БАСТЫ БЕТ - Оқу-әдістемелік кабинет

БАСТЫ БЕТ

«Білім беру мазмұнын жаңарту жағдайында оқушылардың білім сапасын критериалды бағалау жүйесі арқылы жетілдіру»  тақырыбында қашықтан вебинар өтті

       Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2021 жылдың  23 сәуір  күні «Білім беру мазмұнын жаңарту жағдайында оқушылардың білім сапасын критериалды бағалау жүйесі арқылы жетілдіру»  тақырыбында география пәні әдіскерлері мен мұғалімдеріне арналған  вебинар  өтті. Вебинарға        237  педагог  қатысты.

          Вебинар барысында география пәнінен оқушылардың білім сапасын критериалды бағалау жүйесі арқылы жетілдіруде білім алушылардың функционалдық сауаттылығын дамыту үрдісі оқу қызметінің барлық түрлерінің нәтижелілігін оқу материалын меңгерудің процессуалды жағын және жеке тұлғалық  қасиеттерін,  ойлау дағдыларының деңгейлерін дамытуға бағытталған әдістемелік кеңестер ұсынылды.   

Облыстық онлайн вебинар өтті

Жамбыл облысы әкімдігі білім басқармасының оқу-әдістемелік кабинетінің  ұйымдастыруымен  2021 жылдың 23 сәуір күні аудандық (қалалық) білім бөлімдерінің мектепке дейінгі ұйым әдіскерлеріне арналған «Мектепке дейінгі ұйымдардағы тәрбие мен оқытуды дамытудың қазіргі заманғы тәсілдері мен перспективалары» тақырыбында zoom бейнебайланыс режимінде облыстық онлайн вебинар өтті.

Іс-шара барысында мектепке дейінгі тәрбиелеу мен оқытуды дамыту моделі таныстырылып, әрбір іс-шараларға дайындық жұмыстарының жүйелі жүргізілуі туралы ұсыныстар айтылды.

Сондай-ақ, Байзақ және Жамбыл аудандары білім бөлімдерінің мектепке дейінгі ұйым әдіскерлері мектепке дейінгі ұйымдарға, педагогтерге көрсетіліп жатқан ақпараттық-әдістемелік қолдау бағыттары бойынша іс-шаралар туралы әріптестерімен тәжірибе алмасты.

«Жиынтық бағалау тапсырмаларын әзірлеу әдістемесі» тақырыбында облыстық  онлайн семинар өтті

Жамбыл облысы әкімдігі білім басқармасының оқу-әдістемелік кабинеті Тараз қаласындағы Назарбаев Зияткерлік мектебімен бірлесе отырып, 2020-2021 оқу жылына арналған Назарбаев Зияткерлік мектептерінің  іс-тәжірибесін орта білім беру ұйымдарына трансляциялау бойынша іс-шаралар жоспарын орындау мақсатында 2021 жылдың 22 сәуір күні бастауыш сынып мұғалімдеріне арналған «Жиынтық бағалау тапсырмаларын әзірлеу әдістемесі» тақырыбында Microsoft Teams  платформасы арқылы облыстық семинар өткізді.

Аталған іс-шараға аудандық (қалалық) білім бөлімдерінің жауапты  әдіскерлері мен жалпы орта білім беретін мекемелердің 5-11 сыныптарға сабақ беретін химия, орыс тілі және тарих пән мұғалімдері, барлығы 292 педагог  қатысты.

Іс-шара  барысында семинар қатысушылары бөлім/тоқсан бойынша жиынтық бағалау тапсырмаларын әзірлеу жолдары, басшылыққа алынатын құжаттар, оқушылардың функционалдық сауаттылығын қалыптастыруға бағытталған тапсырмалар түрлері, тест спецификация, қолжетімді нәтижені анықтайтын бағалау құралдары бойынша тәжірибе алмасып, электронды таратпалы материалдармен қамтамасыз етілді.

«Оқуға құштар мектеп» жобасын іске асыру мақсатында «Жамбыл Жабаевтың 175 жылдығына арналады» атты облыстық буктрейлер   байқауы өтті

 Жамбыл облысы әкімдігі  білім басқармасының  оқу-әдістемелік кабинетінің ұйымдастыруымен   «Оқуға құштар мектеп» жобасын іске асыру мақсатында  7-8 сынып оқушылары  арасында «Жамбыл Жабаевтың 175 жылдығына арналады» атты ақынның шығармаларына үздік облыстық буктрейлер байқауы өткізілді. Байқаудың мақсаты – Ж.Жабаевтың шығармасы немесе Ж. Жабаевтың өмірі мен шығармашылығы туралы кітап бойынша буктрейлер дайындау.         

Байқауға  білім    беру   ұйымдарынан  24    мектеп қатысып,   6  мектеп жүлделі орындарды иеленді.

Меркі  ауданындағы №13 М.Маметова атындағы жалпы орта білім беретін  мектебінің  8 сынып  оқушысы  Г.Махметжан       І орынды,  Жамбыл  ауданының  А.С.Макаренко  атындағы  орта      мектебінің 8 сынып оқушысы  Е.Сандыбек,   Қордай ауданының  №14 Ә.Нүсіпбаев   атындағы  мектептің    8 сынып   оқушысы  С. Қапархан   ІІ орындарды, Сарысу ауданының  М.Әуезов атындағы мектеп-гимназиясының  7 сынып   оқушысы А.Жаңабай, Тараз  қаласының №7  гимназияның 7  сынып оқушысы  А.Люфт,                     Шу ауданының   М.Ғабдуллин  атындағы орта мектебінің 7 сынып оқушысы А.Әмед ІІІ орындарды иеленді.  

«Сабақты зерттеу мұғалімнің оқыту тәжірибесін жетілдіру тәсілі ретінде» тақырыбында облыстық  онлайн вебинар өтті

Облыстық білім басқармасы оқу-әдістемелік кабинетінің  ұйымдастыруымен 2021 жылдың 22 сәуір күні бастауыш сынып мұғалімдеріне арналған «Сабақты зерттеу мұғалімнің оқыту тәжірибесін жетілдіру тәсілі ретінде» тақырыбында Zoom  бейнебайланыс режимі арқылы облыстық вебинар өткізілді.

Аталған іс-шараға аудандық (қалалық) білім бөлімдерінің жауапты  әдіскерлері мен бастауыш сынып мұғалімдері, барлығы 300 педагог  қатысты.

Іс-шара  барысында бастауыш сынып мұғалімдері сабақты зерттеу (Lesson Study)   тәсілінің теориясы, әдіснамасы,  деректерді талдау  мен тәжірибеде туындайтын кейбір мәселелерді шешу жолдары, құнды нәтижеге жеткізетін іс-әрекеттер бойынша тәжірибе алмасты.