«ДАРЫНДЫ БАЛАЛАРҒА – ТАЛАНТЫ ҰСТАЗ» облыстық педагогикалық олимпиадасы өтті.

2024 жылдың 12 ақпан күні облыстық оқу-әдістемелік орталығының ұйымдастыруымен жас мамандар арасында «Дарынды балаларға – талантты ұстаз» тақырыбында облыстық педагогикалық олимпиадасы өтті.
Іс-шараның мақсаты – жас педагогтердің өзін-өзі жетілдіруге және әлеуеттік шығармашылығының дамуына жағдай жасау, білім беру жүйесін дамытуға кәсіби көзқарасын қалыптастыру.
Педагогикалық олимпиадаға облыс бойынша аудандық (қалалық) білім бөлімдері мен облыстық білім басқармасына қарасты білім мекемелерінен 14 жас маман қатысты.
Іс-шара барысында қатысушылар «Педагогикалық дебют» (өзін-өзі таныстыру) және «Менің педагогикалық инновациям» тақырыбында TED форматта педагогикалық идеяларын қорғады.
Нәтижесінде 8 педагог жүлделі орындарға ие болды.
І орынды Жамбыл ауданы, Амангелді орта мектебінің география пәнінің мұғалімі Е.Сейділдаев;
ІІ орындарды Мойынқұм ауданы, Т.Рысқұлов атындағы тірек мектебінің (ресурстық орталық) математика пәнінің мұғалімі Т.Қожахмет, Шу ауданы, М.Әуезов атындағы орта мектебінің қазақ тілі мен әдебиеті пәнінің мұғалімі Е.Даулетәлі, облыстық дарынды балаларға арналған облыстық мамандандырылған лицейінің ағылшын тілі пәнінің мұғалімі А.Пиржанова;
ІІІ орындарды Т.Рысқұлов ауданы, Қ.Сұлтанбеков атындағы орта мектебінің математика пәнінің мұғалімі А.Қайырбек, Тараз қаласы Б.Момышұлы атындағы №45 қазақ классикалық гимназиясының ағылшын тілі пәнінің мұғалімі А.Акилбаева, Меркі ауданы, Т.Қожекеев атындағы №39 мектеп-гимназиясы ағылшын тілі пәнінің мұғалімі А.Жайма, облыстық Айша бибі атындағы дарынды қыз балаларға арналған мамандандырылған «БІЛІМ-ИННОВАЦИЯ» лицей-интернатының информатика пәнінің мұғалімі В.Қали, «Жаңашыл ұстаз» номинациясын Байзақ ауданы, Н.Киікбаев атындағы мектеп-гимназиясының тарих пәнінің мұғалімі Б.Сапарбаев, «Креативті ұстаз» номинациясын Қордай ауданы, Б.Бөлтірікова атындағы №4 мектеп-лицейінің тарих пәнінің мұғалімі Е.Әскенұлы, «Талантты ұстаз» номинациясын Талас ауданы, М.Әуезов атындағы орта мектебінің химия пәнінің мұғалімі М.Асанов,«Шығармашыл ұстаз» номинациясын облыстық дарынды балаларға арналған мамандандырылған ІТ лицей-интернатының ағылшын тілі пәнінің мұғалімі Н.Алишерова, «Ізденімпаз ұстаз» номинациясын Тараз қаласы, Ш.Мұртаза атындағы мектеп-гимназиясының тарих пәнінің мұғалімі М.Арғынбеков, «Талапты ұстаз» номинациясын Сарысу ауданы, Арыстанды орта мектебінің математика пәнінің мұғалімі А.Жүсіпбаева иеленді.

«СабақTime» жобасы аясында «Пути и методы повышения качества знаний на уроках русского языка и литературы» тақырыбында облыстық ашық сабақтар циклы өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 9 ақпан күні «СабақTime» жобасы аясында «Пути и методы повышения качества знаний на уроках русского языка и литературы» тақырыбында облыстық ашық сабақтар циклы өтті.
Іс-шараның теориялық бөлімінде орыс тілі мен әдебиеті сабақтарында білім сапасын арттырудың жолдары мен әдістері, заманауи әдістемелер мен тиімді педагогикалық технологияларды пайдаланудың тиімділігі талқыланды. Практикалық бөлімінде Тараз қаласы мен Байзақ, Жамбыл, Қордай, Меркі аудандарының орыс тілі мен әдебиеті пәнінің мұғалімдері Тараз қаласы, И.Панфилов атындағы №39 мектеп-гимназиясының базасында 8-11 сынып оқушыларымен «Берегите воду!» (8 сынып), «Вода: ты сама жизнь. Односоставные предложения. Определенно-личные» (8 сынып), «Публицистический стиль» (9 сынып), «Ум как нравственная категория в комедии А.С.Грибоедова «Горе от ума». Смысл заглавия комедии» (9 сынып), «В.М.Гаршин. Рассказ «Художники»» (10 сынып), «У войны неженское лицо» по повести Б.Васильева «А зори здесь тихие» (11 сынып) тақырыптарында ашық сабақтар өткізді.
Іс-шара барысында педагогтер ашық сабақ үлгілерін көрсетіп, оқытудың тиімді әдістері бойынша тәжірибе алмасты.
Облыстық ашық сабақтар цикліне 40 педагог қатысты.

ОБЛЫСТЫҚ КЕҢЕС ӨТТІ

2024 жылдың 8-9 ақпан күндері Жамбыл облысы әкімдігінің білім басқармасының оқу-әдістемелік орталығы Қазақстан Республикасы Ы.Алтынсарин атындағы Ұлттық Білім Академиясының ұсынымы негізінде Қордай, Т.Рысқұлов, Шу аудандарының білім беру ұйымдарының басшыларымен даму бағдарламасын жоспарлау бойынша кеңес өтті.
Іс-шараға білім бөлімдерінің басшылары, білім беру ұйымдарының директорлары мен аудандық, қалалық білім бөлімдерінің әдістемелік кабинет меңгерушілері, барлығы 130 адам қатысты.
Кеңес барысында мектептің даму бағдарламасының Қазақстан Республикасы Ы.Алтынсарин атындағы Ұлттық Білім академиясының №273 бұйрығына сай әзірленуі, бағдарламаны әзірлеу кезінде ұжымның қатысуы, қабылдаған мақсаттардың қолжетімді болуы, күтілетін нәтижеге сәйкестігі, ұсынылған даму перспективаларының индикаторларының өлшемді болуы, ағымдағы қызметтің жағдайын талдаудың ғылыми негізделуі, білім беру процесінің мазмұнына қанағаттану дәрежесін зерделеуге байланысты сауалнаманың болуы, бағдарламаның нысаналы индикаторлары №273 бұйрықтың 2-қосымшасына сәйкес толтырылуы қаралып, ұсыныстар берілді.

Облыстық дөңгелек үстел өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 8 ақпан күні «Асыл Мирас» аутизм орталығының базасында мектепке дейінгі ұйымдардың арнайы мамандары үшін «Аутистік спектрдегі бұзылыстары бар балалардың проблемалық мінез-құлқын түзету, тәрбиелеу және әлеуметтік бейімделу үшін қолданбалы мінез-құлық талдауы» тақырыбында облыстық дөңгелек үстел өтті. Аталған іс-шараға 43 маман қатысты.
Дөңгелек үстел барысында аутистік спектрдегі бұзылыстары бар балаларды ADOS-2 тексеру құралының диагностикалық тексеру модульдері, бұзылыстың дәрежесі бойынша балалардың шартты санатын белгілеу, дамуындағы жақын аймағын анықтау, балалардағы әлеуметтік дағдыларды қалыптастыру, түзете-дамыту процесіне қатысуға дайындығы және сәйкес келетін деңгейлеріндегі психофизикалық мүмкіндіктерді дамыту, ерте жастан қолдау бағдарламаларының мақсат-міндеттері, нәтижелері таныстырылды. Аутистік спектрі бұзылған балалармен жүргізілетін түзете-дамыту жұмыстары, әлеуметтік-тұрмыстық бейімделу, сөйлеу тілін дамыту және оқу дағдыларын меңгерудегі тиімді әдістер туралы мағлұмат беріліп ақпараттық-әдістемелік көмек көрсетілді.