Халықаралық зерттеулер

ЖАМБЫЛДЫҚ ОҚУШЫЛАР ЖЕТІ ЖЫЛ ҚАТАРЫНАН ҮЗДІК АТАНДЫ

Жалпы білім беретін пәндердің жаратылыстану-математикалық бағыты бойынша Республикалық олимпиада 15-20 наурыз күндері – Атырау қаласында, ал қоғамдық-гуманитарлық бағыты бойынша 25-30 наурыз күндері – Қостанай қаласында өтті. Аталған білім додасында жамбылдық оқушылар топ жарып, қанжығаларын майлап қайтты.

Биылғы оқу жылы жамбылдық оқушылар үшін жемісті жыл болды. Облысымыздың үздік оқушыларының республикалық білім додаларында алдыңғы қатардан көрініп, қарсыластарына дес бермей келе жатқаны осының дәлелі.

"Дарын" республикалық ғылыми-практикалық орталығының ұйымдастыруымен Қостанай қаласында өткізілген олимпиада теориялық және практикалық кезең бойынша өтті. Оқушылардың шығармашылық қабілетін жетілдіру, теориялық білімін тереңдетіп, тәжірибелік іскерліктерін шыңдау, жеке тұлғаның өзін-өзі танытуына ықпал ету, дарынды балаларды анықтауға жағдай жасау, оқушыларды халықаралық олимпиадаға іріктеу және даярлау мақсатында ұйымдастырылған жаратылыстану-математика бағытындағы республикалық олимпиадаға еліміздің әр шалғайынан 800-ден аса оқушы қатысып, бақтарын сынады.

Толығырақ: ЖАМБЫЛДЫҚ ОҚУШЫЛАР ЖЕТІ ЖЫЛ ҚАТАРЫНАН ҮЗДІК АТАНДЫ

«ТАБИҒАТТЫ АЯЛА» АТТЫ ЖАС ӨЛКЕТАНУШЫЛАР, ЭКОЛОГТАР МЕН ТАБИҒАТ ЗЕРТТЕУШІЛЕРІНІҢ ФОРУМЫ

Облыстық білім басқармасының ұйымдастыруымен 5 сәуір күні облыс орталығында туған өлкесін сүйетін және зерттейтін жас жеткіншектер арасында сайыс өтті.

«Табиғатты аяла» атты жас өлкетанушылар, экологтар мен табиғат зерттеушілерінің форумы жасөспірімдерді табиғатты аялауға баулу, өз өлкенің табиғи мұрасын сақтау мен зерртеу, жасөспірімдердің экологиялық мәдениетін тәрбиелеу, сондай-ақ, азаматтық жауапкершілігі мен патриотизм сезімін дамыту мақсатында ұйымдастырылды.

Жас өлкетанушылар Тараз қаласының №30 мектеп-гимназиясының базасында бас қосты. Форумға аудандық және Тараз қалалық «Табиғатты аяла» жас өлкетанушылардың, экологтар мен табиғат зерттеушілерінің форумдарында жеңімпаз атанған109 оқушы қатысты.

Игі шара 7 номинация бойынша өтіп, форум қорытындысы бойынша қатысушылар дипломдармен және бағалы сыйлықтармен марапатталды:

«Туған өлкені зерттейміз» номинациясында оқушылардың туған жерінің ескерткіштері мен қорықтарын зерттеу жұмыстарын жүргізді. Аталған номинация бойынша Талас ауданы лицейінің оқушысы Ф.Абдрашидова жеңіске жетті.

Толығырақ: «ТАБИҒАТТЫ АЯЛА» АТТЫ ЖАС ӨЛКЕТАНУШЫЛАР, ЭКОЛОГТАР МЕН ТАБИҒАТ ЗЕРТТЕУШІЛЕРІНІҢ ФОРУМЫ

ХАЛЫҚАРАЛЫҚ PISA-2018 ЗЕРТТЕУІ ӨТКІЗІЛУДЕ

Үстіміздегі жылдың 2 сәуір - 12 мамыр аралығында халықаралық апробациялық TIMSS-2019 зерттеуі қағаз жүзінде, ал негізгі PISA-2018, ICILS-2018 зерттеулері компьютерлік форматта өткізілетін болады.

PISA зерттеуіне облыс бойынша 6 колледж, 27 мектеп, барлығы 33 білім мекемесінен 15 жастағы білім алушылар қатысатын болады.

Ағымдағы жылдың 2 сәуір күні Абай атындағы Жамбыл гуманитарлық колледжінің базасында халықаралық PISA -2018 негізгі зерттеуі өткізілді.

Зерттеуге колледжден 42 білімгер қатысты.

Тірек мектептердің (ресурстық орталықтардың) жұмысын жандандыру

2018 жылдың 30 наурыз күні облыстық білім басқармасының оқу-әдістемелік кабинеттің ұйымдастыруымен «Тірек мектептерінде (ресурстық орталықтарында) оқу–тәрбие жұмысын тиімді ұйымдастыру» тақырыбында облыстық семинар-практикум өтті.

Семинар-практикум барысында Жуалы ауданындағы Ақтөбе тірек мектебінде (ресурстық орталығында) оқушыларды әлеуметтендіру, Байзақ ауданындағы Дихан тірек мектебіндегі оқушылардың шығармашылық потенциалын дамыту, Шу ауданындағы М.Мақатаев атындағы тірек мектебіндегі желілік жағдайында оқу үдерісін технологизациялау арқылы білім сапасын қамтамасыз ету тәжірибелері ұсынылып, туындаған мәселелер, ұсыныстар, ескертулер талқыланды.
Т.Рысқұлов ауданындағы М.Әуезов атындағы тірек мектептің басшысы М.Ш.Сәрсенова тірек мектепте инновациялық үдерістерді басқару моделін ұсынды. Аталған жұмыс 2017 жылдың қараша айында өткен республикалық «Үздік тірек мектебі (ресурстық орталығы)» байқауында ең үздік деп танылып, байқаудың бас жүлдесін иеленген.

Толығырақ: Тірек мектептердің (ресурстық орталықтардың) жұмысын жандандыру

АСТАНА – ТӘУЕЛСІЗ ҚАЗАҚСТАННЫҢ СИМВОЛЫ

Жамбыл облысы әкімдігі білім басқармасының оқу-әдістемелік кабинетінің ұйымдастыруымен ҚР Елордасы – Астана қаласының 20 жылдығына орай 2018 жылдың 30 наурыз күні мектеп олимпиадаларын және мектептен тыс іс-шараларды өткізетін облыстық орталықтың базасында «Астана – тәуелсіз Қазақстанның символы» тақырыбында облыстық ғылыми-тәжірибелік конференция өткізілді.

Іс-шара Елорданың тарихи маңызын айқындау, татулық пен бейбітшіліктің символына айналған бас қаламыздың заманауи келбетін педагогтар арасында насихаттау мақсатында ұйымдастырылды.
Конференция жұмысына ЖОО-ның ғалымдары, аудандық, Тараз қалалық білім бөлімдерінің әдіскерлері, білім беру ұйымдарының басшылары мен орынбасарлары, пән мұғалімдері, техникалық және кәсіптік білім беру ұйымдарының арнайы пән оқытушылары, барлығы 260 педагог қатысты.

Толығырақ: АСТАНА – ТӘУЕЛСІЗ ҚАЗАҚСТАННЫҢ СИМВОЛЫ