«Подходы к оцениванию учебных достижений учащихся» тақырыбында облыстық семинар-практикум өтті

Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2018 жылдың 30 қараша күні  Тараз қаласы А.С.Пушкин атындағы №41 көпсалалы гимназиясының  базасында  «Подходы к оцениванию учебных достижений учащихся» тақырыбында бастауыш сынып мұғалімдері мен аудандық  білім бөлімдерінің әдіскерлеріне арналған облыстық семинар-практикум өтті.

Аталған іс-шараға  78  педагог  қатысты.

Іс-шара  барысында бастауыш сынып мұғалімдеріне жаңартылған білім беру бағдарламасының тәжірибеде қолдану барысы бойынша 2 сыныптардың математика, орыс тілі, әдебиеттік оқу, дүниетану, жаратылыстану, көркем еңбек пәндерінен ашық сабақтар ұйымдастырылды. Сондай-ақ сабақтың мақсаты бойынша бағалау критерийлерін құру, бағалау критерийлерінің негізінде тапсырмаларды таңдау, тапсырманың мазмұнына сәйкес дескриптор құру, оқытудың белсенді әдістері,  қалыптастырушы  бағалау  мен кері байланысты жүргізудің тиімді жолдары, сабақтағы оқушы рефлексиясы және сабақтан кейінгі мұғалімнің  рефлексиясы  бойынша   жұмыс түрлері  ұсынылды.

Семинардың соңында  мұғалімдер өздерін толғандырып жүрген сұрақтарға нақты жауап алды.

«Жазғы мектеп» жобасы аясында орыс тілі пәнінің мұғалімдеріне онлайн режимінде шеберлік сыныптары өтті

2018 жылдың 28 қарашасында zhambul_obl_metod бөлмесінде облыстық  дарынды ер балаларға арналған мамандандырылған    «Білім–Инновация» мектеп-интернатының озық тәжірибелі мұғалімдері

«Коммуникативная методика преподавания русского языка»,  «Пути совершенствования преподавания русского языка в школах с казахским языком обучения в рамках обновления содержания среднего образования» тақырыптарында орыс тілі пәнінің мұғалімдеріне арналған онлайн режимінде шеберлік сыныптарын өткізді. Аталған іс-шараға облыстың  355 педагогі қамтылды.

Мектеп басшыларына арналған облыстық семинар-тренинг өтті

Облыстық білім басқармасының ұйымдастыруымен 2018 жылдың 28 қарашасында №30 мектеп-гимназияның базасында «Bilim Media Croup – интерактивті білім беруді ұсынатын «BilimLand.kz» электронды білім беру контенті» атты облыстық семинар-тренинг өтті.

Облыстық семинар-тренингке облыстық, аудандық, Тараз қалалық әдістемелік кабинет меңгерушілері мен әдіскерлер, мектеп директорлары, директордың орынбасарлары, барлығы 362 педагог қатысты.

          Іс-шараға қатысушылар Bilim Media Croup – интерактивті білім беруді ұсынатын «BilimLand.kz», «imektep.kz», «iTest.kz» электронды білім беру контенттерінің жұмыс жүйесімен танысып, оқытуда сандық технологияны қолданудың ерекшеліктері мен тиімді жолдары бойынша әдістемелік көмектер алды.

Облыстық «Oqy, tap» онлайн байқауы өтті

Жамбыл облысы әкімдігінің білім басқармасының ұйымдастыруымен 2018 жылдың 27 қараша күні Елбасы Н.Ә.Назарбаевтың «Рухани жаңғыру» бағдарламасын жүзеге асыру аясында 5-11 сынып оқушылары арасында облыстық «Oqy, tap» онлайн байқауы өткізілді.

Байқаудың көркем шығармадан алынған үзіндіні табу кезеңінде оқушылар көркем шығарманың авторын, үзіндінің қай тараудан алынғанын нақты көрсете білді. Көркем шығарма бойынша қойылған сұрақтарға жауап беру кезеңінде берілген шығарманың композициясы бойынша сұрақтарға жауап берді. Үшінші кезеңде оқушылар алынған көркем шығарманың негізінде эссе жазды.

Байқауға тіркелген қатысушылар саны - 1560, соның ішінде                     І кезеңге 546 қатысушы, ІІ кезеңге - 228 қатысушы қатысты. ІІІ кезеңге           193 қатысушы өтті.

Байқау қорытындысы бойынша 14 оқушы жүлделі орындарға ие болып, облыстық білім басқармасының бағалы сыйлықтармен және дипломдармен, алғыс хаттармен марапатталды. Сонымен қатар, оқушылары белсене қатысқан Байзақ ауданы, Сарыкемер мектеп-гимназиясының, Меркі ауданы, №14 М.Жылысбаев атындағы орта мектебінің директорлары алғыс хаттарға ие болды.

Байқау қатысушыларына арналған «Көне Тараз» тарихи-мәдени орталығына экскурсия  ұйымдастырылды.