БАСТЫ БЕТ - Оқу-әдістемелік кабинет

БАСТЫ БЕТ

         Жамбыл облысы әкімдігі білім басқармасының оқу-әдістемелік кабинетінің ұйымдастыруымен аудандар мен Тараз қалалық білім бөлімдерінің әдіскерлері мен қазақ тілі мен әдебиеті пәнінен сабақ беретін мұғалімдерге азаттық жолында және ашаршылық қасіретінен құрбан болған қазақ халқының зиялылары туралы мағлұмат беру, өнегелі іс арқылы өскелең ұрпақтың санасына, бойына отансүйгіштік, елжандылық  және ұлтжандылық қасиеттерді сіңіру мақсатында «Саяси қуғын-сүргін: тарихнамасы, жаңаша көзқарастар, тың зерттеулер» тақырыбында облыстық ашық алаң өтті.

Іс-шара барысында педагогтер алаш жұртының зиялылары-қуғын-сүргін құрбандарының ел үшін жасаған елеулі еңбектерін кең көлемде насихаттады. Қазақстан 20-жылдардың екінші жартысы мен 30-жылдары бұрын-сонды болмаған әлеуметтік сынақ жасаудың алып полигонына айналғандығы туралы тоқталды. Белгілі жазушылар мен ақындар – М.Жұмабаев, С.Сейфуллин, І.Жансүгіров, Б.Майлин, көрнекті ғалымдар-А.Байтұрсынов, С.Асфендияров т.б. мемлекет, қоғам қайраткерлеріне құпия жағдайда жала жауып, негізсіз қуғын-сүргінге ұшыратқандығы туралы сөз болды.

Облыстық ашық алаңға аудандар мен Тараз қалалық білім бөлімдерінен 297 педагог қатысты. 

Білім беру ұйымдарында «Мемлекеттік рәміздер – ұлттық мақтанышымыз» тақырыбында тәрбие сағаттары өтті

 2021 жылдың 21 мамыр күні Қазақстан Республикасы мемлекеттік  рәміздері  күніне  орай  білім беру мекемелерінде 5-11 сынып білім алушылары арасында оқушыларға мемлекеттік рәміздерді құрметтеуге үйрету, өз Отанының патриоты етіп тәрбиелеу мақсатында «Мемлекеттік рәміздер – ұлттық мақтанышымыз» тақырыбында тәрбие сағаттары өткізілді.

Облыстық «Үздік тәлімгерлік қызмет» байқауы өтті

Жамбыл облысы әкімдігінің білім басқармасының оқу-әдістемелік кабинетінің ұйымдастыруымен 2021 жылдың 26 мамыр күні облыстық «Үздік тәлімгерлік қызмет» байқауы өткізілді.

Байқауға Байзақ, Жамбыл, Жуалы, Қордай, Мойынқұм, Меркі, Т.Рысқұлов, Сарысу, Шу аудандары мен Тараз қаласының білім беру ұйымдарынан барлығы 11 тәлімгер қатысты.

Облыстық «Үздік тәлімгерлік қызмет» байқауының ІІ облыстық кезеңіне қатысқан тәлімгерлердің жұмыс нәтижесін бағалауда жаңартылған білім мазмұнының енгізілу жағдайындағы ақпараттық-әдістемелік және оқу-тәрбиелік қызметінде жаңа педагогикалық идеяларды және инновациялық тәсілдемелерді анықтау 2 кезеңдік өлшемдер бойынша жүзеге асырылды.

Сондай-ақ, берілген материалдардың жүйелілігі, сандық және сапалық көрсеткіштердің арақатынасы, қорытындысының салыстырмалы талдауы, оның дұрыс динамикасы т.б. бәсекеге қабілеттілігі анықталды. Нәтижесінде:

І дәрежелі дипломмен – Тараз қаласы, №40 гимназиясының ағылшын тілі пәнінің мұғалімі Шубина Оксана Валерьевна;

ІІ дәрежелі дипломмен – Тараз қаласы, Б.Момышұлы атындағы №45 қазақ классикалық гимназиясының орыс тілі мен әдебиеті пәнінің мұғалімі Шотаева Жамила Шотаевна; Шу ауданы, №40 мектеп-лицейінің география пәнінің мұғалімі Бейсенбекқызы Айгул;

ІІІ дәрежелі дипломмен – Жамбыл ауданы, Ә.Ысмайылұлы атындағы орта мектебінің ағылшын тілі пәнінің мұғалімі Сарсенбекова Сандуғаш Сарсенбекқызы; Т.Рысқұлов ауданы, Құлан мектеп-гимназиясының қазақ тілі мен әдебиеті пәнінің мұғалімі Тасқанбаева Гаухартас Мелдебекқызы; Сарысу ауданы, М.Әуезов атындағы мектеп-гимназиясының орыс тілі мен әдебиеті пәнінің мұғалімі Уркинбаева Гульнара Еркеновна, Меркі ауданы, И.Трубицын атындағы №17 мектеп-гимназиясының биология пәні мұғалімі Тұрарова Айбат Маратқызы марапатталды.

Жамбыл  облысы  әкімдігі  білім басқармасының оқу-әдістемелік  кабинетінің ұйымдастыруымен  2021  жылдың  27 мамыр  күні  білім  беру  ұйымдарының  директордың  тәрбие ісі жөніндегі орынбасарларына әдістемелік көмек көрсету, инновациялық қызметтерін дамыту, шығармашылық шеберліктерін арттыру мақсатында мектеп  директорларының  тәрбие  ісі жөніндегі  орынбасарларының шығармашылық зертханасы жобасы аясында «Қашықтан оқыту жағдайында  тәрбие  жұмысын  тиімді ұйымдастыру және оны жетілдірудің  инновациялық  жолдары /НЗМ тәжірибесі/» тақырыбында  онлайн  режимінде  облыстық вебинар өтті. Аталған іс-шараға барлығы  312 педагог  қатысты.  

Іс-шара барысында  Мойынқұм ауданы, Жамбыл атындағы мектеп-гимназияның, Т.Рысқұлов  атындағы  тірек мектебінің, Шығанақ, Ә.Төлепбергенов  атындағы  орта мектептерінің озық іс-тәжірибелері  таратылды және вебинарға қатысушылар тәрбие жұмысын ұйымдастыру бойынша  әдістемелік көмектер  алды, тиімді инновациялық әдіс-тәсілдері жайлы ой бөлісті, тәжірибе  алмасты.   

 

Мектепалды даярлық сынып педагогтері үшін  облыстық онлайн семинар өтті

Жамбыл облысы әкімдігі білім басқармасының оқу-әдістемелік кабинетінің  ұйымдастыруымен  2021 жылдың 27 мамыр күні мектепалды даярлық сынып педагогтеріне арналған «Мектепалды даярлық сыныптарындағы тәрбие мен оқытудағы жаңаша көзқарас» тақырыбында zoom бейнебайланыс режимінде облыстық онлайн вебинар өтті.

Іс-шара барысында мектепке дейінгі тәрбие мен оқытудың ерекшеліктері және жаңа технологияларды жүзеге асырудың маңыздылығы туралы толық мағлұмат алып, электронды дидактикалық таратпалы материалдармен қамтамасыз етілді.

Аталған іс-шараға облыстың  110 педагогі қамтылды.