МЕКТЕП ДИРЕКТОРЛАРЫМЕН КЕҢЕС ӨТТІ

2024 жылдың 15 наурызында Жамбыл облысы әкімдігі білім басқармасының оқу-әдістемелік орталығы «Білім мекемесі басшы-лидерінің бағдары», «Мектептің басқару тәжірибесінен: табыс қалай келеді?» тақырыбында жаңадан тағайындалған мектеп басшыларымен директорлар кеңесін өткізді.
Іс-шара барысында облыстық директорлар кеңесінің төрайымы Меркі ауданы, Т.Қожекеев атындағы №39 мектеп-гимназиясының директоры Г.Тлеубердиева «Баршаға қолжетімді сапалы білім» Ұлттық баяндамасының міндеттерін орындау барысында білім беру ұйымдарының басшылары оқу-тәрбие процесін жақсарту бағытында ұйымдастыратын тиімді жоспарлау жұмыстары сапалы білім беруді қамтамасыз етілуі туралы, білім алушылардың көктемгі демалыс кезіндегі бос уақыттарының тиімді ұйымдастырылуы, мектепішілік бақылау жоспарының жүргізілу жағдайы бойынша іс-тәжірибесімен бөлісті. Сонымен қатар, Жуалы ауданы Ш.Мұртаза атындағы мектеп-гимназияның директоры Э.Абишева, Талас ауданы мектеп-лицейінің директоры З.Алпысбаева білім мекемесі басшы-лидерінің бағдарын айқындау формалары, табысты мектеп қалыптастырудағы үздік жобаларды енгізуде мектеп әкімшілігі мен мұғалімдердің бөлінген көшбасшылықтары, мұғалімдер өз мүмкіндіктерін дұрыс пайдалануда каскадты оқытудың ерекше сипаттамаларын қолдануы, STEАM, оқыту технологияларының ерекшеліктері, Soft Skils дағдыларын енгізу арқылы пәндердің сапалы оқытылуы, мұғалімдер, оқушылар мен ата-аналар арасындағы диалог арқылы білім мен тәрбиенің сапасын арттыру жағдайы, мектепті табысты мектептер қатарына қосуда мектеп директорының маңызды міндеттерді қоя білуі, білім сапасын арттыруға ықпал ететін факторлар туралы жаңадан тағайындалған мектеп басшыларына тәжірибелерімен бөлісіп, ақпараттық-әдістемелік көмектер көрсетті.
Кеңес отырысына 150 мектеп директоры қатысты.

«Аралық аттестаттаудың негізгі талаптары мен тапсырма құрастыру жолдары» тақырыбында қазақ тілі мен әдебиеті пәні мұғалімдеріне облыстық семинар өтті

Жамбыл облысы әкімдігінің білім басқармасының оқу-әдістемелік орталығының ұйымдастыруымен 2024 жылдың 15 наурызында білім алушылардың «Қазақ тілі», «Қазақ тілі мен әдебиеті» пәндері бойынша оқу бағдарламасының көлемін меңгеру деңгейін негізгі орта білім берудің мемлекеттік жалпыға міндетті білім беру стандарты талаптарын меңгерту бойынша 5-8, 10 сыныптарда өтетін аралық аттестаттау ерекшеліктерін меңгерту мақсатында «Аралық аттестаттаудың негізгі талаптары мен тапсырма құрастыру жолдары» тақырыбында қазақ тілі мен әдебиеті пәні мұғалімдеріне облыстық семинар өтті.
Іс-шара барысында аралық аттестаттаудың мақсаты мен міндеттері мен емтиханды өткізу талабына тоқталды.
Емтихан тапсырмаларын орындау қадамдарын түсіндіріп, мәтінге қойылатын талаптарды баяндады. Педагогтер оқу мақсаттарына сай емтихан тапсырмаларын құрастырып, бағалау критерийлерін талдады.
Облыстық семинарға 58 қазақ тілі мен әдебиеті пәнінің мұғалімдері қатысты.

ОБЛЫСТЫҚ СЕМИНАР ӨТТІ

Жамбыл облысы әкімдігінің білім басқармасының оқу-әдістемелік орталығы мен Педагогикалық шеберлік орталығының Тараз қаласындағы филиалымен бірлесіп, 2024 жылдың 15 наурыз күні «Сабақты зерттеу-оқыту мен оқу үдерісін дамытудың тиімді жолы» тақырыбында облыстық семинар өткізді.
Іс-шараға мектеп оқушылары, директордың ғылыми-әдістемелік жұмыстары жөніндегі орынбасарлары мен педагогтер, барлығы 200 адам қатысты.
Семинардың пленарлық сессиясында Педагогикалық шеберлік орталығының Тараз қаласындағы филиалының қызметкерлері мен Меркі аудандық білім бөлімі, М.Әуезов атындағы мектеп-лицейінің директоры Н.Қойшыманова, №39 Т.Қожакеев атындағы мектеп –гимназиясының директордың орынбасары В.Қырғызбаева, А.Асқаров атындағы мектеп–гимназиясының директорының орынбасары А.Адильбекова сабақты зерттеу тәсілі, мұғалімдердің зерттеушілік әрекетін ұйымдастыру, сабақты зерттеу-оқу мен оқытуды жақсарту векторы, «Lesson Study» зерттеуін жүргізу-білім сапасын арттыру бойынша баяндама оқыды.
Семинардың тәжірибелік бөлімінде аталған мектептердің мұғалімдері Ж.Тұрсыналиева, Ж.Ибрагимова, Р.Құлмаханбетова панорамалық сабақтар топтамасын көрсетіп, оқушылардың қызығушылығын белсенді оқыту әдістерін қолдану, оқылым дағдыларын графикалық органайзерлер арқылы арттыру, сабақты зерттеуді енгізу аясында тәжірибе алмасты.

«Аралық аттестаттау мен қорытынды аттестаттаудың негізгі талаптары мен тапсырма құрастыру жолдары», «Авторлық бағдарлама жазуға қойылатын талаптар мен негізгі принциптер» тақырыптарында қазақ тілі мен әдебиеті пәні мұғалімдеріне облыстық семинар өтті

Жамбыл облысы әкімдігінің білім басқармасының оқу-әдістемелік орталығының ұйымдастыруымен 2024 жылдың 14 наурызында Абай атындағы дарынды балаларға арналған қазақ тілі мен әдебиетін тереңдете оқытатын мектеп-гимназиясының қазақ тілі мен әдебиеті пәнінің мұғалімдеріне «Аралық аттестаттау мен қорытынды аттестаттаудың негізгі талаптары мен тапсырма құрастыру жолдары», «Авторлық бағдарлама жазуға қойылатын талаптар мен негізгі принциптер» атты облыстық семинар өтті.
Білім алушылардың «Қазақ тілі» пәндері бойынша оқу бағдарламасының көлемін меңгеру деңгейін негізгі орта білім берудің мемлекеттік жалпыға міндетті білім беру стандарты талаптарын меңгерту бойынша 5-8, 10 сыныптарда өтетін аралық аттестаттау ерекшеліктерін, 9-сыныптарға арналған қорытынды аттестаттау ерекшеліктері мен тапсырма құрастыру талаптарын, авторлық бағдарлама жазудың негізгі принциптерін меңгерту мақсатында өткен іс-шара барысында нақты ұсыныстар беріліп, кері байланыс алынды.
Төрт дағдыға негізделген (тыңдалым, айтылым, оқылым, жазылым) тапсырма түрлері көрсетіліп, әрбір дағдыға сәйкес нақты оқу мақсаттары талданды.
Облыстық семинарға 25 қазақ тілі мен әдебиеті пәнінің мұғалімдері қатысты.