БАСТЫ БЕТ - Оқу-әдістемелік кабинет

БАСТЫ БЕТ

«Дінмұхамед Ахметұлы Қонаев: Тарих. Тұлға. Тағдыр» тақырыбында облыстық дөңгелек үстел өтті

2022 жылдың 16 қыркүйек күні облыстық оқу-әдістемелік кабинеті, Д.Қонаев орталығы мен Д.Қонаев атындағы облыстық балалар мен жасөспірімдер кітапханасының бірлесіп ұйымдастыруымен Д.Қонаев атындағы облыстық балалар мен жасөспірімдер кітапханасының мәжіліс залында көрнекті мемлекет және қоғам қайраткері Дінмұхамед Ахметұлы Қонаевтың 110 жылдығына орай аудандар мен Тараз қалалық білім бөлімдерінің әдіскерлері, тарих пәні мұғалімдеріне арналған «Дінмұхамед Ахметұлы Қонаев: Тарих. Тұлға. Тағдыр» тақырыбында облыстық дөңгелек үстел өтті.
Іс-шараның мақсаты – көрнекті мемлекет және қоғам қайраткері Дінмұхамед Ахметұлы Қонаевтың еңбектері мен қоғамдағы рөлін насихаттау, тәжірибе алмасу.
Іс-шараға Жамбыл облысы Д.Қонаев қорының кеңесшісі Ж.Куздеубеков, Д.Қонаев қорының Талас аудандық филиалының төрағасы Л.Нұрұлы, М.Х.Дулати атындағы Тараз өңірлік университетінің «Филология және журналистика» кафедрасының доценті, ф.ғ.к., «Бауыржантану» ғылыми-зерттеу орталығының ғылыми қызметкері Т.Мұқашев, «Тарих және география» кафедрасының меңгерушісі, т.ғ.к., доцент Е.Серікбаев қатысты.
Облыстық дөңгелек үстел барысында педагогтерге Д.Қонаевтың өмір жолы мен өнегесі, Қазақстанның дамуына қосқан үлесі, шығармалары, ғылыми еңбектері, өсиет сөздері туралы ақпарат беріліп, ғалымдар зерттеулері мен пайымдарымен бөлісті. Педагогтер шеберлік сыныптарын көрсетті.
Іс-шараға ЖОО ғалымдары мен оқытушылары, аудандар мен Тараз қалалық білім бөлімдерінің әдіскерлері, мектеп басшылары, тарих пәнінің мұғалімдері, барлығы 65 педагог қызметкер қатысты.

2022 жылдың 7-9 қыркүйек аралығында «Отбасы күніне» орай білім беру ұйымдарында «Отбасы – бақыт мекені», «Отбасым-менің тірегім!» тақырыптарында тәрбие сағаттары, «Отбасы бақыты - ел бақыты», «Ұлағатты отбасы-ұлт құндылығы» тақырыптарында танымдық сағаттары, «Мен отбасыммен мақтанамын» атты сурет байқауы өткізілді.

«Білімді ұлт: терең білім, еңбекқорлық және отаншылдық қасиет» тақырыбында өткен облыстық білім қызметкерлерінің Тамыз конференциясының аясында облыстық Рейтинг қорытындысының жеңімпаздары марапатталды.

2022 жылдың 24 тамыз күні Жамбыл облысы әкімдігі білім басқармасының ұйымдастыруымен «Білімді ұлт: терең білім, еңбекқорлық және отаншылдық қасиет» тақырыбында өткен облыстық білім қызметкерлерінің Тамыз конференциясының аясында облыстық Рейтинг қорытындысының жеңімпаздары марапатталды. «Үздік қала мектебі» номинациясымен Жамбыл облысы әкімдігінің білім басқармасының Тараз қаласы білім бөлімінің «№24 гимназиясы» коммуналдық мемлекеттік мекемесі; «Үздік ауыл мектебі» номинациясымен Жамбыл облысы әкімдігінің білім басқармасының Байзақ ауданы білім бөлімінің «Н.Киікбаев атындағы мектеп-гимназиясы» коммуналдық мемлекеттік мекемесі; «Үздік инновациялық мектеп» номинациясымен Жамбыл облысы әкімдігінің білім басқармасының Т.Рысқұлов ауданы білім бөлімінің «Ә.Бөкейханов атындағы орта мектебі» коммуналдық мемлекеттік мекемесі; «Үздік шағын жинақталған мектеп» номинациясымен Жамбыл облысы әкімдігінің білім басқармасының Сарысу ауданы білім бөлімінің «Ақтоғай орта мектебі» коммуналдық мемлекеттік мекемесіне 1 000 000 теңгенің (бір миллион теңге) сертификатын, сонымен қатар облыстық «Орта білім беретін үздік ұйым-2022» гранты негізінде берілетін номинациялар жеңімпаздары «Шебер педагогтар мектебі» номинациясымен Жамбыл облысы әкімдігінің білім басқармасының Жамбыл ауданы білім бөлімінің «Б.Бесбаев атындағы мектеп-гимназиясы» коммуналдық мемлекеттік мекемесі; «Педагогикалық инновациялар алаңы» номинациясымен Жамбыл облысы әкімдігінің білім басқармасының Жуалы ауданы білім бөлімінің «Д.Қонаев атындағы мектеп-гимназиясы» коммуналдық мемлекеттік мекемесі; «Даму бағытындағы мектеп» номинациясымен Жамбыл облысы әкімдігінің білім басқармасының Талас ауданы білім бөлімінің «Д.Қонаев атындағы орта мектебі» коммуналдық мемлекеттік мекемесі (ауыл); «Үздік әдістемелік алаң» номинациясымен Жамбыл облысы әкімдігінің білім басқармасының Шу ауданы білім бөлімінің «М.Мақатаев атындағы тірек мектебі» коммуналдық мемлекеттік мекемесі; «Шығармашылық-зертхана мектебі» номинациясымен Жамбыл облысы әкімдігінің білім басқармасының Тараз қалалық білім бөлімінің «Қ.Тұрысов атындағы №53 мектеп-гимназиясы» коммуналдық мемлекеттік мекемесіне 300 000 теңгенің (үш жүз мың теңге) сертификаты берілді.

А.Байтұрсынұлының 150 жылдық мерейтойына орай «Ахмет Байтұрсынұлының ғылыми мұрасы Ұлттық білім жүйесінде» атты облыстық диалог алаңы өтті

Жамбыл облысы әкімдігінің білім басқармасы оқу-әдістемелік кабинетінің ұйымдастыруымен 2022 жылдың 8 қыркүйегі күні «Ахмет Байтұрсынұлының ғылыми мұрасы Ұлттық білім жүйесінде» тақырыбында аудандық, қалалық білім бөлімдерінің әдіскерлері, бастауыш сынып және қазақ тілі мен әдебиеті пәнінің мұғалімдеріне диалог алаңы өтті.
Ұлт ұстазы – А.Байтұрсынұлының еңбектерін насихаттау, шығармашылық мұрасын оқыту барысында жас ұрпақты отансүйгіштікке, еңбекқорлыққа, ұлттық құндылықтарды құрметтеуге тәрбиелеу мақсатында өткен іс-шараны Жамбыл облысы әкімдігінің білім басқармасы оқу-әдістемелік кабинетінің басшысы Ш.Усерова жүргізді.
Сонымен қатар, М.Х.Дулати атындағы Тараз өңірлік университетінің «Филология және журналистика» кафедрасының доценті, филология ғылымдарының кандидаты Мұқашев Темірбай Әлиұлы Ахметтің ұлттық мәдениетті, ұлт өркениетін дамытудағы шығармашылық мұрасы туралы пікір білдірсе, «Ұстаз» институты «Қазақ тілі мен әдебиеті» кафедрасының меңгерушісі, педагогика ғылымдарының докторы, профессор Абдыкадырова Тұрсынай Рыстайқызы «А.Байтұрсынұлы мұрасы және қазіргі кезең» тақырыбында ой бөлісті.
Қазақстан журналистер одағының мүшесі, Шерхан Мұртаза атындағы руханият және тарихтану орталығының аға ғылыми қызметкері Мадияр Ералыұлы «Ахметтің жастарға аманаты» атты баяндамасында ұлт ұстазының өзінен кейінгі ұрпаққа қалдырған мұралары туралы кеңінен тоқталды.
Іс-шара барысында бастауыш сынып және қазақ тілі мен әдебиеті пәні мұғалімдері Ахмет Байтұрсынұлы еңбектерін оқытудың маңызы, «Әдебиет танытқыш» еңбегі, Ахметтің қазақ тіл біліміне қосқан үлесі және «Ахметтану» курсы: коммуникативтік дағды мен функционалдық сауаттылық» тақырыбы аясында ой бөлісті.
Іс-шараға ЖОО ғалымдары, оқытушылары, аудандық, қалалық білім бөлімінің әдіскерлері, бастауыш сынып және қазақ тілі мен әдебиеті пәнінің мұғалімдері, барлығы 100-ге жуық педагог қызметкер қатысты.

БАЙҚАУ ЖЕҢІМПАЗДАРЫ МАРАПАТТАЛДЫ

2022 жылдың 24 тамыз күні Жамбыл облысы әкімдігі білім басқармасының ұйымдастыруымен «Білімді ұлт: терең білім, еңбекқорлық және отаншылдық қасиет» тақырыбында өткен облыстық білім қызметкерлерінің Тамыз конференциясының аясында облыстық «Орта білім беретін үздік ұйым» байқауының грант иегері Жамбыл облысы әкімдігінің білім басқармасының Меркі ауданы білім бөлімінің «М.Әуезов атындағы мектеп-лицейі» коммуналдық мемлекеттік мекемесіне облыс әкімі Н.Нұржігітов 34 000 000 (отыз төрт миллион) теңге грантының сертификатын табыстады.