«Жеке тұлға қалыптастыруда ұлттық тәрбие берудің негізгі ұстанымдары» тақырыбында шеберлік сынып өтті

2019 жылдың 6 наурыз күні облыстық оқу-әдістемелік кабинетінің базасында директордың тәрбие  ісі  жөніндегі  орынбасарларына арналған «Жеке тұлға қалыптастыруда ұлттық тәрбие берудің негізгі ұстанымдары» тақырыбында шеберлік сынып өткізілді, барлығы 41 педагог  қатысты.

Семинардың   мақсаты - білім беру ұйымдарында «Мәңгілік ел» жалпыұлттық идеясының құндылықтарын жүзеге асырудағы жаңа ақпараттық кеңістігін құру, НЗМ-нің тәрбие жұмыс жүйесін тарату, қарым-қатынастық құзіреттіліктің артуына қолайлы жағдай жасау.

Әдістемелік семинарға қатысушылар тәрбиенің басым  бағыттары бойынша  әдістемелік көмектер алды, тиімді әдіс-тәсілдері жайлы ой бөлісті, тәжірибе алмасты және таратпалы материалдармен  қамтамасыз  етілді.

Психологиялық кеңес беру айлығы

«Ақпан айы  - жалпы  білім беру ұйымдарында  психологиялық кеңес беру айлығы» тақырыбында психологиялық кеңес беру айлығы өткізілді.

Психологиялық кеңес беру айлығына аудандық, қалалық білім бөлімінің әдіскері мен педагог-психологтар, әлеуметтік педагогтар және сынып жетекшілері (680 адам, 198340 оқушы)  қатысты.

Кеңес беру айлығының мақсаты: ата-аналар мен педагог қызметкерлердің, оқушылардың психологиялық сауаттылығын арттыру, білім алушылардың тұлғалық және зияткерлік дамуына ықпал ету, өзін-өзі тәрбиелеу және өзін-өзі дамыту қабілетін қалыптастыру.

Облыс көлемінде психологиялық кеңес беру айлығын өткізудің аудандық, қалалық жоспары жасалынып, бекітіліп, айлық барысында өткізілген іс-шаралар қорытындыланды.

«Латын әліпбиіне көшу – қазақ тілінің жаңа белесі» тақырыбындағы облыстық семинар өтті

Облыстық оқу-әдістемелік кабинетінің ұйымдастыруымен  қазақ тілі әліпбиін латын графикасына көшіру жөніндегі ұлттық комиссия мақұлдаған жаңа әліпби негізіндегі қазақ тілі емлелерін түсіндіру мақсатында                    2019 жылдың 6 наурызында Тараз қаласы, № 1 гимназиясының базасында «Латын әліпбиіне көшу – қазақ тілінің жаңа белесі» тақырыбында облыстық семинар өткізілді. Аталған іс-шараға  қазақ тілі мен әдебиеті пәні мұғалімдері мен кітапханашылар, барлығы 72 педагог қатысты.

Семинарда жаңа әліпби негізіндегі қазақ тілі емлесінің ережесіндегі әріптер емлесі, түбір сөздер емлесі, қосымшалардың жалғануы, бөлек жазылатын сөздер емлесі, бірге жазылатын сөздер емлесі, дефиспен жазылатын сөздер емлесінің ерекшеліктері туралы сөз болды. Бас әріп емлесі, қысқарған сөздер емлесі, шеттілдік сөздер емлесі, сөздердің тасымалдануы туралы жан-жақты мәліметтер берілді, арнайы тренингтің жүргізілу барысында мұғалімдер латын негізді әліпби бойынша құрылған шағын мәтіндермен жұмыс жасады.  

Облыстық математика пәні мұғалімдерінің «Математикалық регата» олимпиадасы өтті

2019 жылдың 1 наурызы күні Жамбыл облысы әкімдігінің білім басқармасының оқу-әдістемелік кабинетінің ұйымдастыруымен математика пәні мұғалімдерінің облыстық «Математикалық регата» олимпиадасы өтті.

Олимпиаданың мақсаты – педагогтің кәсіби қызметінде жоғары нәтижелерге жетуге ұмтылысын арттыру. 

Аталған іс-шараға облыстың  27 педагогі қатысты.

Олимпиада 4 кезең бойынша өткізіліп, әр кезеңінде 3 есептен (алгебралық,  геометриялық, логикалық), жалпы 12 есеп берілді. Тапсырмаларда планиметрия, стреометрия, тригонометрия бөлімдері мен комбинаторика, логикалық есептер қамтылды. Олимпиаданың нәтижесінде I орынды Байзақ ауданы С.Сейфуллин атындағы орта мектебінің математика пәнінің мұғалімі Ж.Абдураимов, II орынды Тараз қаласы,                   Ы.Алтынсарин атындағы №49 мектеп-гимназиясының математика пәні мұғалімі С.Қайырбай, облыстық үштілде оқытатын мамандандырылған мектептің математика пәні мұғалімі Г.А.Ниетбаева, III орынды облыстық ерекше дарынды балаларға арналған мамандандырылған «Дарын» мектеп-интернатының математика пәні мұғалімі Н.Д.Давлетбаев, облыстық Айша-бибі атындағы дарынды қыз балаларға арналған "Білім - инновация" мектеп-интернатының математика пәні мұғалімі Р.С.Сауытбай, Талас ауданы, Алғабас орта мектебінің математика пәні мұғалімі Н.Ж.Биғазиев,Т.Рысқұлов ауданы, М.Горкий атындағы мектебінің математика пәні мұғалімі Ж.А.Журманов, Сарысу ауданы, Б.Қашқынбаев атындағы орта мектебінің математика пәні мұғалімі К.Омарбаева, Меркі ауданы, №34 орта мектебінің математика пәні мұғалімі Р.Кузембекова иеленді.

Педагогтарымызды жеңістерімен құттықтаймыз!