«Алаш арыстары: тарихы мен мұрасы» тақырыбында облыстық онлайн ғылыми жоба байқауы өтті

2021 жылдың  16 ақпан күні облыстық оқу-әдістемелік кабинетінің ұйымдастыруымен «Алаш арыстары: тарихы мен мұрасы» тақырыбында облыстық онлайн ғылыми жоба байқауы өтті.

Іс-шараның мақсаты – өскелең ұрпаққа Алаш қайраткерлерінің өмір жолы, еңбектері мен тарихи мұрасын насихаттау, дарынды жас зерттеушілерді анықтау.

Ғылыми жоба байқауы барысында оқушылар өздерінің ізденіс жұмыстарында Алаш қайраткерлерінің өмір жолы, қызметі,  ерен еңбектері  туралы зерттеулерін ұсынды. Іс-шара оқушылардың бойында елжандылық, азаматтық және ұлттық құндылықтардың қалыптасуына ықпал етті.

Ғылыми жоба байқауына жалпы орта білім мекемелерінің 8-10 сынып оқушылары, барлығы 32  оқушы қатысты.

Ғылыми жоба байқауының нәтижесінде дарынды балаларға арналған мамандандырылған «Дарын» мектеп-интернатының 10 сынып оқушысы Өтеулі Мағжан І орынды, Меркі ауданы №44 орта мектебінің 8 сынып оқушысы Сарварова Хадижа, Меркі ауданы И.Турбицын атындағы №17 мектеп-гимназиясының 9 сынып оқушысы Раймбек Аяулым, Т.Рысқұлов ауданы М.Горький атындағы орта мектебінің 10 сынып оқушысы Махмут Ләйлә                   ІІ орынды, Жамбыл ауданы Б.Момышұлы атындағы мектеп-гимназиясының             9 сынып оқушысы Жамбыл Мерейлім, Меркі ауданы Тілеміс батыр атындағы №4 орта мектебінің 10 сынып оқушысы Марат Алина, Шу ауданы М.Ғабдуллин атындағы орта мектебінің 8 сынып оқушысы Амангелді Ақжарқын, М.Әуезов атындағы орта мектебінің 9 сынып оқушысы Қырғызбаев Еркебұлан                         ІІІ орындарды иеленді. Байзақ ауданы Ю.Гагарин атындағы орта мектебінің               10 сынып оқушысы Жақыпхан Мөлдір, Тараз қаласы №11 орта мектебінің                8 сынып оқушысы Хуснутдинова Камилла,  Тараз қаласы №24 гимназияның             10 сынып оқушысы Лукаш Александр алғыс хаттармен марапатталды.

Байқау жеңімпаздарын ҚҰТТЫҚТАЙМЫЗ!!!

«Қысқы мектеп» жобасы аясында математика пәнінің мұғалімдеріне  онлайн режимінде шеберлік сынып өтті

           2021 жылдың  15 ақпан күні облыстық оқу-әдістемелік кабинетінің ұйымдастыруымен ZOOM бейнебайланыс режимінде облыстық  дарынды балаларға арналған  мамандандырылған  «Дарын» мектеп-интернатының тәжірибелі  мұғалімдері  «Тестирование на уроках математики, эффективный способ оценивания при дистанционного обучений»,       «Әр түрлі деңгейдегі есептердің  шығару жолдары»   тақырыптарында математика пәнінің    мұғалімдеріне арналған онлайн  режимінде шеберлік  сынып өтті.

          Іс-шара барысында математика сабағында  әр түрлі деңгейдегі есептер мен олимпиадалық есептерді  шығару, шешу, талдау жолдарының тиімді әдіс-тәсілдерін , Online Test Pad  платформасы арқылы   БЖБ,ТЖБ тест тапсырмаларын  құрастырудың  түрлі  жолдарын көрсетіп,  іс- тәжірибесімен бөлісті.

Аталған іс-шараға облыстың 162 математика пәнінің мұғалімдері қатысты.

Түркістан облысының педагогтарымен тәжірибе алмасу вебинары өтті.

          2021 жылдың 15 ақпан күні Түркістан облысының білім қызметкерлері үшін «Оқушылардың функционалдық сауаттылығын дамыту: Ізденіс. Тәжірибе. Нәтиже» тақырыбында тәжірибе алмасу вебинары өтті.

Жамбыл облысы әкімдігі білім басқармасының оқу-әдістемелік кабинетінің бөлім жетекшісі, халықаралық зерттеулер бойынша облыстық координатор Ш.Жамалбекова тәжірибелік таныстырылым арқылы оқушылардың функционалдық сауаттылықтарын қалыптастыру бағытындағы жұмыстарға тоқталып, биылғы жылы өтетін халықаралық PISA, TIMSS, PIRLS халықаралық зерттеулерінде кездесетін тапсырмалармен таныстырып өтті.

Вебинар барысында Жамбыл ауданы әкімдігі білім бөлімінің әдіскері, аудан үйлестірушісі А.Т.Бейбітова оқушылардың математикалық, жаратылыстану және оқу  сауаттылықтарын арттыру мақсатында жүргізілген іс-тәжірибесімен бөлісіп, аудан көлемінде жүргізілген жұмыстардың жүйесімен таныстырды..

Аталған вебинарға  Түркістан облысы білім басқармасының 613 облыстық (аудандық) әдістемелік кабинеттердің меңгерушілері, мектеп директорлары мен оқу-ісі жөніндегі орынбасарлары қатысты.

Іс-шара барысында Түркістан облысы адами әлеуетті дамыту басқармасының әдістемелік орталығының директоры А.З.Турсынбаев, директордың инновациялық жұмысы жөніндегі орынбасары М.Ж.Жансейітқызы оқушылардың функционалдық сауаттылықтарын дамыту  бойынша ашық диалогтық алаңда іс-тәжірибе алмасу бағытында Жамбыл облысы әкімдігі білім басқармасының оқу-әдістемелік кабинетінің ұжымына алғыстарын білдірді.

«Жаңа емледегі жаңалықтар:Ұсыныс. Тәжірибе. Нәтиже» тақырыбында облыстық онлайн кеңес өтті

Жамбыл облысы әкімдігінің білім басқармасының оқу-әдістемелік кабинеті 2021 жылдың 15 қаңтарында А.Байтұрсынов атындағы Тіл білімі институтының бас ғылыми қызметкері, ф.ғ.д., профессор Құралай Күдеринованың  қатысуымен    қазақ тілі әліпбиін латын графикасына көшіру жөніндегі ұлттық комиссия мақұлдаған жаңа әліпби негізіндегі қазақ тілі емле ережесін (әріптердің емлесі, түбір сөздердің емлесі, қосымшалардың жалғануы, бөлек жазылатын сөздердің емлесі, бірге жазылатын сөздердің емлесі, дефиспен жазылатын сөздердің емлесі, бас әріптің емлесі,  қысқарған сөздердің емлесі, кірме сөздердің емлесі, сөздердің тасымалдануы) қолданудың тиімді жолдарын меңгеру мақсатында облыстық онлайн кеңес өтті.

Іс-шара барысында жаңа жазуды үйрену барысында диакритикалық таңбасы бар төл әріптердің графикалық сұлбасын санаға мықтап орнату қажеттігі, айтылмайтын және сөз мағынасына әсер етпейтін қосар дыбыстар түсіріліп отыратындығы, я, ю әріптері йа, йу түрінде және ъ, ь, е, э, щ, ц әріптері бар шеттілдік сөздерді тіліміздің айтылым заңына сай жазылатындығы туралы айтылды.

«Жаңа емледегі жаңалықтар:Ұсыныс. Тәжірибе. Нәтиже» тақырыбында облыстық онлайн кеңеске аудандық (қалалық) білім бөлімдері мен облыстық білім басқармасына қарасты білім мекемелерінен 298 мұғалім қатысты.