БАСТЫ БЕТ

СабақTime» жобасы аясында химия пәнінің мұғалімдеріне арналған «Қалыптастырушы бағалаудың негіздері: тиімді әдістер және бағалау критерийлерін құру» тақырыбындағы облыстық ашық сабақтар циклы өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2025 жылдың 4 наурыз күні химия пәні бойынша қалыптастырушы бағалаудың негіздері мен тиімді әдістерін, бағалау критерийлерін құруды және бұл әдістерді оқу үдерісінде тиімді қолдануға мүмкіндік беру арқылы білім беру сапасын арттыру мақсатында «Қалыптастырушы бағалаудың негіздері: тиімді әдістер және бағалау критерийлерін құру» тақырыбында облыстық ашық сабақтар циклы өтті.

Іс-шараның теориялық бөлімінде қалыптастырушы бағалаудың мәні мен мақсаты, әртүрлі бағалау әдістерін таныстыру және олардың практикалық қолданысындағы ерекшеліктері, бағалау критерийлерін құруға арналған практикалық ұсыныстар мен әдістемелері, қалыптастырушы бағалауды оқу үрдісінде тиімді түрде қолдану дағдылары, қалыптастырушы бағалау нәтижесінде оқушыларға кері байланыс берудің тиімді тәсілдері мен оның оқу нәтижелерін жақсартудың тиімді жолдары талқыланды. Ал тәжірибелік бөлімінде облыстың химия пәнінің мұғалімдері облыстық мамандандырылған «Дарын» лицей-интернатының базасында 8-10 сынып оқушыларымен «Ерітіндідегі заттардың молярлық концентрациясы», Практическая работа №5 «Приготовление растворов с заданной процентной и молярной концентрацией» /8-сыныптарда/, «Макроэлементтер, микроэлементтер және олардың маңызы», 14 Зертханалық тәжірибе «Сүйек құрамындағы кальцийді анықтау» 15 Зертханалық тәжірибе «Тамақ құрамындағы көміртекті анықтау» /9-сыныптарда/, «Алкандар. Алкандардың жану өнімдері», «Алканы. Продукты сгорания алканов» /10 сыныптарда/ тақырыптарында ашық сабақтар өткізілді.

Сонымен қатар, оқыту үдерісінде заманауи оқыту әдіс-тәсілдерін қолдану (топтық жұмыс, жеке тапсырмалар, жобалық әдіс, сыни ойлау), оқытудың интерактивті әдістері мен технологияларды тиімді пайдалану, қарапайымнан күрделіге қарай тапсырмаларды құрастыру, оқушылардың өздігінен жұмыс жасау дағдыларын қалыптастыруға арналған тапсырмалар және жаратылыстану сауаттылығын арттыру жолдары бойынша тәжірибе алмасты. Облыстық іс-шараға 45 педагог, 120 оқушы қатысты.

Авторлық бағдарлама жазудың талаптары мен әдістемесі» тақырыбында семинар өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2025 жылдың 4 наурыз күні «Авторлық бағдарлама жазудың талаптары мен әдістемесі» тақырыбында география пәні мұғалімдеріне арналған семинар өтті. Облыстық іс-шара барысында география пәнінің мұғалімдеріне авторлық бағдарламаның толық құрылымын, мазмұнын, талаптары мен әдістемесін түсіндіру жұмыстары жүргізілді. Педагогтерге жұмыс дәптері мен жаңа форматтағы тапсырма түрлері таныстырылды. Аталған іс-шараға барлығы 173 педагог қатысты.

Биология пәнінен білім алушыларды ҰБТ- ға дайындаудың тиімді жолдары» тақырыбында облыстық семинар өтті.

2025 жылдың 5 наурыз күні облыстық оқу-әдістемелік орталығының ұйымдастыруымен биология пәні бойынша ҰБТ-ға дайындық процесін тиімді ұйымдастыру, теория мен практиканы ұштастыру арқылы жоғары нәтижелерге қол жеткізуге мүмкіндік беретін құралдар мен тәсілдерді үйрету, әдістемелік көмек көрсету мақсатында «Биология пәнінен білім алушыларды ҰБТ- ға дайындаудың тиімді жолдары» тақырыбында облыстық семинар өтті. Семинар барысында педагогтерге ҰБТ-да қиындық тудыратын тапсырмаларды шешудің тиімді жолдары, білім алушылардың пәндік, метапәндік және түйінді құзыреттерін дамыту жолдары көрсетіліп, қажетті дидактикалық материалдарға сілтемелер таратылды. Іс-шараға аудандар мен Тараз қалалық білім бөлімдерінің әдіскерлері, биология пәнінің және «Мақсатты мектептер» жобасына енген мектептердің пән мұғалімдері, барлығы 110 педагог қатысты.

Балалар кітапханасы» бағдарламасы, «Оқуға құштар мектеп» жобасы аясында «Менің сүйікті кітабым – Абай шығармалары» тақырыбында республикалық челленджі басталды

«Оқуға құштар мектеп» жобасын іске асыру шеңберінде Қазақстан Республикасы Оқу-ағарту министрлігі (ҚР ОАМ) бекіткен «Тоғыз айда 9 іс-шара» тұжырымдамасын іске асыру мақсатында «Балалар кітапханасы» бағдарламасы, «Оқуға құштар мектеп» жобасы аясында «Менің сүйікті кітабым – Абай шығармалары» республикалық челленджі бастау алды. Челлендждің мақсаты - еліміздің оқушыларын Абай Құнанбаевтың шығармаларын оқуға шақыру арқылы оқу белсенділіктерін арттыру, кітап оқуға баулу және тәрбиелеу. Іс-шара барысында Жамбыл облысы Батыс Қазақстан облысы жолдаған Абайдың «Жігіттер ойын арзан, күлкі қымбат» 7-ші қара сөзін қабыл алып, Жамбыл облысы Жетісу облысына Абай шығармаларын оқуды ұсынды. Республикалық челлендж жыл бойы жалғасады.

Облыстық білім беру ұйымдарының арнайы мамандарының арасында «Үздік сабақ» атты сырттай байқау өткізілді.

Жамбыл облысы әкімдігі білім басқармасының оқу-әдістемелік орталығының ұйымдастыруымен 2025 жылдың 27 ақпан күні білім беру ұйымдарының арнайы мамандарының арасында «Үздік сабақ» атты облыстық сырттай байқау өткізілді. Білім беру ұйымдарының (арнайы мектеп-интернаттар, ППТК, ерекше білім беруді қажет ететін балаларды қолдау кабинеттері, «Асыл Мирас» аутизм және оңалту орталықтары) арнайы мамандарының кәсіби деңгейін көтеру, озық педагогикалық тәжірибелерді жинақтау және тарату мақсатында ұйымдастырылған «Үздік сабақ» атты облыстық сырттай байқауға ерекше білім беруді қажет ететін балаларды оқытудағы тәжірибелерінен 35 бейне сабақ ұсынылып, нәтижесінде үздік сабақтар анықталды. Арнайы мамандардың өзін-өзі дамытуы мен жаңартуды жүзеге асырудың жаңа әдіс-тәсілдерін тиімді қолдануы, сабақ құрылымының жүйелілігі мен нақтылығы, жалпы байқаудың ережесіне сәйкес өткізілген бейне сабақтар бойынша Жамбыл ауданы психологиялық-педагогикалық түзету кабинетінің логопеді Рысқұлбек Толғанай I дәрежелі, Т.Рысқұлов ауданы Ә.Бөкейханов атындағы орта мектебінің ерекше білім беруді қажет ететін балаларды қолдау кабинетінің логопеді Бекназарова Назира II дәрежелі, Тараз қаласы №3 психологиялық-педагогикалық түзету кабинетінің дефектологі Омарова Гулназ, №2 «Болашақ» арнайы мектеп-интернатының тифлопедагогі Садыкова Динара III дәрежелі дипломдармен марапатталды.