БАСТЫ БЕТ

«СабақTime» жобасы аясында «Қалыптастырушы бағалау – бағалаудың тиімді тәсілі» тақырыбында семинар-практикум өтті

Облыстық оқу-әдістемелік орталығы «СабақTime» жобасы аясында 2024 жылдың 12 наурыз күні бастауыш сынып мұғалімдеріне арналған «Қалыптастырушы бағалау – бағалаудың тиімді тәсілі» тақырыбында семинар-практикум өтті.
«СабақTime» жобасынның тәжірибелік бөлімінде Байзақ ауданы Ғ.Мұратбаев атындағы гимназиясының мұғалімі А.Имамбекова 4 «Ә» сыныбында әдебиеттік оқу пәнінен «Жер ғаламшарына қамқорлық жасаймыз», Жамбыл ауданы, Б.Бесбаев атындағы мектеп-гимназиясының мұғалімі Г.Талипбекова 4 «А» сыныбында әдебиеттік оқу пәнінен «Жердің жүрегін тыңдайық», Тараз қаласы №8 гимназиясының мұғалімі Ж.Ауелбекова 1 «А» сыныбында ана тілі пәнінен «Наурыз. Сөйлемдегі сөздердің байланысы», Тараз қаласы №40 гимназиясының мұғалімі А.Намазбаева 1 «Е» сыныбында «Решение задач и уравнений», Тараз қаласы №12 мектеп-гимназиясының мұғалімі М.Каработонова 4 «Б» сыныбында әдебиеттік оқу пәнінен «Жердің жүрегін тыңдайық. Жер ғаламшарына қамқорлық жасаймыз», Тараз қаласы №40 гимназиясының мұғалімі Т.Пименова 4 «Б» сыныбында орыс тілі пәнінен «Глагол. Обобщение. Умная страничка» тақырыптарында ашық сабақтар өтті.
Аталған іс-шара барысында бастауыш сынып мұғалімдері ашық сабақтар үлгілерін көрсете отырып, оқушылардың кең ауқымды дағдыларды арттыруға бағытталған тапсырмаларды тиімді қолдану жолдары бойынша тәжірибе алмасты.
Семинар-практикумға 48 педагог, 152 оқушыға жуық қатысты.

«География сабақтарында АКТ - ны қолдану арқылы оқытудың тиімділігін арттыру» тақырыбында география пәні мұғалімдеріне арналған семиннар өтті.

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 12 наурыз күні «География сабақтарында АКТ - ны қолдану арқылы оқытудың тиімділігін арттыру» тақырыбында география пәні мұғалімдеріне арналған семинар өтті.
Облыстық іс-шара барысында мұғалімдерге география сабақтарында инновациялық технологияларды қолданудың тиімді жолдары көрсетілді.
Аталған іс-шараға барлығы 162 педагог қатысты.

«Зерде» жобасы аясында жаратылыстану-математикалық бағыттағы математика пәнінен сабақ беретін жас мамандарға семинар өтті

2024 жылдың 6 наурыз күні облыстық оқу-әдістемелік орталығының ұйымдастыруымен «Зерде» жобасы негізінде жаратылыстану-математикалық бағыттағы пәндерді оқытатын жас мамандардың өзара тәжірибе алмасу арқылы кәсіби құзыреттілігін арттыру, әдістемелік көмек көрсету мақсатында облыстық дарынды балаларға арналған мамандандырылған «Дарын» лицей-интернатының озық тәжірибелі математика пәнінің мұғалімдері «Математикалық сауаттылықты дамытуға бағытталған тапсырмаларды шығару практикумы», «Оқушыларды ҰБТ-ға жүйелі дайындау алгоритмі», «Система подготовки учеников к МОДО» тақырыптарында математика пәнінен сабақ беретін жас мамандарға семинар өтті.
Семинар барысында оқушылардың математикалық сауаттылығын арттыруға бағытталған тапсырмалардағы проблемаларды анықтау, талдау және ББЖМ-де,ҰБТ-да кездесетін есептерді орындаудың тиімді жолдары мен шешудің әдіс-тәсілдерін көрсету арқылы ұсынымдар беріліп, әдістемелік көмек көрсетілді. Педагогтер өзара іс- тәжірибесімен бөлісті.
Аталған іс-шараға облыстың 189 педагогі қатысты.

«Қазақстан тарихы, дүниежүзі тарихы, құқық негіздері пәндерінен білім алушыларды ҰБТ-ға дайындаудың тиімді жолдары» тақырыбында облыстық вебинар өтті

2024 жылдың 12 наурыз күні облыстық оқу-әдістемелік орталығының ұйымдастыруымен тарих пәні мұғалімдерінің кәсіби құзыреттіліктерін арттыру, әдістемелік көмек көрсету мақсатында аудандар мен Тараз қалалық білім бөлімдерінің әдіскерлері мен тарих пәнінің мұғалімдеріне арналған «Қазақстан тарихы, дүниежүзі тарихы, құқық негіздері пәндерінен білім алушыларды ҰБТ-ға дайындаудың тиімді жолдары» тақырыбында облыстық вебинар өтті.
Вебинар барысында педагогтерге тарих пәнінен білім алушыларды тестілеуге дайындаудың тиімді жолдары, тест түрлері мен контекстік тапсырмалардың ерекшеліктері, тест спецификациясы, оқулықтар, тест нұсқалары, дайындық жұмыстарының бағыттары, тарихи құжаттар, карта, деректер мен сызбалармен жұмыс түрлері бойынша әдістемелік ұсынымдар берілді.
Іс-шараға аудандар мен Тараз қалалық білім бөлімдерінің әдіскерлері, тарих пәнінің және «1000 мектеп» жобасына енген мектептердің мұғалімдері, барлығы 189 педагог қатысты.

«Қазақ тілі» пәнінен қорытынды аттестаттау тапсырмаларының ерекшеліктері», «Қазақ тілі мен әдебиеті» пәнінен аралық аттестаттау тапсырмаларын құрастырудың ерекшеліктері» тақырыптарында облыстық вебинар өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 11 наурыз күні «1+10 шеберлік мектебі» жобасы аясында педагог-модераторлар үшін «Қазақ тілі» пәнінен қорытынды аттестаттау тапсырмаларының ерекшеліктері», «Қазақ тілі мен әдебиеті» пәнінен аралық аттестаттау тапсырмаларын құрастырудың ерекшеліктері» тақырыптарында облыстық вебинар өтті.
Іс-шара барысында Жамбыл ауданы, Б.Бесбаев атындағы гимназиясының қазақ тілі мен әдебиеті пәнінің мұғалімі З.Үсенбаева 9-сыныптардағы қорытынды аттестаттаудың талаптарын, емтихан жұмысының сипаттамасын, балдар мен бағаларды қою үдерісін, емтихан барысында келетін тапсырмалармен жұмыс түрлерін көрсетсе, Меркі ауданы, И.Трубицын атындағы мектеп-лицейінің қазақ тілі мен әдебиеті пәнінің мұғалімі Н.Бектіғұлова академиялық жыл аяқталған кезде оқыту қазақ тілінде жүргізілетін сыныптарға «Қазақ тілі» және оқыту өзге тілде жүргізілетін сыныптарға «Қазақ тілі мен әдебиеті» пәндері бойынша МЖМБС-қа (тыңдалым, айтылым, оқылым, жазылым) сәйкес жазбаша нысанда өтетіндігіне тоқталды. Әрбір дағдыға сәйкес нақты оқу мақсаттары талданып, әдістемелік ұсынымды тиімді қолдану жолдары бойынша тәжірибе алмасты.
Аталған іс-шараға 60 педагог қатысты.