БӨЛІМДЕР

Облыс педагогтері «Европа - Азия» атты республикалық туристік фестивалінде жеңімпаз атанды.

2023 жылдың 17-21 қыркүйек күндері Батыс Қазақстан облысы, Орал қаласында «Европа-Азия» Республикалық туристік фестивалі өтті. Фестивальдің мақсаты - педагогтердің туристік және кәсіби шеберліктерін шыңдау, қазақстандық патриотизмді қалыптастыру, білім қызметкерлері арасында туристік-өлкетану қызметі бойынша озық тәжірибені айқындау және насихаттау. Аталған іс-шараға облыстан 6 педагогтен құралған 1 команда қатысты. «Футбол» спорттық ойыны, «Тоғызқұмалақ» ойыны (әйелдер арасында), «Түнгі бағдарлау» қашықтығы, «Шахмат» спорттық ойыны, «Қалашық» спорттық ойыны. Республикалық фестивальде Жамбыл облысы педагогтерінің командасы «Футбол» спорттық ойыны бойынша I орынды, «Тоғызқұмалақ» ойыны бойынша I орынды, «Түнгі бағдарлау» қашықтығынан тобы II орынды, «Шахмат» спорттық ойыны бойынша III орынды, «Қалашық» спорттық ойынында Жамбыл облысы командасы II орын иеленді. Педагогтерді жеңістерімен құттықтаймыз!

Облыстық вебинар өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 12 қыркүйек күні Мерке, Т.Рысқұлов, Қордай аудандарының жалпы білім беретін мектептеріндегі арнайы мамандар мен инклюзивті білім беретін педагогтерге әдістемелік көмек көрсету мақсатында «Жалпы білім беретін мектептерде инклюзивті білім беру ортасын ұйымдастыру» тақырыбында облыстық вебинар өтті. 2024-2025 оқу жылындағы ерекше білім беруді қажет ететін білім алушылардың оқу-тәрбие процесін реттейтін нормативтік құжаттар (ондағы өзгерістер мен толықтырулар), жалпы білім беретін мектептерде инклюзивті білім беру ортасын ұйымдастыру, білім беру ұйымдарында психологиялық-педагогикалық қызметті қолдау, ерекше білім беруді қажет ететін білім алушыларды ағымдағы бағалау, мектепте инклюзивті мәдениетті қалыптастыру, арнайы білім беруді ұйымдастырудың ерекшеліктері (оқыту және тәрбиелеу, оқу жоспары мен бағдарламаларын іске асыру) туралы әдістемелік ұсынымдар берілді. Іс-шараға 463 педагог қатысты.

Шу ауданында мектепке дейінгі ұйымдарда «Біртұтас тәрбие» бағдарламасы: жаңартылған мазмұны және енгізу алгоритмі» тақырыбында оқыту семинары өтті

Жамбыл облысы әкімдігінің білім басқармасының оқу- әдістемелік орталығының ұйымдастырумен 2024 жылдың 22 тамыз күні Шу ауданы, "Мөлдір" бөбекжай-бақшасының базасында мектепке дейінгі ұйымның меңгерушілері мен әдіскерлеріне «Біртұтас тәрбие» бағдарламасы: жаңартылған мазмұны және енгізу алгоритмі» тақырыбында оқыту семинары өтті. Іс-шара барысында "Біртұтас тәрбие" бағдарламасының негізгі аспектілері, мақсаты мен міндеттері, күтілетін нәтижелері, сондай-ақ жобаларын мектепке дейінгі ұйымдарға қалай негіздеуге болатынын және жылдық жоспарда жүзеге асыру жолдары жан-жақты талқыланды. Қатысушылар «Біртұтас тәрбие» бағдарламасының іске асырылу жұмысын ұйымдастыру мен үйлестіру бойынша әдістемелік көмектер алды және электронды таратпалы материалдар берілді. Іс-шара барысында 61 мектепке дейінгі ұйым меңгерушілері мен әдіскерлері қамтылды.

Сарысу ауданында мектепке дейінгі ұйымдарда «Біртұтас тәрбие» бағдарламасы: жаңартылған мазмұны және енгізу алгоритмі» тақырыбында оқыту семинары өтті

Жамбыл облысы әкімдігінің білім басқармасының оқу- әдістемелік орталығының ұйымдастырумен 2024 жылдың 26 тамыз күні Сарысу ауданы, "Айгөлек" бөбекжай-бақшасының базасында мектепке дейінгі ұйымның меңгерушілері мен әдіскерлеріне, мектепалды сынып педагогтеріне «Біртұтас тәрбие» бағдарламасы: жаңартылған мазмұны және енгізу алгоритмі» тақырыбында оқыту семинары өтті. Іс-шара барысында "Біртұтас тәрбие" бағдарламасының негізгі аспектілері, мақсаты мен міндеттері, күтілетін нәтижелері, сондай-ақ жобаларын мектепке дейінгі ұйымдарға қалай негіздеуге болатынын және жылдық жоспарда жүзеге асыру жолдары жан-жақты талқыланды. Қатысушылар «Біртұтас тәрбие» бағдарламасының іске асырылу жұмысын ұйымдастыру мен үйлестіру бойынша әдістемелік көмектер алды және электронды таратпалы материалдар берілді. Іс-шара барысында 78 мектепке дейінгі ұйым меңгерушілері мен әдіскерлері, мектепалды сынып педагогтері қамтылды.

Сарысу ауданында “Біртұтас тәрбие” бағдарламасы: жаңартылған мазмұны және енгізу алгоритмі” тақырыбында оқыту семинары өтті

Жамбыл облысы әкімдігі білім басқармасының оқу- әдістемелік орталығының ұйымдастырумен 2024 жылдың 23 тамыз күні Сарысу ауданы Мәдениет үйінде мектеп директорларына, директордың тәрбие ісі жөніндегі орынбасарларына, сынып жетекшілеріне арналған «Біртұтас тәрбие» бағдарламасы: жаңартылған мазмұны және енгізу алгоритмі» тақырыбында оқыту семинары онлайн және офлайн режимінде өтті. Барлығы 300 -ге жуық педагог қатысты. ҚР Президенті Қасым-Жомарт Кемелұлы Тоқаевтың Ұлттық Құрылтайдың екінші отырысында өскелең ұрпақтың тәрбиесін күшейту, ұлттық құндылықтар мен жалпыадамзаттық құндылықтар аясында келешек ұрпақтың санасын әділдікке, адалдыққа, еңбекқорлыққа баулуды тапсырған. Аталған бағдарлама 2023 жылы оқу-тәбие процесіне енгізіліп, Мемлекет басшысының биылғы Ұлттық Құрылтайда айтып өткен құндылықтарына сәйкес толықтырылды. «Біртұтас тәрбие» бағдарламасының жаңартылған мазмұнын каскадты оқыту әдісімен таныстырылды. Қазіргі әлемнің сын-тегеуріндеріне дайын азаматтардың жаңа буынын тәрбиелеу «Әділетті Қазақстан – Адал азамат – Озық ойлы ұлт» үштағанымен сабақтасады. Бұл әрбір азамат өзінің маңыздылығын, жауапкершілігін және ортақ іске қосқан үлесін сезінетін әділетті, дамыған және инновациялық қоғам құруға мүмкіндік береді. Аталған идеялар мен құндылықтар «Біртұтас тәрбие» бағдарламасының (бұдан әрі – Бағдарлама) негізіне айналады. Бағдарлама құндылыққа бағдарланған және құзыреттілік тәсілдері негізінде білім алушы тұлғасын қалыптастыруға ықпал ететін негізгі мақсат пен міндеттерді айқындайды. Қатысушылар «Біртұтас тәрбие» бағдарламасы құндылыққа бағдарланған өскелең ұрпақты тәрбиелеудің өзектілігі мен маңыздылығы туралы тәрбие жұмысын ұйымдастыру мен үйлестіру бойынша әдістемелік көмектер алды және электронды таратпалы материалдар берілді.