Оқушылардың Функционалдық сауаттылықын дамыту

Талас ауданында әдістемелік десант өтті

Облыстық білім басқармасының оқу-әдістемелік кабинетінің ұйымдастыруымен тәрбие мен оқыту сапасының деңгейін арттыру мақсатында 2019 жылдың 31 қаңтар күні Талас ауданындағы лицейдің, «Астана» бөбекжай-бақшасының базаларында «Білім берудегі инновациялық технологиялар – білім сапасын арттырудың негізі» атты облыстық әдістемелік десант өтті.

Әдістемелік десантқа мектеп директорлары, директордың оқу ісі жөніндегі орынбасарлары, директордың құқық, тәрбие ісі жөніндегі орынбасарлары, пән мұғалімдері (мектепке дейінгі ұйым педагогтары, бастауыш сынып, қазақ тілі, орыс тілі, ағылшын тілі, математика, физика, химия, биология, тарих, география, информатика, көркем еңбек, музыка, өзін-өзі тану, психолог, әлеуметтік педагог), барлығы 542 педагог қатысты.

Секция жұмыстарында білім сапасын арттыру жұмыстарын жүйелі ұйымдастыруға бағытталған шеберлік сыныптары мен коучингтер, панорамалық сабақтар, психологиялық тренингтер өткізіліп, электронды таратпалы материалдар ұсынылды.

«Білім мазмұнын жаңарту жағдайында оқушылардың мәтін арқылы оқу сауаттылығын дамыту жолдары» тақырыбындағы облыстық онлайн семинар өтті

Облыстық оқу-әдістемелік кабинетінің ұйымдастыруымен 2019 жылдың 1 ақпанында «Zhambil_Obl_Metod» бөлмесінде қазақ тілі мен әдебиеті пәнінің мұғалімдеріне жаңартылған білім мазмұны аясында оқушылардың мәтін арқылы оқу сауаттылығын дамыту жолдарын анықтау арқылы әдістемелік көмек беру мақсатында «Білім мазмұнын жаңарту жағдайында оқушылардың мәтін арқылы оқу сауаттылығын дамыту жолдары»

тақырыбында облыстық онлайн семинар өткізілді. Аталған іс-шараға 1623 қазақ тілі мен әдебиеті пәні мұғалімдері қатысты.

Онлайн семинар барысында пән мұғалімдері оқылым стратегияларын тиімді қолдану арқылы оқушылардың оқу сауаттылығын арттыру, оқыту орыс тілінде жүргізілетін мектептердегі оқушыларға мәтінмен жұмыс істеу тәсілдерін меңгерту барысында түрлі әдіс-тәсілдермен бөлісті.

Пән мұғалімдерінің кәсіби біліктілігін көтеру үшін әдістемелік көмек берілді.

«Жаңартылған білім беру жағдайында дарынды оқушыларды анықтау және психологиялық жетекшілік жасау жолдары» тақырыбында облыстық әдістемелік семинар өтті

2019 жылдың 29 қаңтар күні облыстық оқу-әдістемелік кабинетінің мәжіліс залында білім беру ұйымдарының педагог-психологтарына әдістемелік көмек көрсету және тәжірибелік тұрғыда кәсіби шеберлігін арттыру мақсатында «Жаңартылған білім беру жағдайында дарынды оқушыларды анықтау және психологиялық жетекшілік жасау жолдары» тақырыбында облыстық әдістемелік семинар өтті.

Аталған іс-шараға барлығы 45 педагог-психолог қатысты.

«Пәндік-тілдік интеграцияланған оқыту (CLIL)» тақырыбында Тараз қаласындағы Педагогикалық шеберлік орталығының базасында облыстық семинар өтті

Педагогикалық шеберлік орталығымен бірлесе отырып, 2019 жылдың 31 қаңтар күні «Пәндік-тілдік интеграцияланған оқыту (CLIL)» тақырыбында облыстық семинар өтті.

Аталған іс-шараға 59 педагог қатысты.

Іс-шара бағдарламасына сәйкес 6-8 сыныптарға сабақ беретін жаратылыстану-математикалық бағытындағы пән мұғалімдері тілдік интеграциялық оқыту, сабақ басқаруға арналған тайм-менеджмент, CLIL технологиясын іске асыру барысында жаңа әдіс-тәсілдерді тиімді қолдану жолдары бойынша тәжірибе алмасты.

«Сабақты жоспарлауда педагогикалық құралдарды қолданудың тиімді жолдары» тақырыбында облыстық онлайн семинар өтті

Педагогикалық шеберлік орталығымен бірлесе отырып, 2019 жылдың 31 қаңтар күні облыстық білім басқармасының оқу-әдістемелік кабинетінің «Zhambil_Obl_Metod» бөлмесінде ағылшын тілі, орыс тілі мен әдебиеті пәндері мұғалімдеріне арналған «Сабақты жоспарлауда педагогикалық құралдарды қолданудың тиімді жолдары» тақырыбында онлайн режимінде облыстық семинар өтті.

Аталған іс-шараға 1310 (ағылшын тілі пәнінен - 710, орыс тілі мен әдебиеті пәнінен - 600) педагог қатысты.

Іс-шара барысында ағылшын тілі, орыс тілі мен әдебиеті пәндерін оқытудағы жаңа әдіс-тәсілдерді тиімді қолдану, жаңартылған оқу бағдарламасын іске асыру барысында сабақты жоспарлауда педагогикалық құралдарды қолданудың тиімді жолдарын анықтап, тәжірибе алмасты.