«Қысқы мектеп» жобасы аясында информатика пәнінің мұғалімдеріне семинар-практикумы өткізілді

2019 жылдың 14 ақпанында облыстық ерекше дарынды балаларға арналған мамандандырылған «Дарын» мектеп-интернатының базасында информатика пәнінің мұғалімдері үшін «Робототехника - болашақтың бағдары» тақырыбында облыстық  семинар - практикум өтті. Іс-шара барысында робототехника курсына заманауи технологияны тиімді пайдалануды меңгерту, физика есептерінің Arduina  платформасында шығару, STREAM білім беру жүйесі, LEGO конструкторының бағдарламасын құрастыру бойынша ашық сабақтар мен тренингтер өткізілді.

Аталған іс-шараға облыстың  22 педагогі қамтылды.

БАСТАУЫШ СЫНЫП МҰҒАЛІМДЕРІНЕ АРНАЛҒАН РЕСПУБЛИКАЛЫҚ «ПЕДСТАРТ» МАТЕМАТИКАЛЫҚ ОЛИМПИАДАСЫНДА ОБЛЫСТЫҢ 28 ПЕДАГОГІ ЖЕҢІМПАЗ  АТАНДЫ

2019  жылдың  7-9 қаңтар аралығында  Астана қаласында бастауыш сынып мұғалімдеріне арналған «Бастауыш мектепте олимпиадалық және логикалық есептерді шешу тәсілдері» тақырыбындағы  республикалық оқу-әдістемелік семинар аясында Республикалық «ПедСтарт» математикалық олимпиадасы өтті. 

Олимпиаданың мақсаты:  бастауыш мектеп мұғалімдерінің жоғары деңгейдегі олимпиадаларға дайындау қабілетін жақсарту, мұғалімдердің шығармашылық әлеуетін дамыту, педагог мамандығының мәртебесін арттыру.

Аталған  іс-шараға  Жамбыл  облысынан  52 мұғалім қатысып, нәтижесінде 28 педагог (І орынды   7,  ІІ орынды  8,  ІІІ орынды 13 мұғалім,  алғыс хаттармен  6 мұғалім) жеңімпаз атанды. 

Ұстаздарды жеңістерімен құттықтаймыз!

«Қысқы мектеп» жобасы аясында жаратылыстану-математикалық бағыттағы пәндердің мұғалімдеріне семинар өткізілді

2019 жылдың 8 ақпанында облыстық дарынды ер балаларға арналған мамандандырылған "Білім - инновация" мектеп-интернатының базасында жаратылыстану-математика бағытындағы пәндердің мұғалімдері үшін «Дарынды оқушыларды олимпиадаға дайындаудың тиімді жолдары» табырыбында облыстық семинар өтті. Семинар барысында жаратылыстану-математикалық бағыттағы тәжірибелі мұғалімдер ашық сабақ, коучингтер мен тренингтер, шеберлік сыныптар арқылы олимпиадаға дайындаудың тиімді жолдарымен, дарынды оқушылардың зерттеушілік қабілетін дамытатын инновациялық білім беру жүйесімен таныстыра отырып, іс-тәжірибелерімен бөлісті.

Аталған іс-шараға облыстың  85 педагогі қамтылды.

Назарбаев Зияткерлік мектептерінің тәрбие жұмысының ұйымдастырылуы бойынша іс-тәжірибесін тарату мақсатында «Жаңартылған білім беру аясында мектептегі тәрбие жүйесі: келешегі мен мүмкіндіктері» тақырыбында облыстық тәжірибелік семинар өтті

2019 жылдың 8 ақпан күні Жамбыл облысы әкімдігі білім басқармасының оқу-әдістемелік кабинетінің базасында Назарбаев Зияткерлік мектептерінің тәрбие жұмысының ұйымдастырылуы бойынша іс-тәжірибесін тарату мақсатында директордың тәрбие  ісі  жөніндегі  орынбасарларына  арналған «Жаңартылған білім беру аясында мектептегі тәрбие жүйесі: келешегі мен мүмкіндіктері» тақырыбында тәжірибелік семинар өткізілді, барлығы 43 педагог  қатысты.

Семинардың   мақсаты - білім беру ұйымдарында «Мәңгілік ел» жалпыұлттық идеясының құндылықтарын жүзеге асырудағы жаңа ақпараттық кеңістігін құру, НЗМ-нің тәрбие жұмыс жүйесін тарату, қарым-қатынастық құзіреттіліктің артуына қолайлы жағдай жасау.