«Бағдарлы оқыту – жаңа форматтағы ҰБТ-ға дайындық барысында жаратылыстану-математикалық бағытындағы мектеп бітіруші түлектердің құзыреттілігін қалыптастыру құралы ретінде» тақырыбында облыстық онлайн режимінде тамыз кеңесінің секция отырысы өтті

2019 жылдың 12 тамызында Жамбыл облысы әкімдігі білім басқармасының оқу-әдістемелік кабинетінің ұйымдастыруымен        «Бағдарлы оқыту – жаңа форматтағы ҰБТ-ға дайындық барысында жаратылыстану-математикалық бағытындағы мектеп бітіруші түлектердің құзыреттілігін қалыптастыру құралы ретінде» облыстық онлайн режимінде тамыз кеңесінің секция отырысы өтті.

Облыстық тамыз кеңесінің секция отырысында 5-11 сыныпқа сабақ беретін физика пәні мұғалімдері мен пән әдіскерлері, барлығы  236  педагог қатысты.

Секция отырысында педагогтарға жалпы орта білім беретін мектептердегі 9, 10 сыныптарда оқу процесін ұйымдастырудың ерекшеліктері, үш тілді білім беруге көшу, STEM білім берудің маңызы, бағдарлы оқыту барысында жаңа форматты ҰБТ- ға дайындау жолдарымен бөлісіп, шеберлік сыныптары өткізілді, ұсынымдар  беріліп,  дидактикалық материалдар таратылды.

«Ұлттық бірыңғай тестілеуге сапалы дайындық - нәтиже көрсеткіші» тақырыбында облыстық онлайн семинар өтті

Облыстық оқу-әдістемелік кабинетінің ұйымдастыруымен  2019 жылдың  30 мамырында «Zhambil_Obl_Metod» бөлмесінде мектеп бітірушілердің ҰБТ-ға дайындығын қамтамасыз ету мақсатында негізгі пәндер бойынша «Ұлттық бірыңғай тестілеуге сапалы дайындық- нәтиже көрсеткіші» тақырыбында облыстық онлайн семинар өткізілді. Аталған       іс-шараға (қазақ тілі мен әдебиеті – 414, ағылшын – 627, тарих –343, физика – 313, математика – 569) 2266 мұғалім қатысты.

Онлайн семинар барысында пән мұғалімдері оқу сауаттылығының әлемдік кеңістіктегі маңызы мен деңгейлерін, тест тапсырмаларын әзірлеу жолдары мен түрлерін, толық емес мәтіндерге қойылған талаптар, тест спецификациясын, мектептердегі оқушыларға мәтінмен жұмыс істеу тәсілдерін меңгерту барысында түрлі әдіс-тәсілдермен бөлісті.

Пән мұғалімдерінің кәсіби біліктілігін көтеру үшін әдістемелік көмек берілді.

«Интегрированное изучение трех языков в средней школе: состояние и перспективы» тақырыбында филологиялық пәндердің мұғалімдеріне арналған облыстық онлайн режимінде тамыз кеңесінің секция отырысы өтті

2019 жылдың 13 тамызында Жамбыл облысы әкімдігі білім басқармасының оқу-әдістемелік кабинетінің ұйымдастыруымен филологиялық пәндердің мұғалімдерінің кәсіби құзіреттілігін арттыру  мақсатында «Интегрированное изучение трех языков в средней школе: состояние и перспективы» тақырыбында облыстық тамыз кеңесінің секция отырысы өтті.

          Іс-шараға барлығы 1112 филологиялық пәндердің мұғалімдері қатысты.

          Секция отырысы барысында 2019-2020 оқу жылының әдістемелік нұсқау хаты бойынша түсіндіру жұмыстары жүргізілді, жаңартылған білім беру мазмұны аясында филологиялық пәндерді оқытудың ерекшеліктері туралы тұжырымдар жасалып, дидактикалық материалдар таратылды.

«Заманауи білім берудегі инновациялар мен әдістемелер: тәжірибесі мен перспективалары» тақырыбындағы гуманитарлық бағыттағы пәндердің мұғалімдеріне арналған облыстық педагогикалық оқулар өтті

Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2019 жылдың 29 мамыр күні «Заманауи білім берудегі инновациялар мен әдістемелер: тәжірибесі мен перспективалары» тақырыбындағы гуманитарлық бағыттағы пәндердің мұғалімдеріне арналған облыстық педагогикалық оқулар өткізілді.

          Іс-шараның мақсаты – педагогтардың әдістемелік және кәсіби деңгейлерін арттыру.

Педагогикалық оқулар барысында жаңартылған білім беру мазмұны аясында  заманауи әдістемелер мен тиімді педагогикалық технологияларды қолдану,  білім берудің сапасын арттыруда ақпараттық-коммуникативтік технологияларды пайдаланудың тиімділігі, оқушылардың оқу сауаттылығын арттырудың жолдары сөз етілді. Қазіргі кездегі инновациялық технологияларды қолдану, бейінді үлгілі авторлық бағдарламалардың мазмұны, озық педагогикалық тәжірибелер талқыланып, қатысушылар тәжірибе алмасты.

Педагогикалық оқуларда педагогтар 4 секция, 3 бағыт бойынша жұмыстар жүргізді.

Іс-шараға жоғары оқу орындарының ғалымдары, қазақ тілі мен әдебиеті, орыс тілі мен әдебиеті, ағылшын тілі және тарих пәні мұғалімдері, барлығы  140 педагог қызметкер қатысты.

Қорытынды бөлімінде үздік деп танылған мұғалімдер I, II, III дәрежелі дипломдармен және алғыс хаттармен марапатталды.