ШЖМ нормативтік-құқықтық қамтамасыз ету

«Жасөспірім шақтағы оқушылармен жүргізілетін психодиагностикалық бағыттың маңыздылығы мен инновациялық тәсілдері» тақырыбында облыстық шеберхана жұмысы өтті

Жамбыл облысы әкімдігінің білім басқармасының оқу-әдістемелік орталығының ұйымдастыруымен 2023 жылдың 27 қыркүйек күні аудандық, Тараз қалалық білім бөлімдерінің әдіскерлеріне, педагог-психологтар мен әлеуметтік педагогтерге арналған «Жасөспірім шақтағы оқушылармен жүргізілетін психодиагностикалық бағыттың маңыздылығы мен инновациялық тәсілдері» тақырыбында облыстық шеберлік зертхана жұмысы өткізілді, барлығы 88 педагог қатысты.
Іс-шара барысында Талас ауданының педагог-психологтарының "Жасөспірім шақтағы білім алушылармен жүргізілетін психодиагностикалық бағыттың маңыздылығы", "Жасөспірімнің құндылықтары мен моральдық нормалар жүйесін талдау", "Сиқырлы сезімдер елі" тесті", " Жасөспірімдердің бойындағы үрейлену, қорқыныш және депрессия деңгейін анықтауға арналған әдістемелер", "Білім алушылардың тұлғалық ерекшеліктерін диагностикалау" (жасөспірімдердің компьютерге, ғаламторға тәуелділігін диагностикалау), "Арттерапия әдістерін қолдана отырып оқушылардың тұлғалық мінез ерекшеліктері мен интеллектуалдық білімдерін анықтау", "Жасөспірімдермен жүргізілетін психодиагностикалық жұмыстарды инновациялаудың тиімділігі", "Жасөспірімдердің отбасылық климатын психологиялық зерттеу" тақырыптарындағы баяндамалар тыңдалды. Мамандар шеберхана жұмысында өз іс-тәжірибелерімен бөлісті. Қатысушылар білім беру ұйымдарында психодиагностикалық бағыт бойынша мектепте жүргізілетін әдістемелерді қолдану және психологиялық қызметтегі анықтау бағытындағы жұмыстарды тиімді ұйымдастыру бойынша әдістемелік көмек алды.

Облыс педагогтері «Европа - Азия» атты республикалық туристік фестивалінде жеңімпаз атанды.

2023 жылдың 21-23 қыркүйек күндері Батыс Қазақстан облысы, Орал қаласында «Европа-Азия» Республикалық туристік фестивалі өтті.
Фестивальдің мақсаты - педагогтердің туристік және кәсіби шеберліктерін шыңдау, қазақстандық патриотизмді қалыптастыру, білім қызметкерлері арасында туристік-өлкетану қызметі бойынша озық тәжірибені айқындау және насихаттау.
Аталған іс-шараға облыстан 6 педагогтен құралған 1 команда қатысты.
«Техникалық» қашықтығы («А», «В» тобы), - «Байлам» қашықтығы («А», «В» тобы), - «Өткелдер» қашықтығы («А», «В» тобы), - «Спорттық лабиринт» қашықтығы, - «Фрироуп» қашықтығы («Б» тобы), - «Жеке» қашықтық («А» тобы).
Республикалық фестивальде Жамбыл облысы педагогтерінің командасы «Спорттық лабиринт» қашықтығы бойынша III орынды, футбол ойынында I орынды, волейбол ойынында III орынды иеленді.
Педагогтер командасын жеңістерімен құттықтаймыз.

«М.Жұмабаев шығармалары мен әдеби мұраларын талдаудағы жаңашылдық» атты республикалық дөңгелек үстелі өтті

Жамбыл облысы әкімдігінің білім басқармасы оқу-әдістемелік орталығының ұйымдастыруымен 2023 жылы 26 қыркүйегінде «М.Жұмабаев шығармалары мен әдеби мұраларын талдаудағы жаңашылдық» атты республикалық дөңгелек үстелі өткізілді.
Іс-шараның мақсаты – ақын шығармаларын насихаттауды жандандыру, шығармашылық мұрасын оқыту барысында жас ұрпақты отансүйгіштікке, еңбекқорлыққа, ұлттық құндылықтарды құрметтеуге тәрбиелеу.
Республикалық дөңгелек үстелінің спикері Шымкент қаласы, №133 жалпы орта білім беретін мектебінің қазақ тілі мен әдебиеті пәнінің мұғалімі Жақып Гүлдана Хабибуллақызы «М.Жұмабаев шығармаларындағы түркішілдік сарын» тақырыбында ой бөлісіп, танымдық сипатына талдау жасады. Іс-шара барысында облысымыздың тәжірибелі педагогтері Мағжанның қазақ лирикасындағы орны, ақынның еңбектеріндегі жалпыадамзаттық құндылықтарға, гуманистік, демократтық көзқарастарына шолу жасады.
Мағжан педагогикасының бүгінгі білім беру жүйесімен байланысының маңыздылығы және поэмаларындағы ұрпақтар сабақтастығы, өлеңдеріндегі патриотизм мен жаңаша көзқарас тұрғысынан ой бөлісті. Солтүстік Қазақстан облысы, Мағжан Жұмабаев ауданы, Сарытомар ауылындағы «Мағжан Жұмабаев мұражайына» онлайн саяхат жасалды.
Республикалық дөңгелек үстеліне 275 (62 педагог оффлайн, 213 педагог онлайн) қазақ тілі мен әдебиеті пәнінің мұғалімдері қатысты.
#Мағжан130

«Балаларды адамгершілік-жыныстық тәрбиелеу, репродуктивті денсаулығын нығайту және құқықтық тәрбие беру» тақырыбында облыстық шеберхана жұмысы өтті

Жамбыл облысы әкімдігінің білім басқармасының оқу-әдістемелік орталығының ұйымдастыруымен 2023 жылдың 26 қыркүйек күні аудандық, Тараз қалалық білім бөлімдерінің әдіскерлеріне, педагог-психологтар мен әлеуметтік педагогтерге арналған «Балаларды адамгершілік-жыныстық тәрбиелеу, репродуктивті денсаулығын нығайту және құқықтық тәрбие беру» тақырыбында облыстық шеберлік зертхана жұмысы өткізілді, барлығы 121 педагог қатысты.
Іс-шара барысында Тараз қаласының педагог-психологтарының «Репродуктивті денсаулықтың алдын алу бойынша мектептегі жұмыстарды ұйымдастыру», «Жасөспірімдердің репродуктивті денсаулығы және ерте жүктіліктің алдын-алу іс шаралары», «Репродуктивті денсаулықтың алдын алу барысындағы психологиялық анықтау және түзету жұмыстары», «Социально-психологическая работа по профилактике репродуктивного здоровья подростков», «Репродуктивтік саулықты сақтау мен өзін - өзі сақтау дағдылары» тақырыптарындағы баяндамалар тыңдалды. Мамандар ойын, тренингтер жүргізіп, өз іс-тәжірибелерімен бөлісті. Қатысушылар білім беру ұйымдарында репродуктивті денсаулықтың алдын алу бағыты бойынша мектепте жүргізілетін жұмыстарды тиімді ұйымдастыру бойынша әдістемелік көмек алды.

ЫНТЫМАҚ, БІРЛІК, КЕЛІСІМ – ЕЛ ТҰРАҚТЫЛЫҒЫНЫҢ НЕГІЗІ» тақырыбында облыстық вебинар өтті

2023 жылдың 22 қыркүйек күні облыстық оқу-әдістемелік орталығы мен Қордай аудандық білім бөлімінің ұйымдастыруымен этносаралық қатынастар саласындағы кешенді тәсілді қамтамасыз ету жөніндегі 2023 жылға арналған ведомствоаралық жоспарға сәйкес, өзге ұлт өкілдерінің қатысуымен Қордай ауданының педагогтері мен 9-11 сынып оқушыларына арналған облыстық вебинар өтті.
Вебинар барысында педагогтер мен білім алушылар арасында толерантты көзқарасты қалыптастыру, түрлі мәдениеттер мен полиэтникалық қазақстандық қоғамдастық тарихына құрмет көрсету бойынша ой-пікірлер айтылды.
Іс-шараға барлығы 44 педагог, 500 оқушы қатысты.