«Жазғы мектеп» жобасы аясында орыс тілі мен әдебиеті пәнінің мұғалімдеріне онлайн режимінде шеберлік сыныптары өтті

2018 жылдың 19 қазанында zhambul_obl_metod бөлмесінде облыстық  үш тілде оқытатын мамандандырылған дарынды балаларға арналған мектептің озық тәжірибелі мұғалімдері «Развитие функциональной граммотности на уроках русского языка в условиях обновленного содержания образования», «Развитие навыков граммотности чтения на уроках русского языка и литературы» тақырыбында орыс тілі мен әдебиеті пәнінің мұғалімдеріне арналған онлайн режимінде шеберлік сыныптарын өткізді. Аталған іс-шараға облыстың 540 педагогі қамтылды.

Жаңартылған білім беру  мазмұны бойынша  семинар-тренинг өтті

2018  жылдың  11 қазан  күні Жамбыл облысы әкімдігі білім басқармасының оқу-әдістемелік кабинетінің  әдіскерлері  Тараз мемлекеттік педагогикалық университетінің  оқытушы-профессорларына, педагогтарға жаңартылған білім беру  мазмұны, критериалды бағалау қағидаттары  бойынша семинар-тренинг өткізді.

Аталған іс-шараға  76    педагог  қатысты.

«Жазғы мектеп» жобасы аясында қазақ тілі мен әдебиеті пәнінің мұғалімдеріне онлайн режимінде шеберлік сыныптары өтті

2018 жылдың 15 қазанында zhambul_obl_metod бөлмесінде облыстық  дарынды ер балаларға арналған мамандандырылған    «Білім–Инновация» мектеп-интернатының озық тәжірибелі мұғалімдері «Қазақ тілі пәнін оқытуда Smart-технологияларды тиімді қолдану тәсілдері», «Білім мазмұнын жаңарту аясында қазақ әдебиеті пәнін оқытудағы негізгі басымдықтар» тақырыбында қазақ тілі мен әдебиеті пәнінің мұғалімдеріне арналған онлайн режимінде шеберлік сыныптарын өткізді. Аталған іс-шараға облыстың 945 педагогі қамтылды.

Мектеп директорларының облыстық семинары өтті

2018 жылдың 12 қазан күні Тараз қаласы, 30 мектеп-гимназиясының базасында «Ustaz professional learning centre» ЖШС-нің «Анализ және консалтинг», «Ата-аналар – мектеп серіктестігі», «Менторлық», «Ақпараттық сауаттылық», «Дифференциалдық оқыту», «Жобалық оқыту» сипатындағы жобалар бойынша мектеп директорларына арналған облыстық семинар өткізіліп, 251 мектеп директоры қатысты.

Іс-шараға қатысушылар «Ustaz professional learning centre» ЖШС-нің жұмыс жүйесімен танысып, оқытуда сандық технологияны қолданудың ерекшеліктері мен тиімді жолдары бойынша әдістемелік көмектер алды.

Іс-шара барысында білім беру ұйымдарының басшыларына жаңартылған білім мазмұнына көшу жағдайында заманауи білім беруді дамыту барысында білім сапасын арттырудың тиімді жолдары бойынша ақпараттық-әдіснамалық материалдар таратылды.