«Олжас Сүлейменов және Қазақстандағы тарихи ойдың дамуы»  тақырыбында облыстық дөңгелек үстел өтті

2021 жылдың 4 мамыр күні облыстық оқу-әдістемелік кабинетінің ұйымдастыруымен Қазақстанның халық жазушысы, көрнекті мемлекет және қоғам қайраткері, ақын, әдебиеттанушы, лингвист-зерттеуші, түрколог, дипломат О.Сүлейменовтің 85 жылдық мерейтойына орай аудандар мен Тараз қалалық білім бөлімдерінің әдіскерлері,  тарих пәні мұғалімдеріне арналған «Олжас Сүлейменов және Қазақстандағы тарихи ойдың дамуы»  тақырыбында облыстық дөңгелек үстел өтті.

Іс-шараның мақсаты – Қазақстанның халық жазушысы, мемлекет және қоғам қайраткері, дипломат Олжас Сүлейменовтің өмір жолы, еңбектері мен шығармашылық мұрасын насихаттау, тәжірибе алмасу.

Іс-шарада Қорқыт Ата атындағы Қызылорда университетінің «Тарих және Қазақстан халқы Ассамблеясы» кафедрасының доценті, т.ғ.д. Сәтбай Тастайбек Яхияұлы «Олжас Сүлейменов және әлемдік тарихтың іргелі проблемалары», М.Х.Дулати атындағы Тараз өңірлік университетінің «Қазақ және орыс тілдері» кафедрасының меңгерушісі, ф.ғ.к., доцент Алтаева Гүлнар Абдуллаевна «Вклад Олжаса Сулейменова в полиязычную культуру Казахстана» тақырыптарында баяндама жасады.

Дөңгелек үстел барысында Олжас Сүлейменовтің өмір жолы, қызметі, шығармалары мен туындылары, «Невада-Семей» қозғалысына қатысты деректер мен ой-пікірлер айтылды.

Іс-шараға аудандар мен Тараз қалалық білім бөлімдерінен 11 әдіскер, 157 тарих пәнінің мұғалімі, барлығы 168 педагог қатысты.

Жамбыл облысы әкімдігі білім басқармасының оқу-әдістемелік кабинетінің ұйымдастыруымен даналықтың жауһары, даралықтың тарланы, ХХ ғасырдың Гомері атанған Жамбыл Жабаевтың 175 жылдық мерейтойына орай, өмір жолын, шығармаларын насихаттау, еңбектерін зерттеу мақсатында «Ж.Жабаев шығармаларын жаңаша оқытудың инновациялық әдістемесі мен өзекті мәселелері» тақырыбындағы қазақ тілі мен әдебиеті пәнінің мұғалімдеріне арналған облыстық тәжірибе алмасу алаңы өтті.

Іс-шараға облысымыздағы Ж.Жабаев атындағы мектептердің қазақ тілі мен әдебиеті пәнінің мұғалімдері қатысып, ақын шығармаларын оқыту бойынша қысқа мерзімді жоспарларын ұсынды. Тәжірибелі мұғалімдер Жамбыл Жабаевтың ақындық шеберлігі мен өзіндік ерекшелігін ашып көрсетті. Өлеңдеріне әдеби талдау жасай отырып, оқушыларды әсемдікке, елжандылыққа тәрбиелеу қажеттігіне тоқталды.

          Облысымыздың тәжірибелі ұстаздары Жамбыл жырлары арқылы оқушыларға патриоттық тәрбие берудің негіздерін атап көрсетті.

Облыстық тәжірибе алмасу алаңына аудандар мен Тараз қалалық білім бөлімдерінен 109 педагог қатысты. 

Білім беру ұйымдарында «Ешкім де, ештеңе де ұмытылмайды» тақырыбында тәрбие сағаттары  өтті

 2021 жылдың  4 мамыр күні білім беру мекемелерінде 7 мамыр-  Отан  қорғаушылар  күніне орай 5-11 сынып білім алушылары арасында «Ешкім де, ештеңе де ұмытылмайды» тақырыбында тәрбие  сағаттары өткізілді. 

Тәрбие сағаттары -  Ұлы Отан соғысының мазмұнын әңгімелеп соғыста ерлік көрсеткен батырлардың ерліктерін, жас ұрпақты Отан қорғауға, Ұлы Отан соғысының батырларының ерлік істеріне тағзым етуге, елін, жерін жаудан қорғай білуге, елінің патриоты болуға тәрбиелеу мақсатында өткізілді. 

«Физика пәнінің әдістемелік бірлестігінің жұмысы: Тәжірибе.Ұсыныс.» тақырыбында физика пәнінің мұғалімдеріне арналған облыстық вебинар өтті.

         2021 жылдың 30 сәуір күні облыстық оқу-әдістемелік кабинетінің ұйымдастыруымен ZOOM бейнебайланыс режимінде аудандар мен Тараз қалалық білім бөлімдерінің физика пәнінің бірлестік жетекшілері мен мұғалімдеріне арналған «Физика пәнінің әдістемелік бірлестігінің жұмысы: Тәжірибе.Ұсыныс. » тақырыбында облыстық вебинар өтті.

      Вебинардың мақсаты - жаңартылған білім беру мазмұны аясында физика пәні мұғалімдерінің кәсіби шеберлігі мен құзіреттілігін қалыптастыру.

      Іс шара барысында әдістемелік пән бірлестігінің жұмысы, мазмұны,  міндеттері, шығармашылық топтың жұмысы, озық тәжірибе, дарынды балалармен жұмыс, тәлімгерлік, жас мамандармен жұмыс жүргізу бағыттары және оқу-әдістемелік жұмыстың мазмұнын жетілдіру бойынша тиімді ұйымдастыруда әдістемелік ұсынымдар беріліп, педагогтар өзара                             іс- тәжірибесімен бөлісті.                                                                                                                        

      Аталған іс-шараға облыстың 147 физика пәнінің мұғалімдері     қатысты.