Тірек мектептердің (Р.О.) жұмысын жетілдіру - Оқу-әдістемелік кабинет

Тірек мектептердің (Р.О.) жұмысын жетілдіру

«Оқушыларды ҰБТ-ға даярлауда  және  тапсыру барысында психологиялық қолдаудың негізгі аспектілері» тақырыбында облыстық вебинар өтті

 2020 жылдың 9 маусым күні Жамбыл облысы әкімдігі білім басқармасының оқу-әдістемелік кабинеті «Оқушыларды ҰБТ-ға даярлауда  және  тапсыру барысында психологиялық қолдаудың негізгі аспектілері»  тақырыбында облыстық вебинар өткізді.

Вебинарға аудандар мен Тараз қалалық білім бөлімдерінің әдіскерлері мен педагог-психологтары, барлығы  68 адам қатысты.

          Вебинардың мақсаты – білім беру ұйымдарының педагог-психологтарына  оқушыларды ҰБТ-ға  даярлау  кезінде  әдістемелік көмек                көрсету  және тәжірибелік тұрғыда кәсіби шеберлігін арттыру.

Вебинар барысында мектеп бітірушілерді ҰБТ-ға даярлауда және тапсыру барысында педагогикалық-психологиялық қолдау көрсетудің тиімді жолдары мен психологиялық кеңес беру жұмыстары және дайындық кезінде өзін-өзі реттеу, өздеріне деген сенімділігін арттыруда психологиялық   сүйемелдеу жолдары бойынша ұсынымдар беріліп, тиімді әдістері талқыланды.

«Кітапхана жұмысындағы заманауи әдіс-тәсілдердің ерекшеліктері» тақырыбында  облыстық вебинар өтті

Білім басқармасының оқу-әдістемелік кабинетінің ұйымдастыруымен 22  мамыр күні облысымыздың жалпы орта білім беретін мектептің кітапхана қызметкерлеріне  арналған «Кітапхана жұмысындағы заманауи әдіс-тәсілдердің ерекшеліктері»   атты облыстық вебинар өткізілді.  

Аталған іс-шараға аудандық, Тараз қалалық білім бөлімдерінің әдіскерлері мен 52 кітапхана қызметкерлері қатысты.

«Әлеуметтік-психологиялық қызметте ата-аналармен жүргізілетін жұмыстарды жетілдіру» тақырыбында облыстық вебинар өтті

2020 жылдың 21 мамыр күні Жамбыл облысы әкімдігі білім басқармасының оқу-әдістемелік кабинеті білім беру ұйымдарының педагог-психологтары мен әлеуметтік педагогтарына арналған «Әлеуметтік-психологиялық қызметте ата-аналармен жүргізілетін жұмыстарды жетілдіру» тақырыбында облыстық вебинар өткізді.

Вебинардың мақсаты – білім беру ұйымдарының педагог-психологтары мен әлеуметтік педагогтарына әдістемелік көмек көрсету және психологиялық қызметте  ата-аналармен  қашықтықтан оқыту жағдайында  жүргізілетін жұмыстарды   тиімді ұйымдастыру.

Вебинар барысында әлеуметтік-психологиялық қызметте ата-аналармен қашықтықтан оқыту жағдайында жүргізілетін жұмыстардың ерекшеліктері мен  жұмыс бағыттарын жетілдіру бойынша ұсынымдар беріліп, тиімді әдістері талқыланды. Өткізілген іс-шараға барлығы 76 педагог қатысты.

«Оқу сауаттылығының өмірдегі маңызы және мектеп оқушыларының функционалдық сауаттылығын дамыту жолдары» тақырыбында вебинар өтті


Облыстық білім басқармасының оқу-әдістемелік кабинеті 2020 жылдың 20 мамыр күні «Оқу сауаттылығының өмірдегі маңызы және мектеп оқушыларының функционалдық сауаттылығын дамыту жолдары» тақырыбында қазақ тілі мен әдебиеті пәніне жауапты әдіскерлер мен мұғалімдерге арналған облыстық вебинар өтті. Вебинардың мақсаты – оқу сауаттылығындағы мәтін сұрақтар және оны шешудің тиімді жолдарын меңгерту.
Вебинар барысында оқу сауаттылығының әлемдік кеңістіктегі маңызы, оқылым үдерісінің үш кезеңі (мәтіннің мағынасын, мазмұнын ашу, мәнін ұғыну, мәтінді интерпретациялау, алынған білімді қолдану, өзіндік мағына беру), мәтін сұрақтарды шешудің жеңіл жолдары, тиімді әдістері талқыланды.

Облыстық «Ең үздік сабақ» атты қашықтықтан  сырттай байкаудың жеңімпаздары анықталды  

Жамбыл облысы әкімдігі білім басқармасының оқу-әдістемелік кабинетінің ұйымдастыруымен ағымдағы жылдың мамыр айында «Өзін-өзі тану» пәні мұғалімдерінің мәртебесін арттыру, шығармашыл педагогтарды анықтау және әдістемелік шеберліктерін шыңдау мақсатында өткізілген «Ең үздік сабақ» атты облыстық қашықтықтан сырттай байқаудың жеңімпаздары анықталып, жүлделі орындармен марапатталды.

Облыс бойынша қашықтықтан байқауға 64 мұғалім қатысты.

Консоль отладки Joomla!

Сессия

Результаты профилирования

Использование памяти

Запросы к базе данных