен әдебиеті, ағылшын тілі пәндерінің мұғалімдері «Оқытудың белсенді әдістері білім сапасын арттырудың құралы ретінде» тақырыбында ашық сабақтар мен шеберлік сыныптарын өтті. Аталған іс-шараға облыстың          115 пән мұғалімдері қамтылды.

«Бастауыш сыныптарда саралап оқытуды ұйымдастырудың тиімді жолдары»  тақырыбында онлайн семинар өтті

Жамбыл облысы әкімдігі білім басқармасының оқу-әдістемелік кабинеті Өрлеу» БАҰО  АҚ филиалы Жамбыл облысы бойынша педагогикалық қызметкерлердің біліктілігін арттыру институтымен бірлесе отырып, 2019  жылдың  28 қараша  күні  облыстық білім басқармасының оқу-әдістемелік кабинетінің  «Zhambil_OBL_UMC» бөлмесінде «Бастауыш сыныптарда саралап оқытуды ұйымдастырудың тиімді жолдары» тақырыбында бастауыш сынып мұғалімдері мен аудандық  білім бөлімдерінің әдіскерлері үшін онлайн режимінде облыстық семинар өтті.

Аталған іс-шараға  1379  педагог  қатысты.

Онлайн семинарда мұғалімдер оқушылардың қажеттіліктеріне сәйкес оқытуда саралау тәсілдерін пайдаланудың маңызы және тиімді жолдарын тәжірибеде қолдану туралы  мәлімет алып, электронды дидактикалық таратпалы  материалдармен қамтамасыз етілді.

«Сабақтағы сапалы  қалыптастырушы бағалау – бөлім мен тоқсандық  жиынтық бағалаудың негізі» тақырыбында десант өтті

2019 жылдың 28 қарашасында Жамбыл облысы әкімдігінің білім басқармасы, Тараз  қаласындағы  Назарбаев Зияткерлік мектебі мен Педагогикалық шеберлік орталығының  бірлескен  іс-шаралар жоспарына сәйкес, тәрбие мен оқыту сапасының  деңгейін  арттыру мақсатында  Сарысу  ауданы М.Әуезов атындағы мектеп-гимназиясының  базасында «Сабақтағы сапалы  қалыптастырушы бағалау – бөлім мен тоқсандық  жиынтық бағалаудың негізі»  тақырыбында   десант  өткізілді.

Іс-шараға Сарысу ауданының  директордың оқу ісі жөніндегі орынбасарлары,  мектеп үйлестірушілері және пән мұғалімдері (қазақ тілі, орыс тілі, ағылшын тілі, математика, физика, химия, биология, тарих, география, информатика), барлығы  187  педагог қамтылды.

Десант барысында Тараз  қаласындағы Педагогикалық шеберлік орталығының  тренерлері Жетекші мектептің қызметі, Назарбаев Зияткерлік мектебінің педагогтары қатысушыларға НЗМ-да әдістемелік жұмысын жүзеге асыру ерекшеліктері, сабақта  бірлескен оқыту әдісі негізінде ашық сабақтар, қалыптастырушы бағалау барысындағы  тиімді кері байланыс, бөлім/тоқсан бойынша  жиынтық бағалау және оны жүргізу үдерісін ұйымдастыру жолдары,  мектеп үйлестірушінің қызметі бойынша  шеберлік сыныптар ұйымдастырды.

Физика пәнінің мұғалімдеріне онлайн режимінде семинар өтті

2019 жылдың 26 қарашасында Zhambil_Obl_Metod бөлмесінде «Өрлеу» біліктілікті  арттыру ұлттық орталығы» АҚ филиалы Жамбыл облысы бойынша педагогикалық қызметкерлердің біліктілігін арттыру институтымен бірлесе отырып, «Жаңартылған білім мазмұны жағдайында сабақты жоспарлау және формативті бағалау әдістемесі» тақырыбында физика пәнінің мұғалімдеріне арналған онлайн режимінде семинар өткізілді. Іс-шара барысында жаңартылған білім беру мазмұны жағдайындағы формативті бағалауды жүзеге асырудың тиімді  жолдарымен бөлісе отырып, қысқа мерзімді сабақты жоспарлаудағы кедергілерді жою жайлы әдістемелік консультациялар берілді.

Аталған іс-шараға облыстың  323 педагогі қамтылды.

Онлайн режимінде облыстық семинар өтті

          2019 жылдың 28 қарашасында Жамбыл облысы әкімдігі білім басқармасының оқу-әдістемелік кабинетінің ұйымдастыруымен          Білім беру ұйымдарында әдістемелік қызметті инновациялық бағытта ұйымдастырудың тиімді әдіс-тәсілдерін қарастыру, қатысушылардың кәсіби деңгейінің артуына ақпараттық-әдістемелік ықпал ету мақсатында «Әдістемелік қызметті нәтижеге бағыттау жолдары» атты онлайн режимінде облыстық семинар өтті.

Облыстық онлайн семинарына мектеп директорының ғылыми-әдістемелік жұмысы жөніндегі орынбасарлары, барлығы 240 адам қатысты.

Іс-шара барысында мектептегі білім беру мазмұнын жаңартуда әдістемелік жұмыстардың сапасын арттыру, әдістемелік жұмыстың ғылымилығы мен өзектілігін айқындау барысында жүргізілетін жұмыстарға әдістемелік қолдау көрсетіліп, қатысушылар мектептегі әдістемелік қызметтің тиімді ұйымдастырылу жолдарымен тәжірибе алмасып, ақпараттық-әдістемелік көмектер алды.

Консоль отладки Joomla!

Сессия

Результаты профилирования

Использование памяти

Запросы к базе данных