Халықаралық зерттеулер

ОБЛЫСТЫҚ ТӘЖІРИБЕЛІК СЕМИНАР ӨТТІ

Қашықтан оқыту жағдайында мектепті басқару жүйесінің сапалы ұйымдастырылуы, білім сапасын арттырудың тиімді жолдары бойынша әдістемелік көмектер көрсету, жас мектеп басшыларының басқару мәдениетін дамыту, ақпараттық-әдістемелік қолдау көрсету мақсатында 2021 жылдың 3 наурызында «Қашықтықтан оқыту жағдайында мектепті дамыту жоспарын сапаға бағыттау жолдары» атты облыстық онлайн тәжірибелік семинар өтті.

Тәжірибелік онлайн семинарға мектеп басшыларымен жұмыс жүргізетін жауапты әдіскерлер, жаңа тағайындалған мектеп директорлары, барлығы 160 адам қатысты.

Іс-шара барысында мектеп басшыларына білім мекемесінің даму жоспарының диагностикалық талдауының тиімді жүргізілуі, мектептің басымдықтарын анықтау жолдары, педагог қызметкерлердің кәсіптік тұлғалық ерекшеліктері және білім беру ұйымы қызметінің аспектілері мен бағыттарының толық қамтылу жолдары, креативті жобаларды қолдану арқылы білім сапасын жақсарту, фунционалдық міндеттерді бөлу және командалық жұмысты ұйымдастыру дағдысын дамыту жолдарын нәтижеге бағыттау туралы, сондай-ақ, Меркі ауданы, Т.Қожакеев атындағы №39 мектеп-гимназиясының қашықтан оқыту жағдайында мектепті дамыту жоспарының ерекшеліктері және мекемені басқаруды жүйелі ұйымдастыру жолдарымен тәжірибе алмасып, тәжірибелік семинарға қатысушыларға ақпараттық-әдістемелік көмектер ұсынылды.

«Бастауыш сыныптарда TIMSS, PIRLS халықаралық зерттеулері негізінде функционалдық сауаттылықты жүзеге асырудың өзекті мәселелері» тақырыбында облыстық семинар-практикум өтті

Жамбыл облысы әкімдігі білім басқармасының оқу-әдістемелік кабинеті 2021 жылдың 2 наурыз күні аудандық (қалалық) білім бөлімдерінің жауапты әдіскерлері мен бастауыш сынып мұғалімдері үшін «Бастауыш сыныптарда TIMSS, PIRLS халықаралық зерттеулері негізінде функционалдық сауаттылықты жүзеге асырудың өзекті мәселелері» тақырыбында облыстық семинар-практикум өтті. «Zооm» бейнебайланыс режимінде өткен іс-шараға 300 педагог қатысты.

Семинар қатысушылары TIMSS, PIRLS халықаралық зерттеулеріннің нәтижелері мен дайындық жұмыстары, зерттеу тапсырмаларының ерекшеліктері, бастауыш сынып оқушыларының функционалдық сауаттылығын дамыту бойынша жүргізілетін жұмыс түрлері бойынша тәжірибе алмасты.

«Идеи, воплощенные в опыт: современные подходы в работе с одарёнными детьми» тақырыбында облыстық шеберлік сынып өтті

2021 жылдың 26 ақпанында «Үздік педагог шеберханасы: Ізденіс. Тәжірибе. Нәтиже» жобасының аясында «Үздік педагог-2014» байқауының жеңімпазы, Тараз қаласы №31 орта мектебінің технология пәнінің мұғалімі Андрей Михайлович Сонның «Идеи, воплощенные в опыт: современные подходы в работе с одарёнными детьми» тақырыбында облыстық шеберлік сыныбы өткізілді.

Іс-шара барысында А.Сон «Менің жүрегімнің мектебі» бейнетаспасымен, педагогикалық портфолиосының мазмұнымен таныстырып, «Технология пәні бойынша сыныптан тыс және сабақ барысында оқушылардың функционалдық сауаттылығын дамыту» тақырыбындағы зерттеу жұмысымен таныстырды. Сонымен қатар, «Мектептің ұжымдық радиостанциясы» атты әлеуметтік жобасымен, үйірме мүшелерімен ТМД – нің көп елдерінде және шетелдерде радиоқұмарлармен алты мыңнан астам радиобайланыс сеансын өткізу тәжірибесін ұсынды.

Іс-шараға облыс аудандары мен Тараз қалалық білім бөлімдері мен облыстық білім басқармасына қарасты мекемелердің республикалық «Үздік педагог» байқауының жеңімпаздары, әдістемелік кабинеттің меңгерушілері мен әдіскерлері, мектеп директорлары мен директордың ғылыми-әдістемелік, оқу ісі жөніндегі орынбасарлары, озық тәжірибелі педагогтар, жалпы 217 педагог қатысты.

«Оқушылардың функционалдық сауаттылығын дамытуда PISA, TIMSS тапсырмаларының өзектілігі мен ерекшеліктері» математика, физика пәндерінің мұғалімдеріне онлайн режимінде семинар-практикум өтті.

2021 жылдың 1 наурыз күні облыстық оқу-әдістемелік кабинетінің ұйымдастыруымен ZOOM бейнебайланыс режимінде аудандар мен Тараз қалалық білім бөлімдерінің әдіскерлері, математика, физика пәндері мұғалімдеріне арналған «Оқушылардың функционалдық сауаттылығын дамытуда PISA, TIMSS тапсырмаларының өзектілігі мен ерекшеліктері» тақырыбында семинар-практикум өтті.

Семинар барысында оқушылардың функционалдық сауаттылығын дамытуда халықаралық зерттеу тапсырмаларының өзектілігі, құрылымы мен ерекшеліктері, PISA, TIMSS тапсырмаларын сабақ барысында тиімді қолдану, есептерін шығару жолдарының түрлі тәсілдерін көрсету бойынша ұсынымдар берілді. Әдістемелік көмек беріліп, педагогтар өзара тәжірибе алмасты.

Жамбыл облысы әкімдігі білім басқармасының оқу-әдістемелік кабинетінің ұйымдастыруымен даналықтың жауһары, даралықтың тарланы, ХХ ғасырдың Гомері атанған Жамбыл Жабаевтың 175 жылдық мерейтойына орай, өмір жолын, шығармаларын насихаттау, еңбектерін зерттеу мақсатында «Жамбылдың ақындық мұрасы және жамбылтанудың өзекті мәселелері» тақырыбындағы қазақ тілі мен әдебиеті пәнінің мұғалімдеріне арналған облыстық онлайн ғылыми-практикалық конференция өтті.

Іс-шараға М.Х.Дулати атындағы Тараз өңірлік университетінің «Филология және журналистика» кафедрасының доценті, филология ғылымдарының кандидаты Мұқашев Темірбай Әлиұлы, «Қазақ тілі мен әдебиеті» кафедрасының доценті, филология ғылымдарының кандидаты Саламатова Рахат Маханбетжанқызы қатысып, Жамбыл Жабаевтың ақындық шеберлігі мен өзіндік ерекшелігін ашып көрсетті. Өлеңдеріне әдеби талдау жасай отырып, оқушыларды әсемдікке, елжандылыққа тәрбиелеу қажеттігіне тоқталды.

Облысымыздың тәжірибелі ұстаздары Жамбыл жырлары арқылы оқушыларға патриоттық тәрбие берудің негіздерін атап көрсетіп, ақын поэмалары мен өлеңдеріндегі қанатты, бейнелі сөздерін кеңінен насихаттады.

Облыстық ғылыми-практикалық конференцияға аудандар мен Тараз қалалық білім бөлімдерінен 297 педагог қатысты.