«МАҚСАТТЫ МЕКТЕП» ЖОБАСЫНА ЕНГЕН МЕКТЕП ДИРЕКТОРЛАРЫМЕН СЕМИНАР ӨТТІ

2-күн Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылғы 26 қазанында «Мектептегі білім сапасын басқару: стратегиядан практикаға» атты оқыту семинары өткізілді. Семинар жұмысына білім басқармасы басшысының орынбасары, облыстық оқу-әдістемелік орталығының басшысы, мақсатты мектептердің директорлары, әдіскер-менторлар, аудандық және Тараз қалалық білім бөлімдерінің әдістемелік кабинет меңгерушілері барлығы 90 адам қатысты. Семинарға қатысқан Жамбыл облысы әкімдігінің білім басқармасы оқу-әдістемелік орталығының басшысы Ш.Усерова «Мақсатты мектептерді дамыту» жобасы аясындағы атқарылып жатқан жұмыстарды ұйымдастыру мен сапалы жүргізуге бағытталған іс-шараларды жүйелі жүргізу туралы мектеп басшыларына бірқатар ұсыныстар айтып өтті. Семинар бағдарламасына сәйкес «Тиімді кері байланыс - команданы сәтті басқарудың кілті: кері байланыстың принциптері мен түрлері, топпен қарым-қатынас жасаудың тиімді әдістері, қызметкерлерді кері байланыс арқылы ынталандыру, ішкі және сыртқы бағалауды жүргізу ерекшеліктері: мектепте білім беру, сапасын жақсарту стратегиясын іске асырудағы бағалаудың рөлі, әкімшілік және педагогтердің өзін-өзі талдауы, ішкі және сыртқы бағалауды жүргізу кезеңдері, халықаралық зерттеулердегі оқушылардың функционалдық сауаттылығын бағалаудың ерекшеліктері, тәуелсіз әкімшілік білім аудитін жүзеге асыруда цифрлық технологиялардың мүмкіндіктері, оқу үдерісінің сапасын қамтамасыз етудегі цифрлық платформалардың мүмкіндіктері, білім сапасын бақылау кезінде бұлтты технологиялардың мүмкіндіктерін пайдалану, электрондық мәліметтер қорын жобалау, «Біртұтас тәрбие» бағдарламасы: жаңартылған мазмұны және енгізу алгоритмі, мектептің даму стратегиясындағы ата-аналардың рөлі тақырыптарында мектеп директорларына мазмұнды әдістемелік көмектер беріліп, мектеп стратегиясы контекстіндегі мұғалімдердің кәсіби дамуы туралы аймақтағы білім беру ұйымдарының үздік басшыларының табысты тәжірибелері таратылып, мектеп басшыларына оқу-әдіснамалық сүйемелдеу, әдістемелік қолдау жұмыстары жүргізілді. Қатысушыларды ақпараттық-әдістемелік сүйемелдеу бағытында оқыту сапасын арттыруға бағытталған материалдар қағаз және электронды түрде таратылды.

МЕКТЕПКЕ ДЕЙІНГІ ҰЙЫМ БАСШЫЛАРЫНА АРНАЛҒАН СЕМИНАР ӨТТІ

Жамбыл облысы әкімдігінің білім басқармасының оқу-әдістемелік орталығының ұйымдастыруымен 2024 жылдың 24 қыркүйек күні «Заманауи мектепке дейінгі ұйымдардағы менеджмент жүйесі» мектепке дейінгі ұйым басшыларына арналған семинар жүргізілді. Семинар барысында педагогикалық жүйені нәтижелі басқару ерекшеліктері туралы Тараз қаласы №33 «Айсәуле» бөбекжай-бақшасының меңгерушісі Н.Мамбетова, №35 «Ертөстік» бөбекжай-бақшасының меңгерушісі Г.Тубаева, Меркі ауданы «Балдырған» бөбекжай-бақшасының меңгерушісі Г.Байұзақова өз іс-тәжірибелерімен бөлісті. Іс-шара соңында мектепке дейінгі тәрбиемен және оқытумен қамтылмаған балалардың ата-аналары үшін білім беру ұйымдарында консультациялық пункттер жұмысын ұйымдастыру, бастауыш сынып мұғалімі жеке оқыту траекториясын анықтау үшін мектепалды топтары мен сыныптары балаларының Жеке даму картасын толтыру, «Біртұтас тәрбие» бағдарламасының іске асырылу жолдары бойынша ұсынымдар берілді. Іс-шараға 100 мектепке дейінгі ұйым басшылары қатысты.

«Разработка заданий, обеспечивающих достижение целей обучения на уроках русского языка и литературы» тақырыбында облыстық семинар-практикум өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 26 қыркүйек күні «Мақсатты мектептер» жобасы аясында аудандар мен Тараз қаласының орыс тілі мен әдебиеті пәнінің мұғалімдерінің кәсіби құзыреттіліктерін арттыру, оларға әдістемелік көмек көрсету мақсатында «Разработка заданий, обеспечивающих достижение целей обучения на уроках русского языка и литературы» тақырыбында облыстық семинар-практикум өтіп, оқу мақсаттарына жету үшін тапсырмаларды құрастыру жолдары туралы іс-тәжірибелер, тиімді әдістерді пайдалану бойынша ақпарат ұсынылып, дидактикалық материалдар таратылды. Іс-шараға аудандар мен Тараз қалалық білім бөлімдерінің әдіскерлері, орыс тілі мен әдебиеті пәнінің және «Мақсатты мектептер» жобасына енген мектептердің пән мұғалімдері, барлығы 170 педагог қатысты.

«Тарих сабақтарында күрделі оқу мақсаттары бойынша тапсырмалар құрастыру ерекшеліктері мен түрлері» тақырыбында облыстық семинар өтті

2024 жылдың 25 қыркүйек күні облыстық оқу-әдістемелік орталығының ұйымдастыруымен «Мақсатты мектептер» жобасы аясында тарих пәні мұғалімдерінің кәсіби құзыреттіліктерін арттыру, әдістемелік көмек көрсету мақсатында «Тарих сабақтарында күрделі оқу мақсаттары бойынша тапсырмалар құрастыру ерекшеліктері мен түрлері» тақырыбында облыстық семинар өтті. Семинар барысында педагогтерге сабақты жоспарлау, дайындау кезеңдері, І тоқсандағы Қазақстан тарихы, дүниежүзі тарихы, құқық негіздері пәндерінің оқу бағдарламасында кездесетін күрделі оқу мақсаттарына сәйкес тапсырмалар құрастыру жолдары және оларға қойылатын талаптар, тиімді әдістерді пайдалану бойынша әдістемелік ұсынымдар беріліп, материалдар таратылды. Іс-шараға аудандар мен Тараз қалалық білім бөлімдерінің әдіскерлері, тарих пәнінің және «Мақсатты мектептер» жобасына енген мектептердің пән мұғалімдері, барлығы 194 педагог қатысты.