Оқушылардың Функционалдық сауаттылықын дамыту - Оқу-әдістемелік кабинет

Оқушылардың Функционалдық сауаттылықын дамыту

«Мектеп кітапхана жұмысын инновациялық бағытта ұйымдастыру жолдары» тақырыбында онлайн режимінде семинар өтті

Жамбыл облысы әкімдігі білім басқармасының оқу-әдістемелік кабинетінің  «Zhambul_obl_metod» бөлмесінде 2019 жылдың 20 ақпан күні жалпы орта білім беретін мектептердің   кітапхана    қызметкерлеріне   арналған   «Мектеп кітапхана жұмысын инновациялық бағытта ұйымдастыру жолдары»   тақырыбында онлайн режимінде  облыстық семинар өтті. Семинар барысында жалпы орта білім беретін мектептердің кітапхана жұмысын инновациялық бағытта ұйымдастыруды жетілдірудің негізгі аспектілері талқыланып,   электронды таратпалы материалдар ұсынылды.

Аталған іс-шараға 281 педагог қызметкерлер қатысты.

«Жасөспірімдерге қосымша білім берудің заманауи әдістерін қалыптастыру жолдары» тақырыбындағы облыстық әдістемелік семинар өтті

           2019 жылдың 19 ақпан күні облыстық оқу-әдістемелік кабинетінің базасында білім беру ұйымдарындағы құқықтық тәрбие бойынша   тәрбие жұмыстарын жетілдірудің тиімді жолдарын қарастыру, әдістемелік тәжірибелік көмек көрсету мақсатында «Жасөспірімдерге қосымша білім берудің заманауи әдістерін қалыптастыру жолдары» тақырыбында білім беру ұйымдарындағы мектеп директорының құқықтық  тәрбие ісі жөніндегі орынбасарларына арналған облыстық әдістемелік семинар өтті.

Семинар барысында қатысушылар жасөспірімдер арасында құқық бұзушылықты болдырмаудың алдын алу жөнінде мәселелерді талдап, қосымша білім беру арқылы оқушылардың бос уақытын ұйымдастырудың тиімді әдістері бойынша тәжірибемен алмасты.

Аталған іс-шараға барлық аудандардан және білім басқармасына қарасты мекемелерден 47 директордың құқықтық тәрбие  ісі жөніндегі орынбасарлары қатысты.

Әдістемелік десанттар өтті

Педагогтарға әдістемелік көмек көрсету және білім беру ұйымдарында білім сапасын арттыру мақсатында 2019 жылдың 19 ақпан күні Байзақ, Жамбыл. Қордай, Меркі, Мойынқұм аудандары мен Тараз қалалық әдістемелік кабинеттері әдістемелік десанттар өткізді.

Іс-шара барысында мектеп директорлары, мектеп директорының орынбасарлары, пән мұғалімдері, барлығы 228 педагогқа әдістемелік көмектер көрсетілді.

Әдістемелік десантта әдіскерлер мен озық тәжірибелі мұғалімдер сабақтарға қатысып, әдіс-тәсілдерді тиімді қолдану бойынша әдістемелік көмек көрсетті. Білім сапасын арттыру жұмыстарын жүйелі ұйымдастыруға бағытталған панорамалық сабақтар, шеберлік сыныптарын өткізді.

Жуалы ауданында әдістемелік десант өтті

Облыстық білім басқармасының оқу-әдістемелік кабинетінің ұйымдастыруымен тәрбие мен оқыту сапасының деңгейін арттыру мақсатында 2019 жылдың 20 ақпан күні Жуалы ауданындағы Б.Момышұлы атындағы орта мектебінің, «Аягүл» бөбекжай-бақшасының базаларында «Білім берудегі инновациялық технологиялар – білім сапасын арттырудың негізі» атты облыстық әдістемелік десант өтті.

Әдістемелік десантқа мектеп директорлары, директордың оқу ісі жөніндегі орынбасарлары, директордың құқық, тәрбие ісі жөніндегі орынбасарлары, пән мұғалімдері (мектепке дейінгі ұйым педагогтары, мектепалды даярлық, бастауыш сынып, қазақ тілі, орыс тілі, математика, физика, химия, биология, тарих, география, информатика, көркем еңбек, музыка, өзін-өзі тану, психолог, әлеуметтік педагог), барлығы 543 педагог қатысты.

Секция жұмыстарында білім сапасын арттыру жұмыстарын жүйелі ұйымдастыруға бағытталған шеберлік сыныптары мен коучингтер, панорамалық сабақтар, психологиялық тренингтер өткізіліп, электронды таратпалы материалдар ұсынылды.

«Қысқы мектеп» жобасы аясында математика және информатика пәнінің мұғалімдеріне семинар-практикумы өткізілді

Облыстық оқу-әдістемелік кабинетінің ұйымдастыруымен  2019 жылдың 15 ақпанында облыстық үш тілде оқытатын мамандандырылған дарынды балаларға арналған мектептің базасында информатика және математика пәнінің мұғалімдері үшін «Математика және информатика сабақтарында жаңа әдіс-тәсілдері қолдану» тақырыбында облыстық  семинар - практикум өтті. Іс-шара барысында LEGO конструкторын құрастыру, робототехника курсының жүргізілуі туралы тәжірибелер таратылып, белсенді әдіс-тәсілдерді тиімді пайдалана отырып ашық сабақтар, тренингтер өткізілді.

Аталған іс-шараға облыстың  26 педагогі қамтылды.