География сабағында цифрлық ресурстар арқылы оқушылардың танымдық қабілетін дамыту» тақырыбындағы география пәні мұғалімдеріне арналған семинар өтті.

   Жамбыл облысы әкімдігі білім басқармасының оқу-әдістемелік орталығының ұйымдастыруымен 2025 жылдың 14 наурыз күні «География сабағында цифрлық ресурстар арқылы оқушылардың танымдық қабілетін дамыту» тақырыбында география пәні мұғалімдеріне арналған семинар өтті. Облыстық іс-шара барысында цифрлық ресурстарды пайдалану, ақпаратты жинақтау, талдау, өңдеу және оны шығармашылық тұрғыда қолдану дағдыларын қалыптастырудың жолдары көрсетіліп, өзара тәжірибе алмасты. Аталған іс-шараға барлығы 192 педагог қатысты.

СабақTime» жобасы аясында химия пәнінің мұғалімдеріне арналған «Қалыптастырушы бағалаудың негіздері: тиімді әдістер және бағалау критерийлерін құру» тақырыбындағы облыстық ашық сабақтар циклы өтті

   Жамбыл облысы әкімдігі білім басқармасының оқу-әдістемелік орталығының ұйымдастыруымен 2025 жылдың 4 наурыз күні химия пәні бойынша қалыптастырушы бағалаудың негіздері мен тиімді әдістерін, бағалау критерийлерін құруды және бұл әдістерді оқу үдерісінде тиімді қолдануға мүмкіндік беру арқылы білім беру сапасын арттыру мақсатында «Қалыптастырушы бағалаудың негіздері: тиімді әдістер және бағалау критерийлерін құру» тақырыбында облыстық ашық сабақтар циклы өтті.

    Іс-шараның теориялық бөлімінде қалыптастырушы бағалаудың мәні мен мақсаты, әртүрлі бағалау әдістерін таныстыру және олардың практикалық қолданысындағы ерекшеліктері, бағалау критерийлерін құруға арналған практикалық ұсыныстар мен әдістемелері, қалыптастырушы бағалауды оқу үрдісінде тиімді түрде қолдану дағдылары, қалыптастырушы бағалау нәтижесінде оқушыларға кері байланыс берудің тиімді тәсілдері мен оның оқу нәтижелерін жақсартудың тиімді жолдары талқыланды. Ал тәжірибелік бөлімінде облыстың химия пәнінің мұғалімдері облыстық мамандандырылған «Дарын» лицей-интернатының базасында 8-10 сынып оқушыларымен «Ерітіндідегі заттардың молярлық концентрациясы», Практическая работа №5 «Приготовление растворов с заданной процентной и молярной концентрацией» /8-сыныптарда/, «Макроэлементтер, микроэлементтер және олардың маңызы», 14 Зертханалық тәжірибе «Сүйек құрамындағы кальцийді анықтау» 15 Зертханалық тәжірибе «Тамақ құрамындағы көміртекті анықтау» /9-сыныптарда/, «Алкандар. Алкандардың жану өнімдері», «Алканы. Продукты сгорания алканов» /10 сыныптарда/ тақырыптарында ашық сабақтар өткізілді.

    Сонымен қатар, оқыту үдерісінде заманауи оқыту әдіс-тәсілдерін қолдану (топтық жұмыс, жеке тапсырмалар, жобалық әдіс, сыни ойлау), оқытудың интерактивті әдістері мен технологияларды тиімді пайдалану, қарапайымнан күрделіге қарай тапсырмаларды құрастыру, оқушылардың өздігінен жұмыс жасау дағдыларын қалыптастыруға арналған тапсырмалар және жаратылыстану сауаттылығын арттыру жолдары бойынша тәжірибе алмасты. Облыстық іс-шараға 45 педагог, 120 оқушы қатысты.

ШЫҒАРМАШЫЛЫҚ ЗЕРТХАНА» ЖОБА АЯСЫНДА ТӘЖІРИБЕЛІК СЕМИНАР ӨТТІ

2025 жылдың 6 наурыз күні Жамбыл облысы әкімдігі білім басқармасының оқу-әдістемелік орталығының ұйымдастыруымен мектеп директорларының ғылыми-әдістемелік ісі жөніндегі орынбасарының жұмыстарына ақпараттық-әдістемелік көмек беру бағытында «Ғылыми-әдістемелік жұмысты ұйымдастыру: мүмкіндіктер мен тәжірибе» атты тәжірибелік семинары өтті. Іс-шараға аудандық, қалалық әдістемелік кабинеттерінің меңгерушілері, директордың оқу, ғылыми-әдістемелік жұмыстары бойынша орынбасарлары барлығы 100 адам қатысты. Семинардың барысында білім беру ұйымдарында ғылыми-әдістемелік жұмысты ұйымдастырудың тиімділігін арттыруда әдістемелік жаңашылдықтар мен инновациялық тәсілдер енгізу, мұғалімдердің кәсіби дамуын қолдау, ғылыми-зерттеу жұмыстарының нәтижелерін оқу үдерісіне енгізу, бағалау жүйесін жетілдіру арқылы оқушылардың білімін түрлі әдістер арқылы бағалау, оның ішінде жобалық жұмыстар, портфолио, шығармашылық жұмыстарды бағалау жүргізу, оқушылардың шынайы білім деңгейін анықтауға және әртүрлі қабілеттерін ескеруге мүмкіндік берілуі, шығармашылық және зерттеу жұмыстарын ынталандыру әдістері бойынша ақпараттық дайджест ұсынылды. Сонымен қатар, қатысушыларға мектептегі әдістемелік жұмысты ұйымдастыру: тиімді стратегиялар мен тәжірибелер, оқушылардың білім сапасын Lesson Studu арқылы көтеру жолдары бойынша тиімді әдістер-тәсілдер мен білім сапасын арттыру бағытында жүйелі жобалар бойынша тәжірірибелер ұсынылып, білім беру ұйымдарында білім сапасын жақсартудың тиімді жолдары бойынша ақпараттық-әдістемелік көмектер көрсетіліп, бірқатар әдістемелік ұсыныстар берілді.

Авторлық бағдарлама жазудың талаптары мен әдістемесі» тақырыбында семинар өтті

   Жамбыл облысы әкімдігі білім басқармасының оқу-әдістемелік орталығының ұйымдастыруымен 2025 жылдың 4 наурыз күні «Авторлық бағдарлама жазудың талаптары мен әдістемесі» тақырыбында география пәні мұғалімдеріне арналған семинар өтті. Облыстық іс-шара барысында география пәнінің мұғалімдеріне авторлық бағдарламаның толық құрылымын, мазмұнын, талаптары мен әдістемесін түсіндіру жұмыстары жүргізілді. Педагогтерге жұмыс дәптері мен жаңа форматтағы тапсырма түрлері таныстырылды. Аталған іс-шараға барлығы 173 педагог қатысты.