Халықаралық зерттеулер

«СабақTime» жобасы аясында «Қазақ тілі мен әдебиеті пәнін оқытудың ерекшеліктері мен қолданылатын әдіс-тәсілдердің тиімді жолдары» атты облыстық ашық сабақтар өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 15 ақпан күні қазақ тілі мен әдебиеті пәнінің тәжірибелі педагогтері Тараз қаласы Төле би атындағы №8 гимназиясының 8-10 сыныптарында ашық сабақтар өткізді.

Іс-шараның теориялық бөлімінде «Қазақ тілі мен әдебиеті» пәнін оқытудың өзекті мәселелерін шешуге және білім сапасын арттырудың тиімді жолдарын айқындау мәселелері талқыланды. Заманауи әдістемелер мен тиімді педагогикалық технологиялар, білім берудің сапасын арттыруда ақпараттық-коммуникативтік технологияларды пайдаланудың тиімділігі, оқушылардың оқу сауаттылығын арттырудың тиімді жолдары сөз етілді.

Академиялық жыл аяқталған кезде оқыту өзге тілде жүргізілетін сыныптарға «Қазақ тілі мен әдебиеті» пәні бойынша МЖМБС-қа (тыңдалым, айтылым, оқылым, жазылым) сәйкес жазбаша нысанда өтетіндігі және төрт дағдыға сәйкес нақты оқу мақсаттары талданып, әдістемелік ұсынымдар берілді.

Іс-шара барысында педагогтер ашық сабақ үлгілерін көрсетіп, оқыту үдерісінде оқушылардың функционалдық сауаттылығын арттыру жолдары бойынша тәжірибе алмасты.

Білім берудің сапасын арттыруда ақпараттық-коммуникативтік технологияларды тиімді пайдалану жолдарын таныстырып, пән мұғалімдеріне ақпараттық-әдістемелік көмек көрсетілді.

Кәсіби біліктілігі жоғары педагогтер, Байзақ ауданы, Сарыкемер мектеп – гимназиясының қазақ тілі мен әдебиеті пәнінің мұғалімі С.Ахметова 8-сыныпқа Д. Исабеков «Әпке» драмасы, Меркі ауданы, Тілеміс батыр атындағы №4 орта мектебінің қазақ тілі мен әдебиеті пәнінің мұғалімі Ж.Талдыбаева 11-сыныпқа «Жастардың зияткерлік бағдарламасы», Тараз қаласы, Қ.Тұрысов атындағы №53 мектеп-гимназиясының қазақ тілі мен әдебиеті пәнінің мұғалімі Н.Усерова 10-сыныпқа «Киіз үй-ғажап сәулет туындысы», Қордай ауданы, І.Жансүгіров атындағы орта мектебінің қазақ тілі мен әдебиеті пәнінің мұғалімі М. Құтпанқұлова 9-сыныпқа Ғ.Мүсірепов «Ұлпан» романындағы кейіпкерлер бейнесі, Меркі ауданы, Т.Рысқұлов атындағы №20 жалпы орта білім беретін мектебінің қазақ тілі мен әдебиеті пәнінің мұғалімі Ф.Бейсебаева 11-сыныпқа «Зияткерлік миграция», Шу ауданы, Д.Қонаев атындағы орта мектебінің қазақ тілі мен әдебиеті пәнінің мұғалімі Н.Мақашева 10-сыныпқа Ш.Айтматов «Алғашқы ұстаз» повесіндегі дәуір шындығы, Т.Рысқұлов ауданы, М.Горький атындағы орта мектебінің қазақ тілі мен әдебиеті пәнінің мұғалімі Ш.Халбаева 8-сыныпқа Б.Момышұлы «Ұшқан ұя» повесі, Тараз қаласы, Қ.Тұрысов атындағы №53 мектеп-гимназиясының қазақ тілі мен әдебиеті пәнінің мұғалімі К.Сүндетова 9-сыныпқа Ғ.Мүсірепов «Ұлпан» романы тақырыптарында ашық сабақтар өтті.

Облыстық ашық сабақтар цикліне 49 педагог, 103 оқушы қатысты.

«Шебер-мұғалім» бағдарламасы аясында «Сырттай оқыту мектебі» жобасы негізінде онлайн дәріс өтті

Жамбыл облысы әкімдігі білім басқармасының оқу-әдістемелік орталығы 2024 жылдың 14 ақпан күні «Сырттай оқыту мектебі» жобасы аясында 9 сынып оқушыларына арналған жаратылыстану-ғылыми сауаттылығы бойынша «Оқушылардың жаратылыстану ғылымындағы құбылыстарды түсіну, дәлелдеу қабілеттерін дамыту» тақырыбында онлайн дәріс өткізді.
Меркі ауданы И.Трубицын атындағы №17 жалпы орта білім беретін мектеп-гимназиясының биология пәнінің мұғалімі А.Турарова «Аллельді гендердің өзара әрекеттесуі. Толық және толық емес доминанттылық» тақырыбында дәріс өткізіп, білім алушылардың жаратылыстану сауаттылығында кездесетін мәнмәтіндерді түсіну, негізгі ойды талдау мен өзіндік ойды толықтыру жолдарын көрсетті.
Оқушылардың шығармашылық, зерттеушілік және жобалық іс-әрекетін дамыту мақсатындағы дәріске барлығы 358 оқушы қатысты.

«Зерде» жобасы аясында жаратылыстану-математикалық бағыттағы химия, биология пәндерінен сабақ беретін жас мамандарға тәжірибелік семинар өтті

2024 жылдың 13 ақпан күні облыстық оқу-әдістемелік орталығының ұйымдастыруымен адрестік көмек көрсету бағдарламасы негізінде жаратылыстану-математикалық бағыттағы пәндерді оқытатын жас мамандардың өзара тәжірибе алмасу арқылы кәсіби құзыреттілігін арттыру, әдістемелік көмек көрсету мақсатында Айша бибі атындағы облыстық дарынды қыз балаларға арналған мамандандырылған «Білім-Инновация» лицей-интернатының озық тәжірибелі химия, биология пәндерінің мұғалімдері «Химия пәнінен жаратылыстану сауаттылығын арттыруда PISA халықаралық зерттеуіндегі тапсырмаларының маңыздылығы», «ББЖМ-ға дайындау барысында биология пәнінің тапсырмаларын тиімді орындау жолдары», «Биология пәнінен жаратылыстану сауаттылығын арттыру бойынша зерттеуде кездесетін тапсырмаларды шешу тәсілдері» тақырыптарында жас мамандарға тәжірибелік семинар өтті.

Семинар барысында оқушылардың жаратылыстану сауаттылығын, білім сапасын арттыру бойынша онлайн платформаларды қолданудың тиімділігі, PISA халықаралық зерттеуінде, ББЖМ-да кездесетін «Нәруыз», «Онтогенез», «Қан тамырлар жүйесі» тақырыптарындағы орташа және жоғары қиындық деңгейіндегі тапсырмаларын орындаудың тиімді жолдары мен әдіс-тәсілдері көрсетіліп, ұсынымдар, әдістемелік көмек берілді. Педагогтер өзара тәжірибесімен бөлісті.

Аталған іс-шараға облыстың 43 педагогі қатысты.

«Ағылшын тілі пәнінен оқушылардың функционалдық сауаттылығын дамыту: тәжірибе және мүмкіндіктер» атты облыстық семинар-практикум өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 14 ақпан күні «Ағылшын тілі пәнінен оқушылардың функционалдық сауаттылығын дамыту: тәжірибе және мүмкіндіктер» тақырыбындағы облыстық семинар-практикум Байзақ ауданы Ғани Мұратбаев атындағы гимназиясының базасында өтті.

Іс-шара барысында функционалдық сауаттылыққа негізделген тапсырма түрлерімен жұмыс, білім алушылардың коммуникативтік құзыреттілігін қалыптастыру бойынша білім сапасын арттырудың тиімді жолдарын айқындау, білім берудің сапасын арттыруда, тілдік дағдыларды меңгертуде ақпараттық-коммуникативтік технологиялардың маңыздылығы туралы айтылды. Ағылшын тілі сабағында ақпараттық-коммуникативтік технологияларды пайдалана отырып кестелермен жұмыс, тірек-сызбаларды қолдану, тест тапсырмаларымен жұмыс түрлері көрсетілді.

Педагогтер ашық сабақ үлгілерін көрсетіп, оқыту үдерісінде оқушылардың функционалдық сауаттылығын арттыру жолдары бойынша тәжірибе алмасты.

Облыстық семинар-практикумға 157 педагог қатысты.

«Меркі ауданындағы эксперименталдық алаңдардың жұмыс барысы» туралы семинар-кеңес өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 14 ақпан күні "Меркі ауданындағы эксперименталдық алаңдардың жұмыс барысы" тақырыбында семинар- кеңес өтті.

Іс-шараға облыстағы эксперименттік алаң басшылары, эксперимент жұмысына жауапты педагогтер мен ғылыми жетекшілері, барлығы 48 қызметкер қатысты.

Семинар барысында Меркі ауданы, М.Әуезов атындағы №9 мектеп-лицейдің басшысы Қойшыманова Нуриля Сейсембайқызы «Мектеп-лицей жағдайында оқушылардың экологиялық мәдениетін қалыптастырудың ұйымдастыру-педагогикалық шарттары», Меркі ауданы, №5 Ақарал мектеп-гимназиясының басшысы Қоңқабаев Ниетқали Әбдімомынұлы «Мектеп-гимназия жағдайында дарынды балалардың шығармашылық потенциалын дамытудың ұйымдастыру-педагогикалық шарттары» тақырыптарындағы эксперименттердің тәжірибелік кезеніндегі атқарылып жатқан жұмыстар туралы цифрлық презентациялар жасады.

Семинар-кеңес барысында аталған білім ұйымдарындағы оқу, тәрбие, қосымша білім беру үдерістеріндегі еңгізілген өзгерістер, олардың тиімділігі туралы рефлексия жүргізілді.

Семинардың рефлексивтік бөлімінде эксперименталдық алаңдардың жұмысын жетілдіру бойынша ұсыныстар берілді.

Алдағы уақытта облыстағы 14 эксперименталдық алаң жұмыстары ағымды сараптамалық қорытытындылары ақпан-наурыз айларында қаралу жоспарлануды.

Семинар-кеңес қорытындысы бойынша Меркі ауданы, М.Әуезов атындағы №9 мектеп-лицейінде «Мектеп-лицей жағдайында оқушылардың экологиялық мәдениетін қалыптастырудың ұйымдастыру-педагогикалық шарттары», Меркі ауданы, №5 Ақарал мектеп-гимназиясында «Мектеп-гимназия жағдайында дарынды балалардың шығармашылық потенциалын дамытудың ұйымдастыру-педагогикалық шарттары» тақырыптар бойынша жүргізіліп жатқан педагогикалық эксперименттердің жұмыстары өңірлік ғылыми-тәжірибелік семинар, экофорум, халықаралық ғылыми-тәжірибелік конференция форматында жинақталып, трансляциялау туралы шешім қабылданды.