Жамбыл облысы әкімдігі білім басқармасының оқу-әдістемелік кабинетінің ұйымдастыруымен аудандар мен Тараз қалалық білім бөлімдерінің әдіскерлері мен ағылшын тілі пәнінің мұғалімдеріне                      2021 жылдың 9 сәуірінде ағылшын тілі пәні мұғалімдерінің кәсіби шеберлігі мен құзыреттілігін қалыптастыру, әдістемелік көмек көрсету  мақсатында  «Ағылшын тілі пәнінде оқушылардың оқу жетістіктерін критериалды бағалау жүйесі»  тақырыбында облыстық онлайн семинар өтті.

Іс-шара барысында тәжірибелі педагогтар білім сапасын арттырудың тиімді жолдары, Бөлім бойынша жиынтық бағалау үшін тапсырмаларды құрастыру алгоритміне, тапсырма құрастыру кезінде мұғалімдердің білуі қажет қағидаттарға тоқталды. Бағалау критерийлері оқу мақсаттарына сәйкестігін, ойлау дағдыларының деңгейлері бағалау критерийлеріне сәйкестігі, толық және қысқа жауапты қажет ететін тапсырмаға қойылатын  талаптар мен жиынтық бағалаулардың тапсырмаларын құрастыруда сапалы  нәтижеге қол жеткізудің аспектілерін, тапсырмаларды тиімді ұйымдастыру жолдарын ұсынды.

Облыстық онлайн семинарға аудандар мен Тараз қалалық білім бөлімдерінен 282 педагог қатысты. 

ОБЛЫСТЫҚ ОНЛАЙН-КЕҢЕС ӨТТІ

2021 жылдың 9 сәуір күні Жамбыл облысы әкімдігі білім басқармасының оқу-әдістемелік кабинетінің ұйымдастыруымен білім сапасындағы олқылықтарды жою, халықаралық зерттеулерге тиісті деңгейдегі дайындықты ұйымдастыру, педагогтерді ақпараттық-әдістемелік қолдау бойынша аудандар мен Тараз қаласының әдістемелік кабинеті меңгерушілерінің қатысуымен онлайн-кеңес өтті.

          Іс-шара барысында облыстық оқу-әдістемелік кабинетінің басшысы Ш.Усерова аудандар мен Тараз қаласының әдістемелік кабинет меңгерушілеріне «Оқуға құштар мектеп» жобасын және даталы күндерге іс-шаралар ұйымдастыру, оқушылардың білім алуындағы олқылықтарды жою және оларды жақсарту үшін қабылданып жатқан шаралар, педагогтердің кәсіби біліктіліктерін арттыру жұмыстары, халықаралық зерттеулер мен қорытынды аттестаттауға дайындық жұмыстарын ұйымдастыру, жетекші мектептердің жұмысын үйлестіру және білім мекемелерінің педагогтерін әдістемелік қолдау жұмыстарын инновациялық бағытта дамыту бойынша жұмыстардың жүйелі жүргізілуі туралы ұсыныстар айтты.

Сондай-ақ, Тараз қаласы және Мойынқұм, Сарысу аудандары білім бөлімдерінің әдістемелік кабинет меңгерушілері білім беру ұйымдарына, педагогтерге көрсетіліп жатқан ақпараттық-әдістемелік қолдау бағыттары бойынша іс-шаралар туралы әріптестерімен тәжірибе алмасты.

Облыстық онлайн вебинар өтті

Жамбыл облысы әкімдігі білім басқармасының оқу-әдістемелік кабинетінің  ұйымдастыруымен  2021 жылдың 9 сәуір күні аудандық (қалалық) білім бөлімдерінің мектепке дейінгі ұйым әдіскерлеріне арналған «Педагогтарға әдістемелік көмек көрсетудің тиімділігі» тақырыбында zoom бейнебайланыс режимінде облыстық онлайн вебинар өтті.

Іс-шара барысында облыстық оқу-әдістемелік кабинетінің басшысы Ш.Усерова аудандық (қалалық) білім бөлімдерінің мектепке дейінгі ұйым әдіскерлеріне 2021 жылғы 15 наурызда Қазақстан Республикасы Үкіметінің №137 қаулысымен бекітілген мектепке дейінгі тәрбиелеу мен оқытуды дамыту моделін таныстырып және әрбір іс-шараларға дайындық жұмыстарының жүйелі жүргізілуі туралы ұсыныстар айтты.

Сондай-ақ, Меркі, Т.Рысқұлов аудандары білім бөлімдерінің мектепке дейінгі ұйым әдіскерлері мектепке дейінгі ұйымдарға, педагогтерге көрсетіліп жатқан ақпараттық-әдістемелік қолдау бағыттары бойынша іс-шаралар туралы әріптестерімен тәжірибе алмасты.

«География сабағында оқушылардың жаратылыстану-ғылыми сауаттылығын дамыту» тақырыбында облыстық шеберлік сынып өтті

2021 жылдың 9 сәуір күні  «Үздік педагог шеберханасы: Ізденіс. Тәжірибе. Нәтиже»  жобасының аясында республикалық «Үздік педагог-2016» байқауының жеңімпазы, Шу ауданы, М.Мақатаев атындағы орта мектебінің география пәнінің мұғалімі А.Е.Баетованың «География сабағында оқушылардың жаратылыстану-ғылыми сауаттылығын дамыту» тақырыбында облыстық шеберлік сыныбы  сыныбы өткізілді.

Іс-шара барысында А.Е.Баетова «Менің жүрегімнің мектебі» бейнетаспасы, электрондық портфолиосының мазмұны мен «География сабағында оқушылардың жаратылыстану-ғылыми сауаттылығын дамыту» атты шығармашылық  тақырыбындағы жинақталған іс-тәжірибесімен бөлісті. Оқушының пәнді терең түсіну қабілеті мен жаратылыстану-ғылыми сауаттылығын дамыта отырып, алған білімін сыныптан тыс жерде, кез келген жағдайда тиімді пайдалана білуі және шығармашылық ойлауын дамытуға арналған тапсырмаларды құрастыру жолдарын көрсетті.

Іс-шараға облыс аудандары мен Тараз қалалық білім бөлімдері мен облыстық білім басқармасына қарасты мекемелердің республикалық  «Үздік педагог» байқауының жеңімпаздары, әдістемелік кабинеттің меңгерушілері мен әдіскерлері, мектеп директорлары мен директордың ғылыми-әдістемелік, оқу ісі жөніндегі орынбасарлары, озық тәжірибелі педагогтар, жалпы 152 педагог қатысты.