Оқу-әдістемелік кабинеті туралы

Түркістан облысының педагогтарымен тәжірибе алмасу вебинары өтті.

2021 жылдың 15 ақпан күні Түркістан облысының білім қызметкерлері үшін «Оқушылардың функционалдық сауаттылығын дамыту: Ізденіс. Тәжірибе. Нәтиже» тақырыбында тәжірибе алмасу вебинары өтті.

Жамбыл облысы әкімдігі білім басқармасының оқу-әдістемелік кабинетінің бөлім жетекшісі, халықаралық зерттеулер бойынша облыстық координатор Ш.Жамалбекова тәжірибелік таныстырылым арқылы оқушылардың функционалдық сауаттылықтарын қалыптастыру бағытындағы жұмыстарға тоқталып, биылғы жылы өтетін халықаралық PISA, TIMSS, PIRLS халықаралық зерттеулерінде кездесетін тапсырмалармен таныстырып өтті.

Вебинар барысында Жамбыл ауданы әкімдігі білім бөлімінің әдіскері, аудан үйлестірушісі А.Т.Бейбітова оқушылардың математикалық, жаратылыстану және оқу сауаттылықтарын арттыру мақсатында жүргізілген іс-тәжірибесімен бөлісіп, аудан көлемінде жүргізілген жұмыстардың жүйесімен таныстырды..

Аталған вебинарға Түркістан облысы білім басқармасының 613 облыстық (аудандық) әдістемелік кабинеттердің меңгерушілері, мектеп директорлары мен оқу-ісі жөніндегі орынбасарлары қатысты.

Іс-шара барысында Түркістан облысы адами әлеуетті дамыту басқармасының әдістемелік орталығының директоры А.З.Турсынбаев, директордың инновациялық жұмысы жөніндегі орынбасары М.Ж.Жансейітқызы оқушылардың функционалдық сауаттылықтарын дамыту бойынша ашық диалогтық алаңда іс-тәжірибе алмасу бағытында Жамбыл облысы әкімдігі білім басқармасының оқу-әдістемелік кабинетінің ұжымына алғыстарын білдірді.

«Қысқы мектеп» жобасы аясында математика пәнінің мұғалімдеріне онлайн режимінде шеберлік сынып өтті

2021 жылдың 15 ақпан күні облыстық оқу-әдістемелік кабинетінің ұйымдастыруымен ZOOM бейнебайланыс режимінде облыстық дарынды балаларға арналған мамандандырылған «Дарын» мектеп-интернатының тәжірибелі мұғалімдері «Тестирование на уроках математики, эффективный способ оценивания при дистанционного обучений», «Әр түрлі деңгейдегі есептердің шығару жолдары» тақырыптарында математика пәнінің мұғалімдеріне арналған онлайн режимінде шеберлік сынып өтті.

Іс-шара барысында математика сабағында әр түрлі деңгейдегі есептер мен олимпиадалық есептерді шығару, шешу, талдау жолдарының тиімді әдіс-тәсілдерін , Online Test Pad платформасы арқылы БЖБ,ТЖБ тест тапсырмаларын құрастырудың түрлі жолдарын көрсетіп, іс- тәжірибесімен бөлісті.

Аталған іс-шараға облыстың 162 математика пәнінің мұғалімдері қатысты.

Жамбыл облысы әкімдігі білім басқармасының оқу-әдістемелік кабинетінің ұйымдастыруымен рухани-адамгершілік білім беру бағдарламасының негізін қалаушысы Сара Алпысқызы Назарбаеваның 80 жас мерей тойына орай облысымыздың мектепке дейінгі, жалпы орта білім беру мен техникалық және кәсіптік білім беру ұйымдарында 2021 жылдың 1-12 ақпан аралығында «Өзін-өзі тану – махаббат пен шығармашылық педагогикасы» тақырыбындағы онкүндік аясындағы іс-шаралар жоспарына сәйкес ашық сабақтар, жобалық жұмыстар, фестивальдер, кітап көрмелері, конкурстар, акциялар, челлендждер және т.б. өткізілуде.

Аталған іс-шаралар барысында тәрбиеленушілер, білім алушылар мен студенттерге Сара Алпысқызының Сүйіспеншілікке, Даналыққа және Адамгершілікке толы ой-пікірлері мен ізгі ниеттері насихатталды.

«Жаңа емледегі жаңалықтар:Ұсыныс. Тәжірибе. Нәтиже» тақырыбында облыстық онлайн кеңес өтті

Жамбыл облысы әкімдігінің білім басқармасының оқу-әдістемелік кабинеті 2021 жылдың 15 қаңтарында А.Байтұрсынов атындағы Тіл білімі институтының бас ғылыми қызметкері, ф.ғ.д., профессор Құралай Күдеринованың қатысуымен қазақ тілі әліпбиін латын графикасына көшіру жөніндегі ұлттық комиссия мақұлдаған жаңа әліпби негізіндегі қазақ тілі емле ережесін (әріптердің емлесі, түбір сөздердің емлесі, қосымшалардың жалғануы, бөлек жазылатын сөздердің емлесі, бірге жазылатын сөздердің емлесі, дефиспен жазылатын сөздердің емлесі, бас әріптің емлесі, қысқарған сөздердің емлесі, кірме сөздердің емлесі, сөздердің тасымалдануы) қолданудың тиімді жолдарын меңгеру мақсатында облыстық онлайн кеңес өтті.

Іс-шара барысында жаңа жазуды үйрену барысында диакритикалық таңбасы бар төл әріптердің графикалық сұлбасын санаға мықтап орнату қажеттігі, айтылмайтын және сөз мағынасына әсер етпейтін қосар дыбыстар түсіріліп отыратындығы, я, ю әріптері йа, йу түрінде және ъ, ь, е, э, щ, ц әріптері бар шеттілдік сөздерді тіліміздің айтылым заңына сай жазылатындығы туралы айтылды.

«Жаңа емледегі жаңалықтар:Ұсыныс. Тәжірибе. Нәтиже» тақырыбында облыстық онлайн кеңеске аудандық (қалалық) білім бөлімдері мен облыстық білім басқармасына қарасты білім мекемелерінен 298 мұғалім қатысты.

Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2021 жылдың 12 ақпанында «Мектептің инновациялық жұмысын жетілдіру жолдары» атты облыстық оқу-тәжірибелік семинар өтті. Семинарға 205 білім беру ұйымдары директорларының ғылыми-әдістемелік ісі жөніндегі орынбасарлары қатысты.

Семинар барысында мектептегі әдістемелік қызмет сапасын арттыруда инновациялық үрдістерді жүзеге асыруға бағыт-бағдар беріліп, инновациялық жобалар туралы кеңес берілді. Инновациялық жобалардың нәтижеге бағытталуы мен мектеп дамуындағы рөлі, көрсеткіштерге қол жеткізудің тиімді тәсілдері туралы ақпараттық-әдістемелік, тәжірибелік түсіндіру жүргізілді.