«География пәнінен ҰБТ- да кездесетін күрделі тест тапсырмаларымен жұмыс» тақырыбындағы география пәні мұғалімдеріне арналған шеберлік сынып өтті.

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 18 наурыз күні «География пәнінен ҰБТ- да кездесетін күрделі тест тапсырмаларымен жұмыс» тақырыбында география пәні мұғалімдеріне арналған семинар өтті.
Облыстық іс-шара барысында география пәні мұғалімдеріне ҰБТ -ға дайындауда кездесетін қиындығы жоғары есептердің шығарылу жолдары көрсетілді.
Аталған іс-шараға барлығы 172 педагог қатысты.

«СабақTime» жобасы аясында «Қазақ тілі» пәнін меңгеруде тілдік дағдыларды дамыту ерекшеліктері» атты облыстық ашық сабақтар циклы өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 18 ақпан күні қазақ тілі мен әдебиеті пәнінің тәжірибелі педагогтері Тараз қаласы №36 орта мектебінің 8-10 сыныптарында ашық сабақтар өткізді.
Іс-шараның теориялық бөлімінде заманауи әдістемелер мен тиімді педагогикалық технологиялар, білім берудің сапасын арттыруда ақпараттық-коммуникативтік технологияларды пайдаланудың тиімділігі, оқушылардың оқу сауаттылығын арттырудың тиімді жолдары сөз етілді.
Іс-шара барысында педагогтер ашық сабақ үлгілерін көрсетіп, оқыту үдерісінде оқушылардың функционалдық сауаттылығын арттыру жолдары бойынша тәжірибе алмасты.
Білім берудің сапасын арттыруда ақпараттық-коммуникативтік технологияларды тиімді пайдалану жолдарын таныстырып, пән мұғалімдеріне ақпараттық-әдістемелік көмек көрсетілді.
Кәсіби біліктілігі жоғары педагогтер Байзақ ауданы, Бурыл орта мектебінің қазақ тілі мен әдебиеті пәнінің мұғалімі М.Жұмаділова 9-сыныпқа «Ғаламтор желісінің мүмкіндіктері», Шу ауданы, Жібек жолы мектеп-лицейінің қазақ тілі мен әдебиеті пәнінің мұғалімі Л.Адамбекова, Б.Бесбаев атындағы мектеп-гимназиясының қазақ тілі мен әдебиеті пәнінің мұғалімі Г.Жаппарова 9-сыныпқа Ф.Оңғарсынова «Өлең, мен сені аялап өтемін!», Жуалы ауданы, №27 Диқан орта мектебінің қазақ тілі мен әдебиеті пәнінің мұғалімі Р.Момбаева 8-сыныпқа «Жасөспірім мінезінің қалыптасауы», Тараз қаласы, Төле би атындағы №8 гимназиясының қазақ тілі мен әдебиеті пәнінің мұғалімі Г.Телбаева 8-сыныпқа «Жасөспірімдердің бос уақытын тиімді пайдалануы», Меркі ауданы, №2 Аспара жалпы орта білім беретін мектебінің қазақ тілі мен әдебиеті пәнінің мұғалімі М.Мұсаева, Жамбыл ауданы, Гродеково орта мектебінің қазақ тілі мен әдебиеті пәнінің мұғалімі М.Байназарова 10-сыныпқа Оразақын Асқар «Шетте жүрген бауырларға» өлеңі, Қордай ауданы, М.Жұмабаев атындағы орта мектебінің қазақ тілі мен әдебиеті пәнінің мұғалімі Қ.Ахметова 8-сыныпқа «Отбасындағы тәрбие-жасөспірім үшін заң» тақырыптарында ашық сабақтар өтті.

Қыз бала тәрбиесіндегі құндылықтар жүйесі» тақырыбында облыстық тәжірибелік семинар өтті

Жамбыл облысы әкімдігінің білім басқармасының оқу-әдістемелік орталығында 2024 жылдың 18 наурыз күні аудандық, Тараз қалалық психолог әдіскерлері, білім беру ұйымдарының педагог-психологтары мен әлеуметтік педагогтеріне арналған «Қыз бала тәрбиесіндегі құндылықтар жүйесі» тақырыбында тәжірибелік семинар өткізілді.
Іс-шара барысында Тараз қаласының педагог-психологтары «Қыз бала тәрбиесіндегі құндылық бағдар жүйесі», «Қыз – өмірдің қызғалдағы», «Қазақ зиялыларының қыз бала тәрбиесі жайлы көзқарастары мен қазіргі жай-күйі арасындағы сабақтастық мәселелері», «Қыз қылығымен», «Қыз тәрбиесі – ұлт тәрбиесі», «Ана тәрбиесі – қыз балаға үлгі», «Қыз баланың шекараларын белгілеуге арналған ойын-жаттығулар» тақырыптарында өз іс-тәжірибелерімен бөлісті.
Семинарда қазақ зиялаларының қыз бала тәрбиесіне қатысты нақыл сөздері мен қазіргі қыз балалардың тәлім-тәрбиесі мен бей-жайы кеңінен талқыланды. Қыз баланың тұлғалық жетілуі мен құндылық бағдар жүйесін дұрыс қалыптастыру мақсатында озық іс-тәжірибелер ортаға салынды. Қатысушыларға білім беру ұйымында қыз балаға қатысты репродуктивтік денсаулық, жыныстық тиіспеушілік, тұлғалық жеке шекара туралы әдістемелік көмек көрсетілді.
Аталған іс-шараға 100 педагог қатысты.

«Музей мен тарихи орындарда тарих сабақтарын ұйымдастыру: Ізденіс.Тәжірибе» тақырыбында облыстық семинар-практикум өтті

2024 жылдың 15 наурыз күні облыстық оқу-әдістемелік орталығының ұйымдастыруымен «Музейде бір күн» жобасы аясында аудандар мен Тараз қалалық білім бөлімдерінің әдіскерлері, тарих пәні мұғалімдеріне арналған «Музей мен тарихи орындарда тарих сабақтарын ұйымдастыру: Ізденіс.Тәжірибе» тақырыбында облыстық семинар-практикум өтті.
Іс-шараның мақсаты – «Ұлттық рухани жаңғыру» ұлттық жобасы аясында өлкетану бағытындағы білім беру жүйесін жетілдіру және жеке тұлғаны тәрбиелеуде рухани-адамгершілік құндылықтарды қалыптастырудағы өлкетану компонентінің маңыздылығы мен рөлін озық тәжірибелер арқылы насихаттау, тәжірибе алмасу.
Семинар-практикум барысында педагогтерге «Музейде бір күн» жобасының өзектілігі мен перспективалары, облыстың тарихи және қасиетті орындары, облыстық тарихи-өлкетану музейінің ғылыми-ағартушылық жұмыстары, тарих және өлкетану сабақтарында ашық аспан астындағы музейдің рөлі, өлкетану сабақтарында цифрлық қосымшаларды қолданудың ерекшеліктері, тұлғатану сағаттары мен ғылыми-ізденіс жұмыстарын ұйымдастырудың тиімді жолдары туралы ақпарат беріліп, материалдар таратылды. Педагогтер шеберлік сыныптарын көрсетіп, тәжірибе алмасты.
Іс-шараға ғалымдар, музей қызметкерлері, аудандар мен Тараз қалалық білім бөлімдерінің әдіскерлері, тарих пәнінің мұғалімдері, барлығы 60 педагог қатысты.