Облыстық онлайн семинар өтті

2019 жылдың 14 наурыз күні жалпы орта білім беретін мектеп директорларының оқу ісі жөніндегі орынбасарларына білім беру ұйымдарында оқушылардың оқу жетістіктерін сырттай бағалауға (ОЖСБ) дайындаудың сапасын арттыру мақсатында «Білім мекемелерінде ОЖСБ-ға дайындық жұмыстарының деңгейін арттыру жолдары» тақырыбында облыстық онлайн семинары өтті.

Семинарға 329 мектеп директорының оқу ісі жөніндегі орынбасарлары қатысты.

Облыстық онлайн семинар барысында білім мекемелерінде ОЖСБ өткізу тәртібі, ОЖСБ тапсырудың талаптары мен ережелері туралы жан-жақты ақпараттар берілді.

«ОЖСБ-ға дайындық кезінде өзін-өзі реттеу және психологиялық қолдаудың элементтері» және «Аутодеструктивті мінез-құлықтың туындау себептері мен болдырмаудың алдын алу алгоритмі»  тақырыптарында онлайн  режимінде облыстық семинар-тренинг өтті 

2019 жылдың 12 наурыз күні «Zambil_Obl_Metod» бөлмесі  www.sabak.kz сайтында білім беру ұйымдарының педагог-психологтарына әдістемелік көмек көрсету және тәжірибелік тұрғыда кәсіби шеберлігін арттыру мақсатында «ОЖСБ-ға дайындық кезінде өзін-өзі реттеу және психологиялық қолдаудың элементтері» және «Аутодеструктивті мінез-құлықтың туындау себептері мен болдырмаудың алдын алу алгоритмі»  тақырыптарында онлайн режимінде облыстық семинар-тренинг өткізілді, барлығы  384 педагог-психолог қатысты.

Іс-шара барысында ОЖСБ-ға дайындық кезеңінде оқушыларға психологиялық көмек көрсетуде іс-әрекет стратегиялары мен тактикалары  бойынша жаттығулар, сенімділіктерін күшейту, стресске қарсы тұру және эмоциялық ерік сферасын дамыту  мәселелері  бойынша көптеген кеңестер берілді.

Сондай-ақ, семинар-тренингке  қатысушылар аутодеструктивті мінез-құлықтың  алдын алу бағытында  әдістемелік көмектер алды, тиімді әдіс-тәсілдері жайлы ой бөлісті, тәжірибе алмасты және таратпалы материалдармен  қамтамасыз  етілді.

Әдістемелік десанттар өтті

Педагогтарға әдістемелік көмек көрсету және білім беру ұйымдарында білім сапасын арттыру мақсатында 2019 жылдың 12 наурыз күні Жамбыл, Қордай, Меркі, Мойынқұм, Т.Рысқұлов, Сарысу, Талас аудандары мен Тараз қалалық әдістемелік кабинеттері әдістемелік десанттар өткізді.

Іс-шара барысында мектеп директорлары, мектеп директорының орынбасарлары, пән мұғалімдері, барлығы 325 педагогқа әдістемелік көмектер көрсетілді.

Әдістемелік десантта әдіскерлер мен озық тәжірибелі мұғалімдер сабақтарға қатысып, әдіс-тәсілдерді тиімді қолдану бойынша әдістемелік көмек көрсетті. Білім сапасын арттыру жұмыстарын жүйелі ұйымдастыруға бағытталған панорамалық сабақтар, шеберлік сыныптарын өткізді.

Облыстық «Б.Майлиннің шығармашылығын зерттеудің заманауи жолдары мен жаңа көзқарастар» тақырыбында 8-11 сынып оқушылары арасында ғылыми жоба байқауы өтті

Жамбыл облысы әкімдігінің білім басқармасының оқу-әдістемелік кабинетінің ұйымдастыруымен оқушылардың әдеби сауаттылығы мен таным-түсінігін қалыптастыру, зерттеу жұмыстарына қызығушылық танытқан қабілетті және дарынды оқушыларды анықтау және оларға қолдау көрсету мақсатында 2019 жылдың 12 наурызында 8-11 сынып оқушылары арасында «Б.Майлиннің шығармашылығын зерттеудің заманауи жолдары мен жаңа көзқарастар» атты ғылыми жоба байқауы өткізілді.

Облыс бойынша аудандық (қалалық) білім бөлімдері мен облыстық білім басқармасына қарасты білім мекемелерінен  12 оқушы қатысты.

Үздік деп танылған оқушылар I, II, III дәрежелі дипломдармен  марапатталды.