ХАЛЫҚАРАЛЫҚ ПЕДАГОГИКАЛЫҚ ОҚУЛАРЫ ӨТТІ

2023 жылдың 15 наурыз күні Жамбыл облысы әкімдігінің білім басқармасы мен М.Х.Дулати атындағы Тараз өңірлік университетінің бірлескен жоспар аясында «Үздіксіз педагогикалық білім беру: инновациялық парадигма, технология және әдістеме» атты Халықаралық педагогикалық оқулары және «Үздік педагогикалық өнім-2023» байқауы өтті. Аталған іс-шараға ЖОО-ның ғалым-академиктері, мектеп директорлары, директордың орынбасарлары мен педагогтер, барлығы 250 адам қатысты.
Іс-шара барысында облыстық оқу-әдістемелік кабинетінің басшысы Ш.Усерова М.Х.Дулати атындағы өңірлік университетімен ынтымақтастық байланысты іске асыру жолдары туралы, Қазақстанның білім саласындағы эксперттер лигасының президенті Г.Абишева «Қазақстандық білім берудің даму траекториясы», Абай атындағы Қазақ Ұлттық университетінің академигі К.Жанпейісова «Жоғары педагогикалық білім берудегі интеграция және интеграциялық процесстер», Ресей федерациясының Шадрин мемлекеттік педагогикалық университетінің проректоры Н.Скоробогатова «Ресейдегі болашақ мұғалімдерді даярлау жүйесін жаңғыртудың қазіргі тенденциялары», «Ұлттық құндылықтар академиясы» қоғамдық бірлестігінің төрағасы Ә.Дүйсебек «Ұлттық құндылықтар-қоғамның тұрақты дамуының кепілі» тақырыптарында пленарлық мәжіліс жұмысы, шеберлік сыныптар көрсетіліп, тәжірибелерін таратты.

КӘСІБИ БАҒДАР БЕРУ АЙЛЫҒЫ ӨТУДЕ

2023 жылдың 1 наурызынан бастап Жамбыл облысы әкімдігінің білім басқармасының оқу-әдістемелік кабинеті мен Жамбыл облысы кәсіпкерлер палатасының бірлескен жылдық жоспарына сәйкес білім беру ұйымдарында кәсіби бағыт-бағдар беру мақсатында «Кәсіптік бағдар беру жұмыстарын сапалы ұйымдастыру» айлығы өткізілуде. Бүгінгі күнге дейін іс-шараға 4075 оқушылар мен 2700 ата-аналар, барлығы 6775 адам қатысты.
«Менің болашақ мамандығым», «Мен және менің болашақ кәсібім», «Менің таңдауым – менің болашағым», «Жаңа ғасырға лайық педагог маман даярлаудың тиімді жолдары», «Мамандықты дұрыс таңдау - баланың бақытты болу кепілі», «Мамандықтың бәрі жақсы!», «Жаңа заманауи кәсіп түрлері», «Менің ата-анамның жұмыс орны», «Мамандықтың бәрі жақсы!», «Мамандық таңдау – болашаққа нық қадам» , «Менің таңдауым – менің болашағым», «Мамандық таңдау – маңызды!» тақырыптарында түрлі кәсіп иелерімен кездесу, дөңгелек үстелдер, тәрбие сағаттары, дискуссиялық алаң, Ата-аналарының жұмыс орнына онлайн саяхат, видеопрезентациялар шеруі, онлайн, офлайн форматтарында ашық есік күндері өткізілуде.

«Мектептегі информатика курсындағы робототехника» тақырыбында онлайн-семинар өтті

Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2023 жылдың 14 наурызы күні информатика пәнінің мұғалімдеріне арналған «Мектептегі информатика курсындағы робототехника» тақырыбында онлайн-семинар өткізілді.
Информатиканы оқытуда робототехника бойынша оқу мақсаттарына сәйкес тапсырмалар құрастыру және бағалау дың әдістемелік дағдыларын жетілдіру, тиімді әдістерді тарату, тәжірибе бөлісу мақсатында өткен іс-шараға барлығы 47 педагог қатысты.

«ҰБТ-ға дайындық: «Оқу сауаттылығы» мәтіндерімен жұмыс» атты қазақ тілі мен әдебиеті пәнінің мұғалімдеріне онлайн семинар өтті

Жамбыл облысы әкімдігінің білім басқармасының оқу-әдістемелік кабинетінің ұйымдастыруымен 2023 жылдың 13 наурыз күні аудандар мен Тараз қалалық білім бөлімдерінің әдіскерлері мен қазақ тілі мен әдебиеті пәнінің мұғалімдеріне облыстық онлайн семинар өтті.
Іс-шара барысында ҰБТ-ға сапалы дайындық жолдарын ұйымдастыру, білім алушының пәнге деген қызығушылығын арттыру, оқушылардың сабақта алған білімдерін өмірде қолдана білуге үйрету жолдарын, білім мен дағдыларын күнделікті өмірде қолдануға, сонымен қатар аналитикалық, логикалық ойлауды дамытуға бағытталған тест тапсырмаларының соның ішінде қиындық деңгей тапсырмаларының дұрыс орындалуы туралы айтылды. ҰБТ-ға дайындау үшін пәндер бойынша тест спецификацияларын, оқулықтарды, тест нұсқаларын басшылыққа алып, топтық жұмыс, жұптық жұмыс, жеке жұмыс түрлерін пайдаланып, оқушыларға тиімді, жүйелі бағыт-бағдар беру, үнемі қатемен жұмыс жүргізу, оқушымен жеке жұмысты жүйелеу, кешенді талдау жұмыстарын жүргізу қажеттігі айтылды.
Оқу сауаттылығы бойынша тест тапсырмаларының мазмұны ақпаратты түсінуге, мәтіннің құрылымы мен негізгі ойын табу, мәтіннің стильдік ерекшелігін тану, түрлі дерекөздерден ақпарат ала білу, мәтіндерге салыстырмалы анализ жасау, түсіну және жауап беру, анализ және интерпретациялауға құрылған тапсырмаларды орындаудың тиімді жолдарын таныстырды. Тест мазмұнының қиындық деңгейлеріне (базалық деңгей, орташа деңгей, жоғары деңгей) қазақ әдебиетінің кезеңдері, әдебиеттану салалары, әдебиет теориясына қатысты тапсырмаларға кеңінен тоқталды.
Облыстық онлайн семинарға аудандар мен Тараз қалалық білім бөлімдерінен 100 педагог қатысты.