Тәжірибе алмасты

 2021 жылдың 11 наурыз күні Түркістан облысы «Адами әлеуетті дамыту басқармасының әдістемелік орталығы» директорының инновациялық жұмысы жөніндегі орынбасары М.Ж.Жансейітқызы мен орталық әдіскерлері Жамбыл облысы әкімдігі білім басқармасының оқу-әдістемелік кабинетімен өзара іс-тәжірибе алмасу мақсатында іс сапармен облысқа келді.

Түркістандық әріптестер облыстық-оқу-әдістемелік кабинетінің жұмыс бағыттарымен, білім сапасын арттыруға негізделген жобалармен, педагогтардың шеберханасымен, халықаралық зерттеуге дайындық жұмыстарының жүйесімен, педагогтардың кәсіби біліктілігін қалыптастырудағы ақпараттық-әдістемелік сүйемелдеудің түрлі тәсілдерімен танысты.

 «Қазақ әдебиеті сабағында М.Әуезовтің «Абай жолы» романын оқытудың тиімді жолдары» тақырыбында облыстық шеберлік сынып өтті

2021 жылдың 5 наурызында  «Үздік педагог шеберханасы: Ізденіс. Тәжірибе. Нәтиже»  жобасының аясында «Үздік педагог-2018» байқауының жеңімпазы, Байзақ ауданы, №1 мектеп-гимназиясының қазақ тілі мен әдебиеті пәнінің мұғалімі Ү.Сүгірбекованың  «Қазақ әдебиеті сабағында М.Әуезовтің «Абай жолы» романын оқытудың тиімді жолдары» тақырыбында облыстық шеберлік сыныбы  өткізілді.

Іс-шара барысында Ү.Сүгірбекова «Ұстаз – ұлы тұлға» бейнетаспасымен, педагогикалық портфолиосының мазмұнымен, шығармашылық жұмысымен  таныстырды. Көркем туындыны,  оқу-әдебиетті оқытудың негізгі мәселесі, көркем шығарманы оқыту мен талдау жұмыстары туралы іс-тәжірибесімен бөлісті.

Іс-шараға облыс аудандары мен Тараз қалалық білім бөлімдері мен облыстық білім басқармасына қарасты мекемелердің республикалық  «Үздік педагог» байқауының жеңімпаздары, әдістемелік кабинеттің меңгерушілері мен әдіскерлері, мектеп директорлары мен директордың ғылыми-әдістемелік, оқу ісі жөніндегі орынбасарлары, озық тәжірибелі педагогтар, жалпы 198 педагог қатысты.

Облыстық онлайн вебинар өтті

Жамбыл облысы әкімдігі білім басқармасының оқу-әдістемелік кабинетінің  ұйымдастыруымен  2021 жылдың 12 наурыз күні аудандық (қалалық) білім бөлімдерінің әдіскерлеріне  арналған «Педагогтің әдістемелік қызметі және педагогтерді әдістемелік қолдау» тақырыбында zoom бейнебайланыс режимінде облыстық онлайн вебинар өтті.

Іс-шара барысында әдістемелік іс-әрекеттің мәнін терең түсіндіру, педагогтердің инновациялық іс-әрекетін жоспарлау және іс-әрекетті тиімді ұйымдастыру ерекшеліктері жайлы толық мағлұмат алып, электронды дидактикалық таратпалы материалдармен қамтамасыз етілді.

Аталған іс-шараға аудандық (қалалық) білім бөлімдерінің жауапты 18 әдіскері қамтылды.

 «Внедрение и реализация исследования урока в школьную практику с целью улучшения качества преподавания и обучения»тақырыбында облыстық шеберлік сынып өтті

2021 жылдың 12 наурыз күні  «Үздік педагог шеберханасы: Ізденіс. Тәжірибе. Нәтиже»  жобасының аясында «Үздік педагог-2015» байқауының жеңімпазы, Т.Рысқұлов ауданы, Б.Момышұлы  атындағы орта мектебінің физика пәнінің мұғалімі С.Скребецтің  «Внедрение и реализация исследования урока в школьную практику с целью улучшения качества преподавания и обучения» тақырыбында облыстық шеберлік сыныбы  өткізілді.

Іс-шара барысында С.Скребец «Ұстаз – мектептің жүрегі»  бейнетаспасымен, педагогикалық электронды портфолиосының мазмұнымен, Lesson Study әдісінің мазмұны бойынша ұйымдастырылған жұмыс тәжірибесімен таныстырды. Дарынды оқушылармен жүргізілетін жұмыс түрлері, шығармашылық қабілетін арттыру бағытындағы әдіс-тәсілдер туралы іс-тәжірибесімен бөлісті.

Іс-шараға облыс аудандары мен Тараз қалалық білім бөлімдері мен облыстық білім басқармасына қарасты мекемелердің республикалық  «Үздік педагог» байқауының жеңімпаздары, әдістемелік кабинеттің меңгерушілері мен әдіскерлері, мектеп директорлары мен директордың ғылыми-әдістемелік, оқу ісі жөніндегі орынбасарлары, озық тәжірибелі педагогтар, жалпы 117 педагог қатысты.