ОБЛЫСТЫҚ ОНЛАЙН-КЕҢЕС ӨТТІ

2021 жылдың 25 ақпанынды Жамбыл облысы әкімдігі білім басқармасының оқу-әдістемелік кабинетінің ұйымдастыруымен                        «Ауыл мектебі» жобасы аясында «Мектеп әкімшілігінің қызметін сапаға бағыттау арқылы оқу-тәрбие процесін жүйелі ұйымдастыру» тақырыбында облыстық онлайн-кеңес өтті.

Онлайн-кеңес жұмысына Жамбыл ауданының Б.Бесбаев мектеп-гимназиясы және Байзақ ауданының Н.Ақшабаев атындағы орта мектебінің директорлары мен орынбасарлары, фокус-топтар педагогтары, барлығы 50 адам қатысты.

            Облыстық онлайн-кеңес барысында қатысушыларға «Ауыл мектебі» жобасы аясында мектеп әкімшілігінің қызметін сапаға бағыттау, білім алушылардың білім сапасын жақсарту жұмыстарын жүйелеу, педагог кадрлардың шығармашылық әлеуетін арттыру,                                  БЖБ, ТЖБ жұмыстарының сапалы ұйымдастырылуы сондай-ақ, оқу-тәрбие процесін жүйелі ұйымдастырудың тиімді жолдары бойынша   тиімді әдіс-тәсілдер бойынша ақпараттық-әдістемелік  көмектер көрсетілді.

«9 сыныптарда тарих пәні бойынша қорытынды аттестаттауды ұйымдастыру, өткізу және бағалау ерекшеліктері» тақырыбында  тарих пәні мұғалімдеріне вебинар  өтті

         2021 жылдың  24 ақпан күні облыстық оқу-әдістемелік кабинетінің ұйымдастыруымен аудандар мен Тараз қалалық білім бөлімдерінің әдіскерлері, тарих пәні мұғалімдеріне арналған «9 сыныптарда тарих пәні бойынша қорытынды аттестаттауды ұйымдастыру, өткізу және бағалау ерекшеліктері» тақырыбында вебинар  өтті.

         Іс-шара барысында тарих пәні бойынша қорытынды аттестаттауды ұйымдастыру, өткізу және бағалау ерекшеліктері, форматқа енгізілген өзгерістер, емтихан жұмыстарының сипаттамасы, балл қою кестесі, тапсырмаларды құрастыру бойынша әдістемелік ұсынымдар беріліп, дидактикалық материалдар таратылды.

Іс-шараға аудандар мен Тараз қалалық білім бөлімдерінен 11 әдіскер,              148 тарих пәні мұғалімі, барлығы 159 педагог қатысты.

Жамбыл облысы әкімдігі білім басқармасының оқу-әдістемелік кабинетінің ұйымдастыруымен аудандар мен Тараз қалалық білім бөлімдерінің әдіскерлері, қазақ тілі мен әдебиеті пәнінің мұғалімдері үшін 2021 жылдың 25 ақпанында «Қазақ тілі мен әдебиеті пәнінің әдістемелік бірлестігінің жұмысы: Тәжірибе. Ұсыныс» тақырыбында облыстық онлайн кеңес өтті.

Іс-шара барысында Меркі ауданы №5 Ақарал мектеп-гимназиясының, В.Савва атындағы №9 мектеп-лицейінің қазақ тілі мен әдебиеті пәнінің әдістемелік бірлестік жетекшілері әдістемелік бірлестіктің негізгі жұмыс түрлерімен, бағыттарымен, озық педагогикалық тәжірибе мен ғылыми-әдістемелік жұмысты қалыптастыру жолдарымен, жас мамандармен тәлімгерлік жұмысының барысы және бірлестік жұмысын ұйымдастырудың ерекшеліктерімен бөлісті.

          Облыстық онлайн кеңеске аудандар мен Тараз қалалық білім бөлімдерінен 120 педагог қатысты. 

«Зайырлылық және дінтану негіздері»  факультативтік  курсы: теория және тәжірибе» тақырыбында облыстық   семинар-практикум өтті

2021 жылдың 24 ақпан күні облыстық оқу-әдістемелік кабинетінің ұйымдастыруымен әдіскерлер мен «Зайырлылық және дінтану негіздері» факультативтік курсынан сабақ беретін мұғалімдерге арналған «Зайырлылық және дінтану негіздері»  факультативтік курсы: теория және тәжірибе» тақырыбында облыстық семинар-практикум өтті.

Іс-шараның мақсаты – «Зайырлылық және дінтану негіздері» факультативтік курсы мұғалімдерінің кәсіби құзіреттіліктерін арттыру, тәжірибе алмасу.

Іс-шараға М.Х.Дулати атындағы Тараз өңірлік университетінің «Дінтану орталығының» бас маманы, дінтанушы Б.Алпысбаев, Жамбыл облысы әкімдігі дін істері басқармасының «Дін проблемаларын зерттеу орталығының» ақпараттық-түсіндіру бөлімінің басшысы Е.Жақыпов, инспектор Б.Бекмолдаев қатысты.

Облыстық семинар-практикум барысында педагогтарға «Зайырлылық және дінтану негіздері» факультативтік курсын оқытудың ерекшеліктері, дін саласындағы саясат, мемлекеттегі тыйым салынған деструктивті ағымдар мен олардың белгілері, курсты жүргізу барысында рұқсат етілген сандық ресурстар, әлеуметтік желілердегі дінге байланысты ақпараттарды талдау жұмыстары, талдамалық интернет картамен жұмыс бойынша әдістемелік ұсынымдар берілді. Курсты жүргізуде өздерінің іс-тәжірибесімен бөліскен педагогтар ақпараттық дайджестер мен панорамалық сабақтар көрсетіп, дидактикалық материалдар таратылды. Семинар-практикум педагогтардың өзара тәжірибе алмасуына ықпал етті.

Іс-шараға аудандар мен Тараз қалалық білім бөлімдерінен 11 әдіскер,              167 «Зайырлылық және дінтану негіздері» факультативтік курсының мұғалімі, барлығы 178 педагог қатысты.