ОБЛЫСТЫҚ  СЕМИНАР  ӨТТІ

 2025 жылдың 1 сәуір  күні Жамбыл облысы әкімдігінің білім басқармасының оқу-әдістемелік орталығы кәсіптік бағдар беру жұмыстарын үйлестіру аясында білім беру ұйымдарында кәсіби бағдар беру педагогтері мен аудандық, қалалық білім бөлімдерінің әдіскерлеріне әдістемелік қолдау көрсету және кәсіби шеберлін арттыру, тәжірибе алмасу мақсатында  «Кәсіби бағдар беру жұмыстарын ұйымдастырудың тиімді жолдары» атты семинар-кеңес өткізді.        

Іс-шараға   аудандық, қалалық білім бөлімдерінің әдіскерлері мен  кәсіби бағдар беру педагогтері, барлығы   35 адам  қатысты.

Семинар барысында Мемлекет басшысының тапсырмасына және «Жұмысшы мамандықтары жылы» іс-шаралар жоспарына сәйкес еліміздің орта білім беру ұйымдарында Ы.Алтынсарин Ұлттық академиясының  «Педагог-профориентатор» лауазымы ресми түрде енгізілуі, Педагог-кәсіптік бағдар берушінің негізгі міндеттері, әдістемелік нұсқаулық хатқа  сәйкес жұмыс жүргізу, «колледж-жұмыс беруші-мектеп» арасында өзара байланыс пен ынтымақтастықтың тиімділігі, білім беру ұйымдарында  кәсіби бағдар беру жұмысында инновациялық тәжірибені анықтау және тарту, тәжірибе алмасу үшін жағдай жасау, қатысушылардың кәсіби, тұлғалық шеберлігін жетілдіруге лайықты маман даярлаудың тиімді жолдарын  жүзеге асыру,  кәсіптік бағдар беру жүйесі, педагог-кәсіби бағдар берушінің жауапкершілігі, кәсіптік бағдар беру жұмысы үрдістері, ЖОО-мен меморандум орнату, кәсіби бағдар беру жұмысына талдау жүргізу бойынша  ақпараттық-әдістемелік қолдау көрсетілді.                               

Кәсіби бағдар беру жұмысын тиімді жүргізу туралы ұсынымдар беріліп, материалдардың электронды нұсқасы таратылды.

2025 жылдың 3 наурыз күні  білім беру ұйымдарында 1-11 сынып оқушылары арасында  "Әз-Наурыз!" тақырыбында танымдық сағаттар ұйымдастырылып өткізілді.

📌Мақсаты:

✔️Оқушылардың санасына халқына деген мақтаныш сезімін ұялату, ана тілін, оның тарихын, өнерін, мәдениетін қастерлеуге, қазақтың салт-дәстүрлері туралы білімдерін кеңейту, сөйлеу шеберлігін жетілдіру, мәнерлеп оқуға дағдыландыру, сахналау өнеріне баулу.

✔️Халықтың салт - дәстүрін, әдет - ғұрпын үйрете отырып, Наурыз қазақтың ұлттық мейрамы екенін ашып көрсету.

✔️Сабақты халықтық педагогикаға негіздей отырып, қазақ халқының ұлттық ойындарын, ұлттық тағамдарын, нақыл сөздерін қастерлей отырып, балаларға ұғындыру.

Қазақтың ұлттық киімдері ғасырлар бойы қалыптасқан дәстүрлер мен өмір салтына сай жасалып, күнделікті тұрмыс пен әлеуметтік мәртебені айқындайтын маңызды элемент болып саналады. Қазақтың ұлттық киімдері ерлерге, әйелдерге, балаларға және салт-дәстүрге байланысты арнайы киімдерге бөлінеді.
Қазақтың ұлттық киімдері – тек сән ғана емес, тарих пен салт-дәстүрдің символы. Әрбір ою, әрбір өрнек – терең мағынаға ие. Шапан, камзол, сәукеле, тымақ, тақия – қай-қайсысы да ғасырлар бойы қалыптасқан төл өнеріміздің жарқын көрінісі.
#nauryznama2025
#біртұтас_тәрбие

ОБЛЫСТЫҚ  СЕМИНАР  ӨТТІ

2025 жылдың 27 наурыз  күні Жамбыл облысы әкімдігінің білім басқармасының оқу-әдістемелік орталығының жұмыс жоспарына сәйкес кәсіптік бағдар беру жұмыстарын үйлестіру аясында білім беру ұйымдарында кәсіби бағдар беру педагогтері мен аудандық, қалалық білім бөлімдерінің әдіскерлеріне әдістемелік қолдау көрсету және кәсіби шеберлін арттыру, тәжірибе алмасу мақсатында  «Кәсіби бағдар беру жұмыстарының тиімді жүргізілуі» атты семинар-кеңес өткізді.

Іс-шараға   аудандық, қалалық білім бөлімдерінің әдіскерлері мен  кәсіби бағдар беру педагогтері, барлығы   100 адам  қатысты.

Семинар барысында білім беру ұйымдарын кәсіби бағдар беру жұмысында инновациялық тәжірибені анықтау және тарту, тәжірибе алмасу үшін жағдай жасау, қатысушылардың кәсіби, тұлғалық шеберлігін жетілдіруге лайықты маман даярлаудың тиімді жолдарын жүзеге асыру,  кәсіптік бағдар беру жүйесі, педагог-кәсіби бағдар берушінің жауапкершілігі, кәсіптік бағдар беру жұмысы үрдістері, Ы.Алтынсарин Ұлттық академиясының әдістемелік нұсқаулық хатына  сәйкес жұмыс жүргізу, лауазымдық міндеттер, ЖОО-мен меморандум орнату, кәсіби бағдар беру жұмысына талдау жүргізу бойынша  ақпараттық-әдістемелік қолдау көрсетілді.                               

Кәсіби бағдар беру жұмысын тиімді жүргізу туралы ұсынымдар беріліп, материалдардың электронды нұсқасы таратылды.

ОБЛЫСТЫҚ СЕМИНАР ӨТТІ

2025 жылдың 20 наурыз күні  Жамбыл облысы әкімдігі  білім басқармасының оқу-әдістемелік  орталығының  іс-шаралар жоспарына сәйкес  «Шығармашылық зертхана» жобасы аясында «Тиімді әдістемелік жұмыс-табысты мектептің тірегі»  атты облыстық тәжірибелік семинар өтті.

Іс-шараға мектеп директорларының ғылыми-әдістемелік жұмысы жөніндегі орынбасарлары мен шығармашалық топ мүшелері, барлығы 100 адам қатысты.

Семинар барысында «Заманауи тұлғаға бағытталған әдістемелік жұмыс», «Мұғалімнің оқыту мен оқу тәжірибесін жетілдірудегі әдістемелік жұмыстың тиімділігі», «Мұғалім тәжірибесін жетілдірудегі жаңаша басқарудың тиімділігі», «Білім беру ұйымдарында тәлімгерлік жұмысты ұйымдастыру» туралы баяндамалар ұсынылды.

Әдістемелік жұмыстың құрылымы, шығармашылық топ жұмысының нәтижесі, тәлімгерлер мектебінің жұмысы, ғылыми-әдістемелік жұмыс жоспарының бағыттары, оқу процесінің сапасын бақылау, мұғалімдер мен оқушыларды ғылыми-зерттеушілік шығармашылық жұмыстарға баулу, ынталандыру жұмыстарын жандандыру туралы тәжірибе алмасу  ақпараттық-әдістемелік көмектер берілді. Сонымен қатар, мектептің даму бағдарламасына енетін жобалардың тиімділігі, басқару мен оқу-тәрбие үрдісін ұйымдастырудағы әдістемелік қызмет сапасы, педагогтерге инновациялық-педагогикалық технологияларды пайдалануға бағыт-бағдар беру туралы мектеп директорларының ғылыми-әдістемелік ісі жөніндегі орынбасарларының жұмыстарына ақпараттық-әдістемелік көмек көрсетіліп, ұсыныстар берілді.