«Мектеп кітапханасында ақпараттық-коммуникативтік технологияларды пайдалану»  тақырыбында аймақтық семинар-практикум өтті

Іс-шараның мақсаты – жалпы орта білім беретін мектептің кітапхана қызметкерлерінің кәсіби біліктілігін арттыра отырып, қазіргі заман талабына сай кітапхана қызметін тиімді ұйымдастыруды  жетілдіруге әдістемелік көмек көрсету.     Жамбыл облысы әкімдігі білім басқармасының оқу-әдістемелік кабинетінің  ұйымдастыруымен  2019 жылдың 15наурыз  күні Т.Рысқұлов ауданы, Т.Рысқұлов атындағы мектеп -лицейдің базасында  жалпы орта білім беретін мектептердің   кітапхана    қызметкерлеріне арналған  «Мектеп кітапханасында ақпараттық-коммуникативтік технологияларды пайдалану»  тақырыбында аймақтық семинар-практикум  өткізілді.  

Семинар-практикум барысында ReadX жобасы, пікір сайыстар, танымдық ойындар, шеберлік сыныптар көрсетіліп, іс-тәжірибелермен алмасты.

Аталған іс-шараға 42 білім қызметкерлері қатысты.

Мектеп басшыларына арналған дөңгелек үстел өтті

2019 жылы 15 наурыз күні Жамбыл облысы әкімдігінің білім басқармасы оқу-әдістемелік кабинетінің ұйымдастыруымен білім мазмұнын жаңарту жағдайында ұлттық тәрбие жүйесін дамыту мақсатында «Мектептегі тәрбие қызметін дамыту: жағдайы мен перспективалары» тақырыбында облыстық үйлестіруші кеңес мүшелерінің қатысуымен дөңгелек үстел өтті. Іс-шараға барлығы 25 адам қатысты.

Облыстық дөңгелек үстел барысында кеңес мүшелеріне білім беру ұйымдарында «Білім мазмұнын жаңарту аясында тәрбие қызметін дамытудың негіздері» атты тұжырымдама ұсынылып, толықтырулар енгізілді.

«Мектепалды даярлық тобында жаңаша әдіс-тәсілдерді тиімді пайдалану жолдары» тақырыбында облыстық семинар-практикум өтті 

2019  жылдың  15 наурызында облыстық оқу-әдістемелік кабинетінің ұйымдастыруымен Сарысу ауданы, Абылай хан мектеп-лицейінің базасында мектепалды даярлық топ тәрбиешілері үшін облыстық семинар-практикум өткізілді. Семинар-практикум барысында ұйымдастырылған ашық оқу қызметтері, коучинг және тренингтер жүргізілді. Оқу қызметін ұйымдастырудың инновациялық тәсілдері, кіріктіріліп оқытудың тиімді тәжірибелері бойынша тұжырымды пікірлер ортаға салынып, өз іс - тәжірибелерімен бөлісті.

Аталған іс-шараға облыс бойынша  48 педагог қамтылды.   

Облыстық педагогикалық инновациялар жәрмеңкесі  өтті

             2019 жылдың  15 наурыз  күні облыстық оқу-әдістемелік кабинеті  Тараз қ. физика-математикалық бағытындағы «Назарбаев Зияткерлік мектебі», Педагогикалық шеберлік орталығымен бірлесе отырып,  Педагогикалық шеберлік орталығының базасында облыстық педагогикалық инновациялар жәрмеңкесін  өткізді.

Аталған іс-шараға 34 педагог катысты.

Іс-шара барысында жармеңке  қатысушылары оқытудың жаңа формалары мен әдістері, білім беруді дамыту тұжырымдамасын іске асырудағы инновациялық тәжірибелер, білім беру саласындағы инновациялық цифрлы орта: оқу үрдісінде заманауи ақпараттық технологияларды, электрондық білім беру ресурстарын, қашықтан оқыту технологияларын  пайдалану, оқушыларға инженерлік білім беру («Робототехника және дизайн», «Мобильді робототехника», «Мехатроника» және т.б.), азаматтық-патриоттық тәрбие,  рухани-адамгершілік тәрбие, оқушыларға  кәсіби бағдар беру, экологиялық білім беру, салауатты және қауіпсіз өмір салтының дағдыларын дамыту, оқушылардың өзін-өзі басқарудың әртүрлі формалары бойынша тәжірибе алмасты.