Халықаралық зерттеулер

«BILIM FM мектеп радиосы» атты облыстық байқауы өтті

Жамбыл облысы әкімдігі білім басқармасының оқу-әдістемелік кабинетінің жылдық жоспарына сәйкес 2023 жылдың 25 мамыр күні облыстық оқу - әдістемелік орталығының мәжіліс залында «BILIM FM мектеп радиосы» атты облыстық байқауы өткізілді. Байқауға білім беру ұйымдарынан 15 оқушы қатысты.
Іс-шараның мақсаты - оқушылардың туған өлке тарихына, мәдени деңгейін арттыруға және шығармашылық қабілеттерін жетілдіру.
Байқауға қатысушылар «Жаңа күн», «Туған өлке», «Сен білесің бе?», «Қазақ эпостары» бағдарламалары бойынша радио жұмыстарын ұсынды.
Байқаудың қорытындысы бойынша Байзақ ауданы, Н.Киікбаев атындағы мектеп-гимназиясының оқушысы Н.Архабек І орынды, Т.Рысқұлов ауданы, Құлан мектеп-гимназиясының оқушысы С.Рысбек, Меркі ауданы, №16 жалпы орта білім беретін мектебінің оқушысы М.Шарип, А.Бадалова ІІ орынды, дарынды балаларға арналған мамандандырылған лицей-интернатының оқушысы Ш.Қуаныш, Жуалы ауданы, Ә.Бөкейхан атындағы №15 мектеп-лицейінің оқушысы Ж.Мекенбай ІІІ орындарды иеленді.

Облыстық байқауда жүлделі орын алған оқушыларды құттықтаймыз!

Информатика пәнінің мұғалімдеріне арналған вебинар өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2023 жылдың 23 мамыр күні информатика пәні мұғалімдеріне арналған «Ақпараттық білім беру ортасында киберқауіпсіздік негіздері» тақырыбында вебинар өткізілді.
Информатика пәні мұғалімдерінің ақпараттық кеңістіктегі киберқауіпсіздікті сақтау, «Ақпараттық қауіпсіздік» бөлімшесіндегі оқу мақсаттарын жоспарлау, тапсырма құрастыру әдістерін таратуға бағытталған әдістемелік кеңестер беру мақсатында өткен іс-шараға барлығы 38 педагог қатысты.

«Оқуға құштар мектеп» жобасы аясында Қ.Қайсеновтің 105 жылдығына орай «Жау тылындағы бала» әңгімесі бойынша оқырмандар конференциясы өтті

Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2023 жылдың 19 мамыр күні «Оқуға құштар мектеп» жобасы аясында Қ.Қайсеновтің 105 жылдығына орай «Жау тылындағы бала» әңгімесі бойынша оқырмандар конференциясы өтті. Оқырмандар конференциясының мақсаты - оқушыларды қаһарман жазушы Қасым Қайсеновтің 105 жылдық мерейтойына орай өмірбаяны мен шығармаларымен таныстыру. Өз Отанын, елін, туған жерін сүю, туған жеріне деген сүйіспеншілігін арттыру.
Оқушылар Қ.Қайсеновтың өмірі мен шығармашылығы туралы Ұлы Отан соғысы кезінде жау тылындағы партизандардың басқыншыларға қарсы жасаған зор ерліктерін үлкен тебіреніспен еске алып, берілген сұрақтарға жауап берді.
Ісшара барысында зейінді де зерек, әдебиет сүйер жас оқырмандар мен олардың жетекшілері «Жау тылындағы бала» әңгімесі желісі бойынша оқырмандар конференциясында белсенділік танытып, ерекшеленгені үшін облыстық оқу-әдістемелік кабинетінің алғыс хаттарымен, сертификаттармен марапатталды.
Оқырмандар конференциясына 11 ауданнан 21 оқушы қатысты.

«Білім беру сапасын қамтамасыз етудің әдіснамалық негіздері» тақырыбында география пәні мұғалімдеріне арналған әдістемелік десант өтті

Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2023 жылдың 22 мамыр күні «Білім беру сапасын қамтамасыз етудің әдіснамалық негіздері» тақырыбында Тараз қаласының география пәнінің мұғалімдеріне арналған әдістемелік десант өтті.
Облыстық іс-шара барысында география пәні мұғалімдерінің кәсіби шеберлігін қалыптастыру, құзіреттілігін арттыру, сапалы білім беруде функционалдық сауаттылықты қалыптастыру, білім берудегі нормативтік-құқықтық актілері мен міндеттерін жүзеге асыруға бағытталған әдістемелік кеңестер берілді. Білімдерін сыни ойлау арқылы өмірде қолдану арқылы білім сапасын арттыруда әдіс-тәсілдердің түрлері мен ерекшеліктерінің тиімді жолдары көрсетіліп, жаратылыстану бағыттары бойынша ақпараттық – әдістемелік көмек көрсетілді.
Аталған іс-шараға барлығы 47 педагог қатысты.

ОБЛЫСТЫҚ ТӘЖІРИБЕЛІК СЕМИНАР ӨТТІ

Жамбыл облысы әкімдігі білім басқармасының оқу-әдістемелік орталығының ұйымдастыруымен педагогтерге кәсіби қолдау көрсету, оқыту сапасын арттыруда LS тиімділігі, іс-әрекетті зерттеу үдерісінің тиімділігі бойынша іс-тәжірибелермен бөлісу, әдістемелік көмек ұсыну мақсатында 2023 жылдың 19 мамырында Қордай ауданы, Балжан Бөлтірікова атындағы №4 мектеп-лицейінің базасында «Мектеп тәжірибесіндегі LS: зерттеу, талдау, нәтиже» атты облыстық тәжірибелік семинары өтті.
Тәжірибелік семинарға аудандық білім бөлімінің әдіскерлері, мектеп директорлары, директордың оқу ісі және ғылыми-әдістемелік жұмысы жөніндегі орынбасарлары, барлығы 70 адам қатысты.
Іс-шара барысында мектеп басшылары білім мекемесінің тәжірибесіндегі LS зерттеудің нәтижесі, негізгі пәндердің оқыту сапасын арттыруда LS тиімділігі, іс-әрекетті зерттеу АR үдерісінің тиімді тәжірибелерімен бөлісіп, оқу-тәрбие жұмыстарын жоспарлау ерекшеліктері мен ұйымдастыру, сол арқылы білім сапасын арттырудың тиімді жолдары туралы пікір алысып, мектепті басқарудың нәтижеге бағытталған тиімді жолдары көрсетілді. Семинарға қатысушылар мектептің оқу-тәрбие жұмысының құрылымымен танысып, өзара тәжірибе алмасты.