«Жаңартылған білім беру – нәтижелі білім  негізі»  тақырыбында аймақтық семинар-практикум өтті

Жамбыл облысы әкімдігі білім басқармасының оқу-әдістемелік кабинетінің ұйымдастыруымен  2018 жылдың 23 қараша күні  Мойынқұм ауданы, Жамбыл атындағы мектеп-гимназиясының базасында «Жаңартылған білім беру – нәтижелі білім  негізі»  тақырыбында  бастауыш сынып мұғалімдері мен аудандық  білім бөлімдерінің әдіскерлері үшін аймақтық семинар-практикум өтті.

Аталған іс-шараға  58  педагог  қатысты.

Семинар-практикумда мұғалімдер оқыту  үрдісінде критериалды бағалауды тиімді қолдану жолдары бойынша тәжірибе алмасып, электронды дидактикалық таратпалы  материалдармен қамтамасыз етілді.

«Ұлт көшбасшысы – тәуелсіздік кепілі» атты облыстық ғылыми-тәжірибелік  конференция өтті

2018 жылдың 22 қараша  күні облыстық оқу-әдістемелік кабинетінің  ұйыдастыруымен  «1 желтоқсан - Қазақстан Республикасының Тұңғыш  Президенті  күні»  мемлекеттік мерекесіне арналған Мектеп олимпиадаларын және мектептен тыс іс-шараларды өткізетін облыстық орталықтың базасында «Ұлт көшбасшысы – тәуелсіздік кепілі»  тақырыбында  ғылыми - тәжірибелік  конференция өткізіледі. Конференция жұмысына ЖОО-ның ғалымдары, білім беру ұйымдарының басшылары,  директордың тәрбие ісі жөніндегі орынбасарлары  мен пән мұғалімдері шақырылып және 200-ге жуық педагог қызметкерлер  қатыстырылады.

Конференция келесі бағыттар бойынша ұйымдастырылды:

«Тірек мектептердің жұмысын тиімді ұйымдастыру» тақырыбында республикалық семинар – кеңес өтті.

 Жиында еліміздің әр аймағынан келген педагогтар білім мекемелерінің қызметін ұйымдастырудағы озық тәжірибелерін ортаға салды.Бұған дейін Жамбыл облысындағы бірқатар тірек мектептер республикалық байқауларда үздіктер қатарынан көрінген болатын. Мәселен, өткен жылы Т.Рысқұлов ауданындағы  М.Әуезов атындағы ресурстық орталық бас жүлдені жеңіп алған. Бүгінгі семинар – кеңесте инновациялық технологияларды пайдалана отырып, оқушылардың білім деңгейін арттыру жайы айтылды.

Манаргүл  Мұқашева / Ы.Алтынсарин атындағы  Ұлттық Білім Академиясының ғалым- хатшысы

Сондай-ақ, ресурстық орталық және шағын жинақталған мектеп мұғалімдерінің шығармашылық әлеуетін жетілдіру де күн тәртібінен түспейді. Бұл бағыттағы жұмыстар қазіргі уақытта еліміздің барлық аймағында жүргізіліп жатыр.

http://taraztv.kz/kz/news/society/respublikalyk-seminar-kenes-otti#

«Буккроссинг – Bookcrossing» акциясы өтті

Жамбыл облысы әкімдігі білім басқармасының оқу-әдістемелік кабинетінің  ұйымдастыруымен  2018 жылдың 21 қараша күні  Елбасы Н. Ә. Назарбаевтың «Болашаққа бағдар: рухани жаңғыру» бағдарламасы аясында облыстық  «Буккроссинг – Bookcrossing» акциясы өткізілді.

          Акцияға барлық білім мекемелерінен 90 педагог, 58 оқушы қатысты.