Облыстық «Орта білім беретін үздік ұйым» конкурсының өткізілу тәртібі туралы семинар өтті

2024 жылдың 3 сәуірінде Жамбыл облысы әкімдігі білім басқармасының оқу-әдістемелік орталығының ұйымдастыруымен «Орта білім беретін үздік ұйым конкурсының критерийлері» атты облыстық семинар өткізілді.
Іс-шараға аудандар мен Тараз қалалық білім бөлімдерінің әдістемелік кабинет меңгерушілері мен жауапты әдіскерлері және мектеп басшылары, барлығы 50 адам қатысты.
Семинар барысында «Орта білім беретін үздік ұйым» конкурсының грантын беру тәртібін және оның мөлшерін белгілей отырып, оны беруге арналған конкурсты өткізу қағидалары, конкурстың жалпы ережелері, өткізілу тәртібі, конкурсқа қатысу талаптары, орта білім беру ұйымдарына рейтингтік көрсеткіштерінің өлшемшарттары, оқытудың ақпараттық-коммуникациялық технологияларын енгізу, сапалы білім беруді қамтамасыз ету, білім беру процесін кадрлармен қамтамасыз ету, материалдық-техникалық қамтамасыз ету, білім беру ұйымын жарақтандыру және жабдықтау, білім алушылардың денсаулығын сақтау үшін жағдай жасау, оқу-тәрбие процесіне қатысушылардың қауіпсіздігін қамтамасыз ету және еңбегін қорғауға жағдай жасау, педагогтар мен басшылардың кәсіптік және жеке өзін-өзі көтеруі үшін жағдай жасау, инклюзивтік білім алуға жағдай жасау, соңғы үш жыл ішіндегі оқушылардың оқу рейтингтік жоғары көрсеткіштері, орта білім беретін ұйымның ерекше миссиясы, білім беру сапасын басқару, білім сапасын ішкі және сыртқы бағалаудың нәтижелері, халықаралық ынтымақтастықты жүзеге асыру бойынша қатысушыларға ақпараттық-әдістемелік көмектер берілді.

Облыстық семинар өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 1 сәуір күні ерекше білім беруді қажет ететін балалардың әлеуметтік өзіндік таным қабілеттілігі және оның бағытталуы, қызығушылығы, қалыптасуы мен даму дағдыларын, ортаға бейімделуін қамтамасыз ету мақсатында «Психологиялық-педагогикалық түзету кабинетінде ойын моделін қолдану арқылы мектеп жасына дейінгі балалардың коммуникативтік дағдыларын дамыту» тақырыбында облыстық семинар өтті.
Іс-шарада педагогтердің инклюзивті білім беру саласындағы нормативтік-құқықтық құжаттарды орындауы бойынша әдістемелік ұсынымдар, балалардың коммуникативтік қабілетін дамыту мақсатында ойын элементтерін қолданудың тиімділігі, түзете- дамыту жұмыстарын ұйымдастыру, нейросенсорика жаттығулары арқылы коммуникативті дағдыларды дамыту, заттық іс-әрекет арқылы қарым-қатынас дағдыларын қалыптастыру, баланың дамуы мен таным қабілеттерін арттыру әдістемелері бойынша тәжірибе алмасты.

МЕКТЕПКЕ ДЕЙІНГІ ҰЙЫМНЫҢ ТӘРБИЕШІЛЕРІНЕ АРНАЛҒАН СЕМИНАР-ПРАКТИКУМ ӨТТІ

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 3 сәуір күні мектепке дейінгі ұйымның тәрбиешілеріне арналған «Мектепке дейінгі ұйымдарда ата-аналармен жұмысты ұйымдастыру» тақырыбында облыстық семинар-практикум өтті.
Аталған іс-шараға аудандық (қалалық) мектепке дейінгі ұйымның тәрбиешілеріне, барлығы 220 педагог қатысты.
Іс-шара барысында бала тәрбиесіндегі отбасының рөлі және балабақша мен отбасы арасындағы қарым-қатынасты жетілдіру жұмыстары және мектепке дейінгі ұйымдардағы балалардың қауіпсіздігін қамтамасыз ету бағдарламасының ерекшеліктері жайлы толық мағлұмат алып, электронды дидактикалық таратпалы материалдармен қамтамасыз етілді.

«Қаныш Имантайұлы Сәтбаевтың дара тұлғасы» тақырыбында облыстық дәріс сағаты өтті

2024 жылдың 2 сәуір күні облыстық оқу-әдістемелік орталығының ұйымдастыруымен Қаныш Имантайұлы Сәтбаевтың 125 жылдығына орай Қазақ КСР Ғылым академиясын ұйымдастырушы және тұңғыш президенті, профессор, академик Қаныш Сәтбаевтың өмір жолы мен еңбектерін насихаттау мақсатында білім беру мекемелерінің 9-11 сынып білім алушыларына арналған «Қаныш Имантайұлы Сәтбаевтың дара тұлғасы» тақырыбында облыстық дәріс сағаты өтті.
Дәріс сағаты барысында білім алушыларға геолог-ғалым, геология-минералогия ғылымдарының докторы, профессор, академик Қаныш Сәтбаевтың өмір жолы мен қызметі, Қазақстанның дамуына қосқан үлесі, ғылыми еңбектері, мұрасы туралы тың деректер берілді.
Іс-шараға облыс аудандары мен Тараз қаласының білім беру мекемелерінің 9-11 сынып білім алушылары, барлығы 67 педагог, 4534 білім алушы қатысты.