Мемлекеттік аттестациядан өтетін мектептердің химия пәнінің педагогтеріне облыстық семинар өтті

2023 жылдың 10 ақпан күні Жамбыл облысы әкімдігі білім басқармасының оқу-әдістемелік кабинетінің ұйымдастыруымен мемлекеттік аттестациядан өтетін білім беретін мекемелеріндегі химия пәні мұғалімдерінің кәсіби құзыреттілігін арттыру, әдістемелік көмек көрсету мақсатында «Химия пәнін оқыту ерекшеліктері мен білім сапасын арттыру жолдары» тақырыбында Байзақ (М.Әуезов атындағы орта мектебі, Көктал орта мектебі, Н.Гоголь атындағы орта мектебі, №1 мектеп-гимназия), Жамбыл (Б.Тайшапұлы атындағы орта мектебі, Ә.Тарази атындағы тірек мектебі), Қордай (№13 орта мектебі, Бұлар батыр атындағы №19 орта мектебі, №22 орта мектебі, М.Әуезов атындағы орта мектебі, І.Жансүгіров атындағы орта мектебі, Ж.Жабаев атындағы №26 орта мектебі, Р.Қунақова атындағы №35 орта мектебі, Ж.Молдағалиев атындағы негізгі мектебі, О.Бөкей атындағы негізгі мектебі), Меркі (№16 орта мектебі, М.Мәметова атындағы №13 орта мектебі, №34 орта мектебі, №44 орта мектебі), Т.Рысқұлов (№3 орта мектебі, Ақтоған орта мектебі), Сарысу (Д.Сенбин атындағы орта мектебі, Шағалалы негізгі мектебі, Үшарал негізгі мектебі, Т.Әубәкіров атындағы негізгі мектебі), Талас (М.Жұмабаев атындағы орта мектебі), Шу (№40 мектеп-лицей, Е.Бекмаханов атындағы мектеп-гимназиясы, М.Ғабдуллин атындағы орта мектебі, С.Сейфуллин атындағы орта мектебі, Т.Әшімбаев атындағы орта мектебі, А.Макаренко атындағы орта мектебі, М.Дулати атындағы орта мектебі, Жиенбет негізгі мектебі) аудандары мен Тараз қаласының (№6 орта мектебі, №13 орта мектебі, №23 орта мектебі, М.Маметова атындағы №27 орта мектебі, Ш.Мұртаза атындағы мектеп-гимназиясы, А.Гайдар атындағы №35 орта мектебі, №46 орта мектебі, Т.Рысқұлов атындағы №48 орта мектебі, №57 орта мектебі) 45 мектебіне облыстық семинар өтті.
Вебинар барысында педагогтерге химия пәнін оқытудың ерекшеліктері, әдістемелік бірлестік жұмысы, тәлімгерлік, бағалауға арналған тапсырмаларды әзірлеу және оларға қойылатын талаптар, педагогтерді аттестаттаудан өткізу қағидалары мен шарттары бойынша әдістемелік ұсынымдар берілді.

КӘСІБИ БАҒДАР БЕРУ ЖҰМЫСТАРЫ ЖҮРГІЗІЛУДЕ

Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2023 жылдың 10 ақпан күні білім беру ұйымдарының кәсіби бағдар беру жұмыстарын жүйелі ұйымдастыру, жауапты әдіскерлер мен мамандарға әдістемелік қолдау көрсету және кәсіби шеберлігін арттыру, тәжірибе алмасу мақсатында «Білім беру ұйымдарында кәсіптік бағдар беру жұмыстарын тиімді ұйымдастыру» тақырыбында облыстық семинар өткізілді. Семинарға білім бөлімдерінің кәсіптік бағдар жұмысына жауапты әдіскерлері мен мектептердегі осы жұмысты үйлестіруші қызметкерлер, барлығы 100 педагог қатысты.
Іс-шара барысында «Өрлеу» БАҰО» АҚ «Жамбыл облысы бойынша Кәсіби даму институты» филиалының аға оқытушылары З.У.Смаилова, Ж.С.Көшербаева және М.Х.Дулати атындағы Тараз өңірлік университетінің «Ақпараттық технологиялар» факультетінің кәсіптік бағдар беру жұмыстарына жауапты маман А.С.Абильдаева Қазақстанның жаңа кәсіптер атласымен, еңбек нарығының сұранысына сай мамандықтар, трансформацияланатын кәсіптер, кәсіби бағдар беруде арнайы курстардың рөлі, кеңес беру, тұлғалық сипаттау тестінен өту, мамандық таңдауда бағыт-бағдар бере отырып, өз тәжірибелерімен бөлісті.

Облыстық тәжірибелік семинар өтті

2023 жылдың 10 ақпан күні облыстық оқу-әдістемелік кабинетінің ұйымдастыруымен «Оқушылардың функционалдық сауаттылығын арттыруға бағытталған тапсырмаларды шешудің тиімді жолдары» тақырыбында физика пәнінің мұғалімдеріне арналған тәжірибелік семинар өтті.
Іс-шараның мақсаты – физика пәні мұғалімдерінің кәсіби құзіреттіліктерін арттыру, әдістемелік көмек көрсету, тәжірибе алмасу.
Семинар барысында оқушылардың функционалдық сауаттылығын арттыру, мәселені бірлесе шешу мен креативті ойлау дағдыларын жетілдіру аясында берілетін мәнмәтіндік тапсырмалардың өзектілігі, құрылымы мен ерекшеліктері, оларды шешудің тиімді әдістері көрсетілді. Педагогтерге ақпараттық-әдістемелік көмек беріліп, дидактикалық материалдардың электронды нұсқалары таратылды.
Аталған іс-шараға облыстан 159 физика пәнінің мұғалімдері қатысты.

«Білім беру сапасын қамтамасыз етудің әдіснамалық негіздері» тақырыбында Байзақ ауданында облыстық әдістемелік десант өтті

2023 жылдың 9 ақпан күні Жамбыл облысы әкімдігі білім басқармасының оқу-әдістемелік кабинетінің ұйымдастыруымен Байзақ ауданының педагогтері үшін оқыту мен тәрбие сапасының деңгейін арттыру, білім сапасын қамтамасыз етуде мектепішілік бақылау жоспарын жоспарлаудың тиімділігі, БЖБ, ТЖБ тапсырмаларын құрастыру, оқушылардың функционалдық сауаттылығын арттыру бағытында әдістемелік десант өтті. Әдістемелік десантқа «Білім саласындағы сапаны қамтамасыз ету» департаменті басшысы Ускумбаева Дамеш Чайхиевна қатысып, оқушыларды рухани-адамгершілік, ұлттық құндылықтар негізінде тәрбиелеу мәселесі, білім беру ұйымдарын мемлекеттік аттестаттау өлшемшарттары, сауалнама жүргізу, оқыту нәтижелерін, өзін-өзі бағалау құрылымына тоқталып, педагогтердің жауапкершілігі, педагогикалық әдеп қағидалары, туралы ой қозғады.
Іс-шараға мектеп директорларының оқу, ғылыми-әдістемелік, құқық, тәрбие ісі жөніндегі орынбасарлары, мектепке дейінгі ұйым және мектепалды даярлық сынып, бастауыш, қазақ тілі мен әдебиеті, орыс тілі мен әдебиеті, математика, физика, тарих, география, жаһандық құзыреттілік, информатика пәндерінің мұғалімдері мен кітапхана қызметкерлері, педагог-психологтар, әлеуметтік педагогтер, барлығы 443 педагог қатысты.
Әдістемелік десантта облыстық оқу-әдістемелік кабинетінің әдіскерлері білім сапасын қамтамасыз етудегі мектепішілік бақылау, білім алушылардың білім жетістіктеріне мониторинг жүргізу қағидалары, PISA, PIRLS, TIMSS, ICILS халықаралық зерттеулерде жоғары нәтижеге қол жеткізу бойынша мұғалімнің нормативтік құжаттары әдіснамалық негіздері, тәрбие, құқықтық тәрбие жұмыстарын ұйымдастыру бағыттары, мектепке дейінгі ұйымдарда әдістемелік жұмыстарды тиімді ұйымдастыру жолдары, бастауыш мектеп пен қоғамдық-гуманитарлық, жаратылыстану-математикалық бағыттағы пәндердің оқу-тәрбие үдерісін ұйымдастырудың ерекшеліктері мен білім сапасына әсер ететін тиімді әдіс-тәсілдер, әлеуметтік-психологиялық қызметтің маңыздылығы айтылды.