«Мектепте сабақты зерттеу (Lesson study) әдістері: тәжірибе және нәтиже»    тақырыбында қашықтан вебинар өтті

       Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2021 жылдың  11 наурыз  күні «Мектепте сабақты зерттеу (Lesson study) әдістері: тәжірибе және нәтиже»  тақырыбында география пәні әдіскерлері мен мұғалімдеріне арналған  вебинар  өтті. Вебинарға  201  педагог  қатысты.

          Вебинар барысында география сабағында рольдегі оқушылар әдісі арқылы білім сапасы мен оқу  үдерісін  дамытудың  тиімділігін,  А,В,С деңгейіндегі оқушылардың іс-әрекетін бақылау арқылы зерттеу сұрағын таңдап оған деректер жинау арқылы, тәжірибе мен нәтижеге бағыттау жолдары  көрсетіліп, ақпараттық әдістемелік  көмек көрсетіліп, әдістемелік кеңестер ұсынылды.

ПІКІР АЛМАСУ АЛАҢЫ ӨТТІ

Жамбыл облысы әкімдігі білім басқармасының оқу-әдістемелік кабинеті Тараз қаласындағы  Назарбаев Зияткерлік мектебімен бірлесе отырып, НЗМ тәжірибесін трансляциялайтын облыстағы жетекші мектептер арасында пікір алмасу алаңын өткізді.

Іс-шара барысында  жетекші мектептердің  өзін-өзі бағалауы, сабақтағы іс-әрекетті зерттеуі, білім алушының өзін-өзі дамытуда өз бетінше жұмыстарды ұтымды пайдалануы, дебат оқушылардың қозғалыс клубын дамытуы, «Оқуға құштар мектеп» жобасы,  оқушының даму траекториясын дамытуы, білім сапасын арттыру мәселелері талқыланды.

«Тарих пәнінен оқушыларды тестілеуге, мәтіндермен жұмыстарға дайындаудың тиімді жолдары» тақырыбында облыстық вебинар өтті

2021 жылдың 11 наурыз күні облыстық оқу-әдістемелік кабинетінің ұйымдастыруымен аудандар мен Тараз қалалық білім бөлімдерінің әдіскерлері мен тарих пәнінің мұғалімдеріне арналған «Тарих пәнінен оқушыларды тестілеуге, мәтіндермен жұмыстарға дайындаудың тиімді жолдары» тақырыбында облыстық вебинар өтті.

Іс-шараның мақсаты – тарих пәні мұғалімдеріне білім алушыларды тестілеуге, мәтіндермен жұмыстарға дайындаудың тиімді жолдары мен бағалау, тест түрлері, нәтижелерін талдау түрлерін ұсыну, тәжірибе алмасу.

Облыстық вебинар барысында педагогтарға тарих пәнінен тест спецификациясы, тест түрлері, хронологиямен жұмыс, Қазақстан тарихы, дүниежүзі тарихы пәндерінен кездесетін мәтіндік сұрақтар, дереккөздер, терминдермен жұмыс жүргізу бойынша әдістемелік ұсынымдар беріліп, дидактикалық материалдар таратылды. Вебинар педагогтардың өзара тәжірибе алмасуына ықпал етті.

Іс-шараға аудандар мен Тараз қалалық білім бөлімдерінен 11 әдіскер,              147 тарих пәнінің мұғалімі, барлығы 158 педагог қатысты.

Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2021 жылдың 10 наурыз күні        педагог-психологтардың шығармашылық зертханасы жобасы аясында «Мектептегі психологиялық қызметтің маңыздылығы және оны жетілдіру жолдары» тақырыбында шығармашылықпен  жұмыс жасайтын үздік педагог - психологтарының озық іс-тәжірибесі  таратылды.  Аталған іс-шараға 156 педагог қатысты.

Мектептегі психологиялық қызметті жетілдіру бағыттары бойынша  жүргізілетін жұмыстардың тиімді жолдарын қарастыру, озық  идеялы тәжірибені тарату, әдістемелік  көмек көрсету, өзара  тәжірибе  алмасу, тың идеялар мен озық тәжірибелерге,  жаңашыл бастамаларға қолдау көрсету мақсатында өткізілді.  

Іс-шара барысында ІХ Республикалық «Жылдың үздік психологі 2020» байқауының  І орын жеңімпазы, Тараз қаласы,  А.Пушкин атындағы №41 көпсалалы гимназияның педагог-психологі Хлесткина Елена Владимировна   іс-тәжірибесімен   бөлісті.