БАСТАУЫШ СЫНЫП МҰҒАЛІМДЕРІ ҮШІН ТАМЫЗ КЕҢЕСІНІҢ СЕКЦИЯ ОТЫРЫСЫ ӨТТІ 

Жамбыл облысы әкімдігі білім басқармасының оқу-әдістемелік орталығы 2024 жылдың 12 тамыз күні «Бастауыш мектепте оқушылардың кең ауқымды дағдыларын қалыптастыру жолдары» тақырыбында жалпы орта білім беретін мектептердің бастауыш сынып мұғалімдеріне арналған Тамыз кеңесінің секция отырысы өтті. Іс-шара барысында бастауыш сынып мұғалімдеріне 2024-2025 оқу жылында білім беруді ұйымдастыру ерекшеліктері мен басшылыққа алынатын нормативтік құқықтық актілер, 1-4-сыныптардың оқу пәндерінің мазмұны мен апталық оқу жүктемесі, ішкі және сыртқы бағалау ерекшеліктері, жасанды интеллект мүмкіндіктері мен ЖИ арқылы ұсынылатын тапсырмалар түрлері, функционалдық сауаттылық пен STEAM білім берудің артықшылықтары мен іске асыру жолдары бойынша түсіндірме жұмыстары жүргізілді. Аталған іс-шараға 1328 педагог қатысты.

Тарих пәнінің мұғалімдеріне арналған секция отырысы өтті 

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 9 тамыз күні «Тарих пәнін оқытуда цифрлық технологияларды қолданудың теориялық және практикалық тиімділігі» тақырыбында аудандар мен Тараз қалалық білім бөлімдерінің әдіскерлері, тарих пәнінің мұғалімдеріне арналған секция отырысы өтті. Іс-шара барысында 2024-2025 оқу жылында жалпы орта білім беретін мектептерде білім беру процесін ұйымдастырудың ерекшеліктері, жалпыға міндетті білім беру стандарты, нормативтік құқықтық актілер, тарих пәнін оқытуда ұлттық құндылықтарды қалыптастыру, пәнді оқытуда оқушылардың оқу сауаттылығын қалыптастыруда цифрландырудың маңызы, жасанды интеллект мүмкіндіктері, оқу үрдісінде цифрлық технологияларды қолдану, білім алушылардың цифрлық дағдылары мен құзыреттерін дамыту бойынша әдістемелік ұсынымдар берілді. Іс-шараға аудандар мен Тараз қаласынан 11 әдіскер, 293 тарих пәнінің мұғалімі, барлығы 304 педагог қатысты.

Орыс тілі мен әдебиеті пәнінің мұғалімдеріне арналған секция отырысы өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 12 тамыз күні «Основные подходы к преподаванию русского языка и литературы и задачи на новый учебный год» тақырыбында аудандар мен Тараз қалалық білім бөлімдерінің әдіскерлері, орыс тілі мен әдебиеті пәнінің мұғалімдеріне арналған секция отырысы өтті. Іс-шара барысында «Искусственный интеллект как эффективное средство организации учебного процесса на уроках русского языка и литературы», «Читательский клуб» как средство формирования функциональной грамотности» тақырыптарында баяндамалар жасалды. Алдағы 2024-2025 оқу жылында жалпы орта білім беру ұйымдарында білім беру процесін ұйымдастырудың ерекшеліктері, жалпыға міндетті білім беру стандарты, оқу пәніне байланысты енгізілген өзгерістер мен толықтырулар, орыс тілі мен әдебиеті сабақтарында жасанды интеллектіні қолдану, оқушылардың функционалдық сатуаттылығын дамыту бойынша әдістемелік ұсынымдар берілді. Іс-шараға аудандар мен Тараз қаласынан 11 әдіскер, 310 орыс тілі мен әдебиеті пәнінің мұғалімі, барлығы 321 педагог қатысты.

Ағылшын тілі пәнінің мұғалімдері үшін әдістемелік секция отырысы өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 9 тамыз күні аудандар мен Тараз қалалық білім бөлімдерінің әдіскерлері мен ағылшын тілі пәнінің мұғалімдеріне 2024-2025 оқу жылында оқу-тәрбие процесін ұйымдастыруға қатысты мәселелер, соның ішінде жалпыға міндетті білім беру стандартындағы оқу пәніне байланысты енгізілген өзгерістер мен толықтырулар, ағылшын тілі пәнін оқыту арқылы оқушылардың функционалдық сауаттылығын арттыруда «Жасанды интеллектінің» маңыздылығы мен біртұтас тәрбие бағдарламасын талқылау, пәндер бойынша оқу бағдарламаларының оқыту мақсаттарын пысықтау, ерекше білім беруді қажет ететін оқушылармен жұмысты пысықтау мақсатында «Ағылшын тілі пәнін оқытуда цифрлық білім беру ресурстарын қолдану арқылы оқушылардың функционалдық сауаттылығын арттыру» атты әдістемелік секция отырысы өтті. Әдістемелік сессия отырысында «Ағылшын тілі пәнін оқытуда цифрлық білім беру ресурстарын қолдану арқылы оқушылардың функционалдық сауаттылығын арттыру» әдістемелік нұсқау хат бойынша түсіндірме жұмыстары жүргізілді. Пән мұғалімдеріне ақпараттық-әдістемелік көмек көрсетілді. Аталған іс-шараға барлығы 1160 педагог қатысты.