Жамбыл облысы әкімдігі білім басқармасының оқу-әдістемелік орталығының ұйымдастыруымен Қазақстан Республикасы Оқу-ағарту министрлігінің 17.08.2023 жылғы №5-04/4977 хатына сәйкес, 2023 жылдың 29 тамыз күні Тараз қаласы, №3 мектеп-лицейінің базасында аудандық білім бөлімінің тәрбие жұмысына жауапты әдіскерлеріне, директордың тәрбие ісі жөніндегі орынбасарларына арналған “Біртұтас тәрбие бағдарламасы: құндылықтар және оны іске асыру жоспары» тақырыбында оқыту семинары өткізілді. Аталған іс-шараға Байзақ, Жамбыл, Жуалы аудандарынан және Тараз қаласынан барлығы 197 педагог қатысты.
✅Іс-шара барысында оқу-тәрбие процесін ұйымдастыруда білім беру ұйымдарындағы 2023-2024 оқу жылында жүзеге асырылатын тәрбие жұмысының беталысын, құндылықтар негізінде тәрбие жұмысын ұйымдастыру ерекшеліктерін, білім алушылардың бойында құндылықтарды пәндік мазмұн, сынып сағаттары мен сыныптан тыс әлеуметтік тәжірибелер арқылы дарытудың әдіс-тәсілдерін меңгеріп, өзара пікір алмасып, ойларын ортаға салып, ертеңгі ұрпақты жан-жақты үйлесімді дамыған тұлға етіп тәрбиелеудің тиімді жолдарын талқылап, біліктілін арттырды. Білім беру ұйымдарының барлық тәрбие жұмысының мазмұнында ұлттық мүдде, ар-ұят, талап сияқты құндылықтар көрініс табуы қажеттілігін атап, жалпыадамзаттық және ұлттық құндылықтар тұла бойына шоғырланған жеке тұлға тәрбиелеу мақсатында қатысушыларға тәрбие процесін ұйымдастырудың ерекшеліктері мен тиімділігін арттырудың жолдары бойынша түсіндіру жұмыстары жүргізілді.

Қазақ тілі мен әдебиеті пәнінің мұғалімдері үшін әдістемелік сессия өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2023 жылдың 29 тамыз күні аудандар мен Тараз қалалық білім бөлімдерінің әдіскерлері мен қазақ тілі мен әдебиеті пәнінің мұғалімдеріне 2023-2024 оқу жылында оқу-тәрбие процесін ұйымдастыруға қатысты мәселелер, соның ішінде жалпыға міндетті білім беру стандартындағы оқу пәніне байланысты енгізілген өзгерістер мен толықтырулар, қазақ тілі мен әдебиеті пәнін оқыту арқылы оқушылардың бойында ұлттық құндылықтарды қалыптастыру, біртұтас тәрбие бағдарламасын талқылау, пәндер бойынша оқу бағдарламаларының оқыту мақсаттарын пысықтау, PIRLS және PISA халықаралық зерттеулерінде бағаланатын оқу сауаттылығы дағдыларын қалыптастыру мен дамыту жолдарын анықтау, ерекше білім беруді қажет ететін оқушылармен жұмысты пысықтау мақсатында «2023-2024 оқу жылындағы жалпы орта білім беру ұйымдарындағы оқу-тәрбие процесінің ерекшеліктері» атты әдістемелік сессия өтті.
Әдістемелік сессия отырысында «2023-2024 оқу жылында жалпы орта білім беру ұйымдарында білім беру процесін ұйымдастырудың ерекшеліктері туралы» әдістемелік нұсқау хат бойынша түсіндірме жұмыстары жүргізілді. Білім алушылардың мәтіндерге салыстырмалы талдау жасау дағдысын дамыту жолдарын ұсынып, түсіндірме жұмыстарын жүргізді.
Пән мұғалімдеріне ақпараттық-әдістемелік көмек көрсетілді. Аталған іс-шараға барлығы 1076 педагог қатысты.

Информатика пәні мұғалімдеріне арналған әдістемелік сессия өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2013 жылдың 28 тамыз күні информатика пәні мұғалімдеріне арналған «2023-2024 оқу жылында информатика пәнін оқыту ерекшеліктері» тақырыбында әдістемелік сессия өтті.
Әдістемелік сессия барысында информатика пәнін оқытудың ерекшеліктері көрсетіліп, сабақты жоспарлау, информатиканы оқытудағы тәжірибеге бағытталған тапсырмаларды құрастыру бойынша ақпараттар ұсынылды.
Информатика пәні мұғалімдерінің құзыреттілігін дамыту мақсатында өткізілген іс-шараға аудандар мен Тараз қаласынан барлығы 337 педагог қатысты.

БАСТАУЫШ СЫНЫП МҰҒАЛІМДЕРІ ҮШІН ӘДІСТЕМЕЛІК СЕССИЯ ӨТТІ

Жамбыл облысы әкімдігі білім басқармасының оқу-әдістемелік орталығы 2023 жылдың 29 тамыз күні «2023-2024 оқу жылындағы жалпы орта білім беру ұйымдарындағы оқу-тәрбие процесінің ерекшеліктері» тақырыбында жалпы орта білім беретін мектептердің бастауыш сынып мұғалімдеріне арналған әдістемелік сессия өтті.
Іс-шара барысында бастауыш сынып мұғалімдеріне 2023-2024 оқу жылында білім беруді ұйымдастыру ерекшеліктері мен басшылыққа алынатын нормативтік құқықтық актілер, 1-4-сыныптардың оқу пәндерінің мазмұны мен апталық оқу жүктемесі, ішкі және сыртқы бағалау ерекшеліктері, үлгерімі төмен білім алушылармен жүргізілетін жұмыс түрлері, функционалдық сауаттылық пен пәндік, метапәндік және негізгі құзыреттерді қалыптастыру негіздері, кәсіптік бағдар беру жұмысының жетекші қызметі, біртұтас тәрбие бағдарламасының мазмұны, білім алушылардың бойында жалпыадамзаттық және ұлттық құндылықтарды қалыптастыру негізгінде ата-аналар қауымдастығымен өзара іс-қимылын нығайту жолдары бойынша түсіндірме жұмыстары жүргізілді. Аталған іс-шараға 2297 педагог қатысты.