РЕСПУБЛИКАЛЫҚ «ҮЗДІК ЖЫЛ ПСИХОЛОГЫ» БАЙҚАУЫНДА ОБЛЫСТЫҢ 3 ПЕДАГОГ- ПСИХОЛОГЫ ЖЕҢІМПАЗ АТАНДЫ

Қазақстан Республикасы Оқу-ағарту министрлігінің «Дарын» ғылыми-практикалық орталығының ұйымдастыруымен білім беру саласында шығармашылықпен жұмыс істейтін, талантты, өзінің кәсіптік біліктілігін көрсете алатын педагог-психологтарды анықтау, қолдау және ынталандыру мақсатында 2024 жылдың 5-6 наурыз күндері Алматы қаласында «ҮЗДІК ЖЫЛ ПСИХОЛОГЫ» атты республикалық байқау өтті.
Республикалық конкурс нәтижесі бойынша облыстық кезеңде жеңімпаз атанған 6 педагог-психолог қатысып, 3-і жүлделі орындарға ие болды:
І орынды Тараз қаласы №18 орта мектебінің педагог-психологі Мария Суворина, ІІ орынды Меркі ауданы, №44 жалпы орта білім беретін мектебінің педагог-психологі Айжан Сейтжапарова, ІІІ орынды Тараз қаласы, №41 көпсалалы гимназиясының педагог-психологі Алена Карикова иеленді.

Республикалық байқаудың жеңімпаздарын жеңістерімен құттықтаймыз!

Қазақстан Республикасы Оқу-ағарту министрлігі Балалардың құқықтарын қорғау комитетінің 2024 жылғы 16 ақпанындағы №21-1-21-4/1125–И хатына сәйкес, ағымдағы жылдың 5 наурызында Алматы қаласында «Балалардың қауіпсіздігі мен білім беру ортасының әл-ауқатының өзекті мәселелері: негізгі сын - қатерлер мен мүмкіндіктер» тақырыбында аймақтық семинар өтті.
Семинардың мақсаты – балалардың қауіпсіздігі мен әл-ауқатына қатысты мәселелерді талқылау және тәжірибе алмасу үшін жағдай жасау, сондай-ақ білім беру ортасы мен балалардың құқықтарына қатысты маңызды аспектілерді қарастыру.
Семинар педагог қызметкерлердің алдында тұрған білім беру ортасының әл-ауқатының және балалардың құқықтарын қорғау саласының өзекті мәселелерді талқылауға, сондай-ақ бірлескен шешімдерді іздеуге арналған алаң болды. Аталған іс-шараға Жамбыл облысынан 16 педагог қатысты (мектеп директорлары, директордың тәрбие ісі жөніндегі орынбасарлары, педагог-психологтар, сынып жетекшілер).

ОБЛЫСТЫҚ ТӘЖІРИБЕЛІК СЕМИНАР ӨТТІ

2024 жылдың 5 наурыз күні Жамбыл облысы әкімдігінің білім басқармасының оқу-әдістемелік орталығының іс-шаралар жоспарына сәйкес «Шығармашылық зертхана» жобасы аясында мектеп директорларының ғылыми-әдістемелік жұмыстары жөніндегі орынбасарларына арналған «Мектептің даму жоспары: басқару мен оқу-тәрбие үрдісін ұйымдастырудағы әдістемелік қызмет сапасы» тақырыбында облыстық тәжірибелік семинар өтті. Іс-шараға мектеп директорларының ғылыми-әдістемелік жұмысы жөніндегі орынбасарлары мен шығармашалық топ жетекшілері, барлығы 92 адам қатысты.
Семинар барысында Т.Рысқұлов ауданы М.Әуезов атындағы тірек мектебінің директоры М.Сарсенова, Байзақ ауданы, Н.Киікбаев атындағы мектеп-гимназиясы, Тараз қаласы Төле би атындағы №8 гимназиясының директорының ғылыми-әдістемелік жұмысы жөніндегі орынбасарлары Ә.Қуатова, Ұ.Қожагелдиева мектептің даму бағдарламасына енетін жобалардың тиімділігі, басқару мен оқу-тәрбие үрдісін ұйымдастырудағы әдістемелік қызмет сапасы, педагогтерге инновациялық-педагогикалық технологияларды пайдалануға бағыт-бағдар беру туралы әдістемелік көмек көрсетіліп, жұмысты жүйелі жүргізу бойынша ұсыныстар берілді.

Жамбыл облысының білім беру мекемелерінде психологиялық қызметті жетілдіру мақсатында 2024 жылдың ақпан айында психологиялық кеңес беру айлығы өтті

Жамбыл облысы әкімдігі білім басқармасының оқу-әдістемелік орталығының жылдық жоспарына сәйкес білім беру мекемелеріндегі психологиялық қызметті жандандыру және жетілдіру мақсатында 2024 жылдың ақпан айында жалпы білім беру ұйымдарында психологиялық кеңес беру айлығы өткізілді.
Осыған орай, облыстағы білім беру ұйымдарында сапалы психологиялық қызмет көрсету мақсатында «Әр бала – жарық жұлдыз!» атауымен психологиялық айлық ұйымдастырылды.
Психологиялық айлық барысында балалар мен жасөспірімдер арасындағы аутодеструктивті мінез-құлықтың алдын алу бағытында «Ең үлкен сый – өмір», «Әлем менімен керемет!», «Мен үшін баға жетпес құндылық» тақырыптарында әлеуметтік-психологиялық тренингтер өткізілді. Білім алушылардың позитивті ойлау әрекеттерін қалыптастыру үшін «Әлемді жақсы жаққа өзгерту үшін не жасауға болады?», «Менің көңіл-күйімді не жақсартады?», «Мен үшін жанашыр адам, ол...» тақырыптарында эссе, ойтолғаулар жаздырылды. «Жақсылық жасау парызың», «Жақсы сөз жанға демеу», «Біздің күшіміз бірлікте!» тақырыптарында акциялар ұйымдастырылды.
«Ата-аналарды педагогикалық қолдау орталығының» жұмысын жандандыру, ата-ана мен бала арасындағы байланысты нығайту мақсатында «Балаңызды қаншалықты түсінесіз?», «Ата-ана, Сізді не алаңдатады?» тақырыптарында психологиялық кеңес беру жұмыстары (ашық есік күні) ұйымдастырылды. «Ата-аналарымыздың біз білмейтін қырлары», «Айналамыз толған жақсы адамдар» тақырыптарда сынып сағаттары, ата-аналармен кездесу кештері, «Отбасы – жылулық ұясы», «Бала болашағы бүгіннен басталады», «Ел болашағы – саналы ұрпақ» т.б. тақырыптарда семинарлар өткізілді.
Білім алушылар арасындағы құқықбұзушылық түрлерінің (буллинг (кибербуллинг), зорлық-зомбылық, бопсалау, жыныстық тиіспеушілік) алдын алу бағытында «Зорлық-зомбылық пен буллинг жақсылыққа апармайды!», «Заманауилықтың біз білмейтін теріс жақтары», «Жақсыдан үйрен, жаманнан жирен», «Ар мен намыс таразыға түскенде» т.б. тақырыптарда пікірсайыс, дөңгелек үстелдер жүргізілді.