БАСТЫ БЕТ

НЫСАНАЛЫ МЕКТЕПТЕРГЕ ЖАУАПТЫ ӘДІСКЕРЛЕРІМЕН ОБЛЫСТЫҚ СЕМИНАР ӨТТІ

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 29 тамызында нысаналы мектептерді дамыту жобасы аясында «Нысаналы мектептерді дамыту арқылы білім беру сапасын арттыру жөніндегі жұмысты ұйымдастыру» тақырыбында облыстық семинар өтті.

Іс-шараға облыстық оқу-әдістемелік орталықтың басшысы мен әдіскерлері, аудандар мен Тараз қалалық білім бөлімдерінің нысаналы мектептер бойынша жауапты әдістемелік кабинеттерінің меңгерушілері, әдіскерлері, «Өрлеу» БАҰО АҚ Жамбыл облысы бойынша біліктілікті арттыру кәсіби институтының өкілдері, барлығы 100 адам қатысты.

Облыстық семинар жұмысында 2024-2025 оқу жылында «943-еліміздегі мақсатты мектептерді дамыту» жобасы, жобалық кеңсенің жоспарланған іс-шаралары, нысаналы мектептердің жеке портреттері мен жұмыс жоспарларын жүзеге асыру, нысаналы мектептерге жауапты әдіскерлердің жұмыс жоспары, әдіскерлердің қолдауымен мақсатты мектептерді дамытудың траекториясы мен құралдары, жобаны іске асыру шеңберіндегі бақылау мен мониторинг қызметі бойынша қатысушыларға ақпараттық-әдістемелік көмектер беріліп, мектептердің жеке порттреттерін жасақтау бойынша жауапты әдіскерлерге ақпараттық-әдістемелік көмектер берілді.

«1+10 шеберлік мектебі» жобасы аясында педагогтерге вебинар өтті

2024 жылдың 22 мамыр күні облыстық оқу-әдістемелік орталығының ұйымдастыруымен «1+10 шеберлік мектебі» жобасы аясында педагогтердің кәсіби құзыреттілігін арттыру, әдістемелік көмек көрсету мақсатында облыстық дарынды балаларға арналған мамандандырылған IT лицей-интернатының тарих пәнінің мұғалімі, республикалық «Үздік педагог-2015» байқауының жеңімпазы Өтегенова Гүлшат Ізбасарқызы «Система работы с одаренными детьми по подготовке к научным проектам», республикалық «Үздік педагог-2020» байқауының жеңімпазы Жанғасиева Жанар Орынбасарқызы «Тарих сабактарында акпараттық-коммуникативтік окыту технологиясының тиімділігі» тақырыптарында педагог-модераторларға вебинар өтті.

Вебинар барысында педагогтер оқу және оқыту процесін жетілдіруде АКТ ресурстары, пәнді оқытуда инновациялық платформалар мен қосымшаларды қолдану арқылы білім сапасын арттыру, дарынды балалармен жұмыс бағыттары мен ғылыми жобаларға дайындық, басшылыққа алынатын құжаттар, талаптар, тақырыпты таңдау бойынша өз тәжірибесімен бөлісті. Педагогтерге әдістемелік көмек көрсетілді.

Іс-шараға облыс аудандары мен Тараз қаласынан барлығы 38 педагог қатысты.

«Менің Елім – менің бақытты балалық шағым», «Алақай, жаз келді!» атты облыстық байқаулары өтті

Ағымдағы жылдың 20 мамыр күні ҚР ОҒМ «Балаларды ерте дамыту институты» республикалық мемлекеттік мекемесінің жылдық жоспарына сәйкес мектепке дейінгі ұйымдар арасында «Менің Елім – менің бақытты балалық шағым», «Алақай, жаз келді!» атты республикалық байқаулардың облыстық кезеңі өтті.
Іс шараның мақсаты – балаларды шығармашылыққа баули отырып тәрбиелеу, мектеп жасына дейінгі дарынды балаларды анықтау, дамыту және қолдау көрсету, жазғы сауықтыру кезеңін ұйымдастыру үшін қауіпсіз, жайлы және креативті ортаны құрудың озат тәжірибесін жинақтау және тарату.
Республикалық кезеңге Тараз қаласының №33 «Айсәуле» және №37 «Бәйтерек», №4 «Балдырған» бөбекжай-бақшаларының жұмыстары ұсынылды.

«Ерекше білім беруді қажет ететін балаларды оқытуды ұйымдастырудың тәжірибесі мен болашағы» тақырыбында облыстық семинар-практикум өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 17 мамыр күні «Ерекше білім беруді қажет ететін балаларды оқытуды ұйымдастырудың тәжірибесі мен болашағы» тақырыбында облыстық семинар-практикум өтті. Іс-шара барысында жалпы білім беретін мектептерде, инклюзияны қолдау кабинеттерінде және аутизм орталықтарындағы ерекше білім беруді қажет ететін балалардың мүмкіндіктерін ескере отырып, оқытудың тиімділігін арттырудағы әдіс-тәсілдер, арнайы педагогтердің кәсіби қызметін
кешенді тәсіл арқылы ұйымдастыру туралы ақпараттық-әдістемелік тұрғыдан қолдау көрсетілді. Сонымен қатар «Асыл Мирас» аутизм орталығының педагогтері А.Арықбаева «Jasper. Ойын арқылы балада түсінік қалыптастыру», А.Молдакулова «Ынталандыруды тиімді оқыту құралы ретінде пайдалану», Тараз қаласы No9 орта мектебінің «Қамқорлық инклюзияны қолдау» кабинетінің арнайы педагогтері А.Мейірқұл «Балаларды оқытудағы тиімді әдіс-тәсілдер», М.Иманғалиева «Сенсорлық интеграция - теория және практика, балаларға арналған жаттығулар», Г.Туякбаева «Жалпы білім беретін мектептерде ерекше білім беруді қажет ететін балаларды педагог- ассистенттің сүйемелдеуі» тақырыптарындағы шеберлік сыныптарымен бөлісті.

Іс-шараға аудандар мен Тараз қалалық білім бөлімдерінен жалпы 134 педагог қатысты.

«Бастауыш білім беруде ғылыми-жаратылыстану сауаттылығын (TIMSS халықаралық зерттеуі аясында) арттырудың тиімді жолдары» тақырыбында облыстық семинары өтті

Жамбыл облысы әкімдігі білім басқармасының оқу-әдістемелік орталығы 2024 жылдың 22 мамыр күні «1000 мектеп» жобасына енген мектептердің бастауыш сынып мұғалімдеріне арналған «Бастауыш білім беруде ғылыми-жаратылыстану сауаттылығын (TIMSS халықаралық зерттеуі аясында) арттырудың тиімді жолдары» (қазақ және орыс тілдерінде) тақырыбында облыстық семинар өтті.

Іс-шара барысында «1000 мектеп» жобасына енген мектептердің бастауыш сынып мұғалімдері зерттеу жүргізу (ғылыми сұрақтарды қалыптастыру үшін) ғылыми есептер мен зерттеу нәтижелерін сын тұрғысынан бағалау, түсіндіру (құбылыстарды ғылыми тұрғыдан түсіндіру) бірқатар табиғи және техногендік құбылыстарды тану, бағалау және түсініктеме беру қабілеті ретінде анықтау, жаратылыстану ғылымдарында әртүрлі материалдардың қасиеті, организмдер, құбылыстар мен процесстер, жаратылыстану терминдері мен өлшеу бірлігі туралы білім деңгейлерін қалыптастыру бойынша тәжірибе алмасып, электронды материалдармен қамтамасыз етілді.

Аталған іс-шараға аудандық (қалалық) білім бөлімдерінің жауапты әдіскерлері мен бастауыш сынып мұғалімдері, барлығы 271 педагог қызметкер қатысты.