Ғылыми-тәжірибелік семинар өткізілді

          Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2021 жылдың 21 сәуірінде  мектеп директорларының ғылыми-әдістемелік жұмысы жөніндегі орынбасарларына арналған «Білім сапасын арттыруда пән мұғалімдерінің педагогикалық ізденістері»  тақырыбында облыстық ғылыми-тәжірибелік семинар өткізілді. Аталған шараға  201   мектеп директорларының ғылыми-әдістемелік ісі жөніндегі орынбасарлары  қатысты. Білім сапасын арттыруды қамтамасыз етуде пән мұғалімдерінің рөлі, іс-әрекеті, нәтижелі жұмысын қалыптастыру туралы ғылыми-теориялық, практикалық ақпараттар берілді. Т.Рысқұлов ауданының  №1 мектеп-лицейінде осы бағытта атқарылып жатқан жұмыстар туралы тәжірибе ортаға салынып, білім сапасын арттырудағы әдіскердің жұмыс бағыттары туралы кеңес берілді.

«Аутизм  мәселелері, диагностикасы және әдістемесі» тақырыбында облыстық  вебинар өтті

       Жамбыл облысы әкімдігі білім басқармасының оқу-әдістемелік кабинеті 2021  жылдың  19  сәуір  күні  Ерекше білім алуға қажеттілігі бар оқушыларға сабақ беретін мұғалімдер  үшін  «Аутизм  мәселелері, диагностикасы және әдістемесі» тақырыбында облыстық  вебинар өткізді.

 «Zооm» бейнебайланыс режимінде өткен іс-шараға  232 педагог қатысты. Іс-шара барысында  Талдықорған қаласының №2 облыстық психологиялық- медициналық-педагогикалық консультация орталығының психологі Абдуалиева Асем Нурсагиевна   бала аутизмін айқындаудың негізгі диагностикалық әдіс-тәсілдері туралы, БАҰО "Өрлеу" АҚ Жамбыл облысы бойынша филиалының "Методология және педагогикалық инновация" кафедрасының аға оқытушысы, әлеуметтану ғылымының кандидаты Абилова Айгүл Булатовна  аутизм спектрі бұзылған балаларда сөйлеуді дамытуға арналған логопедиялық ойындар мен жаттығулары бойынша тәжірибесі туралы ақпараттық-әдістемелік көмек беріліп, электронды материалдар таратылды.

Жамбыл облысы әкімдігі білім басқармасының оқу-әдістемелік кабинетінің ұйымдастыруымен Ы.Алтынсариннің  180 жылдық мерейтойына орай құрылған онкүндіктің жоспарына сәйкес Ұлы дала педагогі еңбектерін ұстаздар арасында кеңінен насихаттай отырып, педагогикалық заманауи әдіснамалық негіздеріне тәжірибелік қолдау таныту, ақынның шығармашылық мұрасын оқыта отырып, жас ұрпақты отансүйгіштікке, елжандылыққа, ұлттық құндылықтарды құрметтеуге тәрбиелеу  мақсатында «Ыбырай шығармаларын зерттеудегі инновациялар мен әдістемелер» тақырыбында онлайн семинар өтті.

Іс-шарада облысымыздың тәжірибелі ұстаздары Ыбырай шығармаларын оқыту арқылы оқушыларға патриоттық тәрбие берудің негіздерін атап көрсетіп, шағын әңгімелері мен өлеңдеріндегі қанатты, бейнелі сөздерін кеңінен насихаттады.

Облыстық семинарға 210 педагог қатысты. 

Мектепке дейінгі ұйым педагогтері үшін  облыстық онлайн вебинар өтті

Жамбыл облысы әкімдігі білім басқармасының оқу-әдістемелік кабинетінің  ұйымдастыруымен  2021 жылдың 19 сәуір күні мектепке дейінгі ұйым педагогтеріне арналған «Мектепке дейінгі жастағы балаларды дамытуда жобалық іс-әрекеттің маңызы» тақырыбында zoom бейнебайланыс режимінде облыстық онлайн вебинар өтті.

Іс-шара барысында мектепке дейінгі тәрбие мен оқытудың ерекшеліктері, әдістемелік жұмыстардың бағыттары, мектепке дейінгі тәрбие мен оқытуда жобалық іс-әрекеттің маңызы жайлы толық мағлұмат алып, электронды дидактикалық таратпалы материалдармен қамтамасыз етілді.

Аталған іс-шараға облыстың  202 педагогі қамтылды.