ҚОРДАЙ АУДАНЫНДА ОБЛЫСТЫҚ ӘДІСТЕМЕЛІК ДЕСАНТ ӨТТІ

2023 жылдың 7 сәуірінде Жамбыл облысы әкімдігі білім басқармасының оқу-әдістемелік кабинетінің ұйымдастыруымен Қордай ауданының педагогтері үшін «Білім беру сапасын қамтамасыз етудің әдіснамалық негіздері» атты облыстық әдістемелік десант өтті.
Іс-шараға мектеп директорлары, директордың оқу ісі, ғылыми-әдістемелік, жұмысы жөніндегі орынбасарлары, мектепке дейінгі ұйым және мектепалды даярлық сынып, бастауыш сынып, математика, физика пәндерінің мұғалімдері, барлығы 279 педагог қатысты.
Әдістемелік десант барысында облыстық оқу-әдістемелік кабинетінің әдіскерлері «Білім беру ұйымдарында білім алушылардың білім жетістіктерін мониторингілеу (ББЖМ-2022) нәтижелері, мемлекеттік аттестаттаудан өту жұмыстарын жүйелі ұйымдастыру, білім сапасын қамтамасыз етудегі мектепішілік бақылау, білім алушылардың білім жетістіктеріне мониторинг жүргізу қағидалары, оқу-тәрбие жұмыстарын ұйымдастыру бағыттары, мектепке дейінгі ұйымдарда әдістемелік жұмыстарды тиімді ұйымдастыру жолдары, бастауыш мектеп пен жаратылыстану-математикалық бағыттағы пәндердің оқу-тәрбие үдерісін ұйымдастырудың ерекшеліктері мен білім сапасына әсер ететін тиімді әдіс-тәсілдер, БЖБ, ТЖБ тапсырмаларын құрастыру бойынша тиімді ақпараттық-әдістемелік көмектер берді.
Қатысушыларға қажетті материалдардың электронды нұсқалары таратылды.

МОЙЫНҚҰМ АУДАНЫ БІЛІМ БЕРУ ҰЙЫМДАРЫНА ӘДІСТЕМЕЛІК КӨМЕКТЕР КӨРСЕТІЛДІ

2023 жылдың 6 сәуір күні Жамбыл облысы әкімдігі білім басқармасының оқу-әдістемелік кабинетінің әдіскерлері Мойынқұм ауданының Қашқантеңіз, С.Сейфуллин атындағы, Ағыбай батыр атындағы, Қ.Сәтпаев атындағы, К.Қасымов, Мыңарал, Ы.Алтынсарин атындағы орта мектептері мен "Қуаныш", "Ақбөпе" бөбекжай-бақшаларының әкімшілігі мен педагогтеріне ақпараттық-әдістемелік көмек көрсетті.
Іс-шара барысында білім мекемелерінің мемлекеттік аттестаттаудан өтудің бағалау өлшемшарттарының сапалы орындалуы бойынша білім беру ұйымдарының жұмыстық оқу жоспарларының үлгілік оқу жоспарларына сәйкестендірілуі, педагогтердің бейінін сәйкестендіру мен біліктілік курстарынан өтуі, мектепке дейінгі тәрбие мен оқыту бойынша өзін-өзі бағалауы, ерекше білім беру қажеттіліктері бар білім алушылар үшін жеке оқу жоспарларының құрылуы, инвариантты компоненттің оқу жылына арналған сабақ кестесіне сәйкестендірілуі, үйірме жұмыстарының жүйелі ұйымдастырылуы, «Өмір қауіпсіздігінің негіздері», «Жолда жүру ережелері» оқу курстары мазмұнының орындалуы, «Күнделік» журналының талапқа сай толтырылуы бойынша жұмыстар жүргізіліп, әдістемелік ұсынымдар берілді.

Үздіксіз даму шеберханасымен» таныстыру мақсатында облыстық семинар өтті

2023 жылдың 5 сәуір күні облыстық оқу-әдістемелік кабинетінің ұйымдастыруымен Жамбыл ауданы Б.Бесбаев атындағы мектеп-гимназиясының базасында Республикалық «Үздік педагог-2019» байқауының жеңімпазы, «Әлем педагогі - 2020» байқауының номинанты, «Қазақстанның еңбек сіңірген ұстазы» атағының иегері, орыс тілі мен әдебиеті пәнінің мұғалімі Қалмаханова Айгүл Базарбайқызының «Үздіксіз даму шеберханасымен» таныстыру мақсатында облыстық семинар өтті. Іс-шара барысында Айгүл Базарбайқызы «Мақсат – қадам - жетістік» жобасымен таныстырып, «Ішкі уәж: оқушы үлгерімін жақсарту факторы» тақырыбында коучинг өткізіп, өз тәжірибесімен бөлісті.
Іс-шараға Байзақ, Меркі, Т.Рысқұлов аудандары мен Тараз қаласының орыс тілі мен әдебиеті пәнінің мұғалімдері, барлығы 28 педагог қатысты.

«Кибербуллинг пен буллингтің ерекшеліктері және профилактикасы» тақырыбында
облыстық тәжірибелік-семинар өтті

2023 жылдың 6 сәуір күні Жамбыл облысы әкімдігі білім басқармасының оқу-әдістемелік кабинетінің ұйымдастыруымен директордың құқықтық тәрбие ісі жөніндегі орынбасарларына арналған «Кибербуллинг пен буллингтің ерекшеліктері және профилактикасы» тақырыбында облыстық тәжірибелік - семинар өткізілді. Аталған іс-шараға 100-ге жуық педагог қатысты. Іс-шара барысында Т.Рысқұлов ауданы, Құлан ауылының №1 мектеп-лицейінің құқықтық тәрбие ісі жөніндегі орынбасары Г.Ишматова "Мектептегі буллинг және оның алдын алу", Т.Рысқұлов мектеп-лицейінің құқықтық тәрбие ісі жөніндегі орынбасары Н.Аманжол "Қазіргі кезеңдегі кибербуллингтің алдын алу мәселелері", Ақтоған орта мектебінің директорының құқықтық тәрбие ісі жөніндегі орынбасары А.Турманбетова «Жасөспірімдер арасындағы буллинг мәселесі және зорлық-зомбылықтың алдын алу жолдары» тақырыптарында іс-тәжірибелерімен бөлісті. Тәжірибелік-семинарға қатысушылар білім беру ұйымдарында зорлық-зомбылықтың, кибербуллинг пен буллингтің алдын-алу бағытындағы жұмыстарды ұйымдастыру бойынша әдістемелік көмек алды.