Тірек мектептердің (Р.О.) жұмысын жетілдіру

«Бастауыш білім беруде ғылыми-жаратылыстану сауаттылығын (TIMSS халықаралық зерттеуі аясында) арттырудың тиімді жолдары» тақырыбында облыстық семинары өтті

Жамбыл облысы әкімдігі білім басқармасының оқу-әдістемелік орталығы 2024 жылдың 22 мамыр күні «1000 мектеп» жобасына енген мектептердің бастауыш сынып мұғалімдеріне арналған «Бастауыш білім беруде ғылыми-жаратылыстану сауаттылығын (TIMSS халықаралық зерттеуі аясында) арттырудың тиімді жолдары» (қазақ және орыс тілдерінде) тақырыбында облыстық семинар өтті.

Іс-шара барысында «1000 мектеп» жобасына енген мектептердің бастауыш сынып мұғалімдері зерттеу жүргізу (ғылыми сұрақтарды қалыптастыру үшін) ғылыми есептер мен зерттеу нәтижелерін сын тұрғысынан бағалау, түсіндіру (құбылыстарды ғылыми тұрғыдан түсіндіру) бірқатар табиғи және техногендік құбылыстарды тану, бағалау және түсініктеме беру қабілеті ретінде анықтау, жаратылыстану ғылымдарында әртүрлі материалдардың қасиеті, организмдер, құбылыстар мен процесстер, жаратылыстану терминдері мен өлшеу бірлігі туралы білім деңгейлерін қалыптастыру бойынша тәжірибе алмасып, электронды материалдармен қамтамасыз етілді.

Аталған іс-шараға аудандық (қалалық) білім бөлімдерінің жауапты әдіскерлері мен бастауыш сынып мұғалімдері, барлығы 271 педагог қызметкер қатысты.

«1000 мектепке әдістемелік көмек» жобасы аясында «Білім сапасын арттырудың тиімді тәжірибелері» тақырыбында семинар өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 22 мамыр күні «1000 мектепке әдістемелік көмек» жобасы аясында «Білім сапасын арттырудың тиімді тәжірибелері» тақырыбында семинар өткізілді.

Мектеп педагогтерінің шығармашылық әлеуетін дамыту үшін жағдай жасау, тиімді оқыту бойынша білім сапасын арттыруға бағытталған идеялар мен озық тәжірибелерді тарату, «Табыс аймағы» онлайн марафон жұмысын қорытындылау мақсатында өткен іс-шараға офлайн режимінде 83, онлайн режимінде 188, барлығы 271 педагог қатысты.

Семинар ҚР Оқу-ағарту министрлігінің Білім саласында сапаны қамтамасыз ету комитеті төрағасының орынбасары М.Т.Мелдебекованың алғы сөзімен ашылды.

Іс-шара барысында облыстық оқу-әдістемелік орталығының басшысы Ш.Өсерова «1000 мектепке әдістемелік көмек» жобасын іске асыру бағытында 2023-2024 оқу жылында жүргізілген іс-шаралардың қорытындысы туралы баяндады. Қордай аудандық білім бөлімінің әдістемелік кабинет меңгерушісі С.А.Бахрамова, Байзақ ауданы, Н.Киікбаев атындағы мектеп-гимназиясының директоры Г.С.Ермекова, Тараз қаласы, №53 мектеп-гимназиясының директоры С.Е.Төлеу «Сапалы білім беруге бағытталған менеджер құзыреттілігі», «Мектепішілік бақылауды тиімді жоспарлау және оны жүзеге асырудың басымдықтары мен негізгі тетіктері», «Педагогтердің кәсіби әлеуетін жетілдіру арқылы білім сапасын қамтамасыз етудің тиімді жолдары» тақырыптарында білім сапасын арттыру бағытындағы іс-тәжірибелерімен бөлісті. Орыс тілі, математика, физика, бастауыш сынып мұғалімдері панорамалық сабақтар көрсетті.

Семинар соңында «1000 мектепке әдістемелік көмек» жобасына енген 52 мектептің ұжымына ҚР Оқу-ағарту министрлігінің Білім саласында сапаны қамтамасыз ету комитетінің арнайы сертификаттары табысталды.

«Химия сабағында оқушылардың жаратылыстану сауаттылығын дамыту бағытындағы тапсырмаларының ерекшеліктері» тақырыбында облыстық оқыту семинары өтті

2024 жылдың 17 мамыр күні облыстық оқу-әдістемелік орталығының ұйымдастыруымен химия пәнінің мұғалімдерінің кәсіби құзыреттілігін арттыру, әдістемелік көмек көрсету мақсатында «Химия сабағында оқушылардың жаратылыстану сауаттылығын дамыту бағытындағы тапсырмаларының ерекшеліктері» тақырыбында облыстық оқыту семинары өтті.

Оқыту семинары барысында педагогтерге PISA – 2025 халықаралық негізгі зерттеуінің жаратылыстану ғылымдарының тұжырымдамасымен таныстырылып, тапсырмалардың ерекшеліктері мен шешу жолдары көрсетілді. Қажетті дидактикалық материалдараға сілтемелер таратылды.

Іс-шараға аудандар мен Тараз қалалық білім бөлімдерінің әдіскерлері, химия пәнінің мұғалімдері, барлығы 98 педагог қатысты.

«Биология сабағында оқушылардың жаратылыстану сауаттылығын арттырудың тиімді жолдары» тақырыбында облыстық семинар-практикум өтті

2024 жылдың 16 мамыр күні облыстық оқу-әдістемелік орталығының ұйымдастыруымен биология пәнінің мұғалімдерінің кәсіби құзыреттілігін арттыру, әдістемелік көмек көрсету мақсатында «Биология сабағында оқушылардың жаратылыстану сауаттылығын арттырудың тиімді жолдары» тақырыбында облыстық семинар-практикум өтті.
Семинар-практикум барысында биология пәнін оқытуда оқушылардың функционалдық сауаттылығын арттыру, ақпараттық-коммуникативтік технологияларды пайдалану, функционалдық сауаттылыққа бағытталған тапсырмалардың шешу жолдары көрсетілді. Қажетті дидактикалық материалдарға сілтемелер таратылды.
Іс-шараға аудандар мен Тараз қалалық білім бөлімдерінің әдіскерлері, биология пәнінің мұғалімдері, барлығы 98 педагог қатысты.

«Тарих пәнін оқытуда білім алушылардың оқу сауаттылығын дамытудың тиімді жолдары» тақырыбында облыстық семинар өтті

2024 жылдың 16 мамыр күні облыстық оқу-әдістемелік орталығының ұйымдастыруымен «Cамғау» жобасы аясында педагогтердің кәсіби құзыреттіліктерін арттыру, әдістемелік көмек көрсету мақсатында жас мамандар мен тәлімгерлерге арналған «Тарих пәнін оқытуда білім алушылардың оқу сауаттылығын дамытудың тиімді жолдары» тақырыбында облыстық семинар өтті.

Семинар барысында жас мамандар мен тәлімгерлерге Қазақстан тарихы, дүниежүзі тарихы, құқық негіздері пәндерінен білім алушылардың оқу сауаттылығын дамытуға арналған тапсырмаларды әзірлеу ерекшеліктері мен түрлері, мәнмәтіндік тапсырмалар, толық және толық емес мәнмәтіндер, құқықтық сауаттылықты арттыруға бағытталған жағдаяттық тапсырмалар бойынша әдістемелік ұсынымдар беріліп, материалдар таратылды.

Іс-шараға тарих пәнінің және «1000 мектеп» жобасына енген мектептердің пән мұғалімдері, барлығы 114 педагог қатысты.